Psalms 35
1 `To Dauid. Lord, deme thou hem, that anoien me; ouercome thou hem, that fiyten ayens me.
| לדוד ריבה יהוה את-יריבי לחם את-לחמי |
2 Take thou armeris and scheeld; and rise vp into help to me.
| החזק מגן וצנה וקומה בעזרתי |
3 Schede out the swerd, and close togidere ayens hem that pursuen me; seie thou to my soule, Y am thin helthe.
| והרק חנית וסגר לקראת רדפי אמר לנפשי ישעתך אני |
4 Thei that seken my lijf; be schent, and aschamed. Thei that thenken yuels to me; be turned awei bacward, and be schent.
| יבשו ויכלמו מבקשי נפשי יסגו אחור ויחפרו--חשבי רעתי |
5 Be thei maad as dust bifor the face of the wynd; and the aungel of the Lord make hem streit.
| יהיו כמץ לפני-רוח ומלאך יהוה דוחה |
6 Her weie be maad derknesse, and slydirnesse; and the aungel of the Lord pursue hem.
| יהי-דרכם חשך וחלקלקת ומלאך יהוה רדפם |
7 For with out cause thei hidden to me the deth of her snare; in veyn thei dispisiden my soule.
| כי-חנם טמנו-לי שחת רשתם חנם חפרו לנפשי |
8 The snare which he knoweth not come to hym, and the takyng which he hidde take hym; and fall he in to the snare in that thing.
| תבואהו שואה לא-ידע ורשתו אשר-טמן תלכדו בשואה יפל-בה |
9 But my soule schal fulli haue ioye in the Lord; and schal delite on his helthe.
| ונפשי תגיל ביהוה תשיש בישועתו |
10 Alle my boonys schulen seie, Lord, who is lijk thee? Thou delyuerist a pore man fro the hond of his strengere; a nedi man and pore fro hem that diuersely rauischen hym.
| כל עצמותי תאמרנה-- יהוה מי כמוך מציל עני מחזק ממנו ועני ואביון מגזלו |
11 Wickid witnessis risynge axiden me thingis, whiche Y knewe not.
| יקומון עדי חמס אשר לא-ידעתי ישאלוני |
12 Thei yeldiden to me yuels for goodis; bareynnesse to my soule.
| ישלמוני רעה תחת טובה שכול לנפשי |
13 But whanne thei weren diseseful to me; Y was clothid in an heire. I mekide my soule in fastyng; and my preier schal be turned `with ynne my bosum.
| ואני בחלותם לבושי שק-- עניתי בצום נפשי ותפלתי על-חיקי תשוב |
14 I pleside so as oure neiybore, as oure brother; Y was `maad meke so as morenynge and sorewful.
| כרע-כאח לי התהלכתי כאבל-אם קדר שחותי |
15 And thei weren glad, and camen togidere ayens me; turmentis weren gaderid on me, and Y knew not.
| ובצלעי שמחו ונאספו נאספו עלי נכים ולא ידעתי קרעו ולא-דמו |
16 Thei weren scaterid, and not compunct, thei temptiden me, thei scornyden me with mowyng; thei gnastiden on me with her teeth.
| בחנפי לעגי מעוג-- חרק עלי שנימו |
17 Lord, whanne thou schalt biholde, restore thou my soule fro the wickidnesse of hem; `restore thou myn oon aloone fro liouns.
| אדני כמה תראה השיבה נפשי משאיהם מכפירים יחידתי |
18 I schal knowleche to thee in a greet chirche; Y schal herie thee in a sad puple.
| אודך בקהל רב בעם עצום אהללך |
19 Thei that ben aduersaries wickidli to me, haue not ioye on me; that haten me with out cause, and bikenen with iyen.
| אל-ישמחו-לי איבי שקר שנאי חנם יקרצו-עין |
20 For sotheli thei spaken pesibli to me; and thei spekynge in wrathfulnesse of erthe thouyten giles.
| כי לא שלום ידברו ועל רגעי-ארץ--דברי מרמות יחשבון |
21 And thei maden large her mouth on me; thei seiden, Wel, wel! oure iyen han sien.
| וירחיבו עלי פיהם אמרו האח האח ראתה עיננו |
22 Lord, thou hast seen, be thou not stille; Lord, departe thou not fro me.
| ראיתה יהוה אל-תחרש אדני אל-תרחק ממני |
23 Rise vp, and yyue tent to my doom; my God and my Lord, biholde in to my cause.
| העירה והקיצה למשפטי אלהי ואדני לריבי |
24 Mi Lord God, deme thou me bi thi riytfulnesse; and haue thei not ioye on me.
| שפטני כצדקך יהוה אלהי ואל-ישמחו-לי |
25 Seie thei not in her hertis, Wel, wel, to oure soule; nether seie thei, We schulen deuoure hym.
| אל-יאמרו בלבם האח נפשנו אל-יאמרו בלענוהו |
26 Shame thei, and drede thei togidere; that thanken for myn yuels. Be thei clothid with schame and drede; that speken yuele thingis on me.
| יבשו ויחפרו יחדו-- שמחי רעתי ילבשו-בשת וכלמה-- המגדילים עלי |
27 Haue thei ful ioie, and be thei glad that wolen my riytfulnesse; and seie thei euere, The Lord be magnyfied, whiche wolen the pees of his seruaunt.
| ירנו וישמחו חפצי צדקי ויאמרו תמיד יגדל יהוה החפץ שלום עבדו |
28 And my tunge schal bithenke thi riytfulnesse; al day thin heriyng.
| ולשוני תהגה צדקך כל-היום תהלתך |
