Psalms 33
1 Ye iust men, haue fulli ioye in the Lord; presyng togidere bicometh riytful men.
Psalmus David. [Exsultate, justi, in Domino; rectos decet collaudatio.
2 Knouleche ye to the Lord in an harpe; synge ye to hym in a sautre of ten strengis.
Confitemini Domino in cithara; in psalterio decem chordarum psallite illi.
3 Synge ye to hym a newe song; seie ye wel salm to hym in criyng.
Cantate ei canticum novum; bene psallite ei in vociferatione.
4 For the word of the Lord is riytful; and alle hise werkis ben in feithfulnesse.
Quia rectum est verbum Domini, et omnia opera ejus in fide.
5 He loueth merci and doom; the erthe is ful of the merci of the Lord.
Diligit misericordiam et judicium; misericordia Domini plena est terra.
6 Heuenes ben maad stidfast bi the word of the Lord; and `al the vertu of tho bi the spirit of his mouth.
Verbo Domini cæli firmati sunt, et spiritu oris ejus omnis virtus eorum.
7 And he gaderith togidere the watris of the see as in a bowge; and settith depe watris in tresours.
Congregans sicut in utre aquas maris; ponens in thesauris abyssos.
8 Al erthe drede the Lord; sotheli alle men enhabitynge the world ben mouyd of hym.
Timeat Dominum omnis terra; ab eo autem commoveantur omnes inhabitantes orbem.
9 For he seide, and thingis weren maad; he comaundide, and thingis weren maad of nouyt.
Quoniam ipse dixit, et facta sunt; ipse mandavit et creata sunt.
10 The Lord distrieth the counsels of folkis, forsothe he repreueth the thouytis of puplis; and he repreueth the counsels of prynces.
Dominus dissipat consilia gentium; reprobat autem cogitationes populorum, et reprobat consilia principum.
11 But the counsel of the Lord dwellith with outen ende; the thouytis of his herte dwellen in generacioun and into generacioun.
Consilium autem Domini in æternum manet; cogitationes cordis ejus in generatione et generationem.
12 Blessid is the folk, whose Lord is his God; the puple which he chees into eritage to hym silf.
Beata gens cujus est Dominus Deus ejus; populus quem elegit in hæreditatem sibi.
13 The Lord bihelde fro heuene; he siy alle the sones of men.
De cælo respexit Dominus; vidit omnes filios hominum.
14 Fro his dwellyng place maad redi bifor; he bihelde on alle men, that enhabiten the erthe.
De præparato habitaculo suo respexit super omnes qui habitant terram:
15 Which made syngulerli the soules of hem; which vndurstondith all the werkis of hem.
qui finxit sigillatim corda eorum; qui intelligit omnia opera eorum.
16 A kyng is not sauyd bi myche vertu; and a giaunt schal not be sauyd in the mychilnesse of his vertu.
Non salvatur rex per multam virtutem, et gigas non salvabitur in multitudine virtutis suæ.
17 An hors is false to helthe; forsothe he schal not be sauyd in the habundaunce, `ether plentee, of his vertu.
Fallax equus ad salutem; in abundantia autem virtutis suæ non salvabitur.
18 Lo! the iyen of the Lord ben on men dredynge hym; and in hem that hopen on his merci.
Ecce oculi Domini super metuentes eum, et in eis qui sperant super misericordia ejus:
19 That he delyuere her soules fro deth; and feede hem in hungur.
ut eruat a morte animas eorum, et alat eos in fame.
20 Oure soule suffreth the Lord; for he is oure helpere and defendere.
Anima nostra sustinet Dominum, quoniam adjutor et protector noster est.
21 For oure herte schal be glad in him; and we schulen haue hope in his hooli name.
Quia in eo lætabitur cor nostrum, et in nomine sancto ejus speravimus.
22 Lord, thi merci be maad on vs; as we hopiden in thee.
Fiat misericordia tua, Domine, super nos, quemadmodum speravimus in te.]
