Psalms 22
1 To ouercome, for `the morewtid hynd; the salm of Dauid. God, my God, biholde thou on me, whi hast thou forsake me? the wordis of my trespassis ben fer fro myn helthe.
To ouercome, for `the morewtid hynd; the salm of Dauid. God, my God, biholde thou on me, whi hast thou forsake me? the wordis of my trespassis ben fer fro myn helthe.
2 Mi God, Y schal crye bi dai, and thou schalt not here; and bi nyyt, and not to vnwisdom to me.
Mi God, Y schal crye bi dai, and thou schalt not here; and bi nyyt, and not to vnwisdom to me.
3 Forsothe thou, the preisyng of Israel, dwellist in holynesse;
Forsothe thou, the preisyng of Israel, dwellist in holynesse;
4 oure fadris hopiden in thee, thei hopiden, and thou delyueridist hem.
oure fadris hopiden in thee, thei hopiden, and thou delyueridist hem.
5 Thei crieden to thee, and thei weren maad saaf; thei hopiden in thee, and thei weren not schent.
Thei crieden to thee, and thei weren maad saaf; thei hopiden in thee, and thei weren not schent.
6 But Y am a worm, and not man; the schenschip of men, and the outcastyng of the puple.
But Y am a worm, and not man; the schenschip of men, and the outcastyng of the puple.
7 Alle men seynge me scorneden me; thei spaken with lippis, and stiriden the heed.
Alle men seynge me scorneden me; thei spaken with lippis, and stiriden the heed.
8 He hopide in the Lord, delyuere he hym; make he hym saaf, for he wole hym.
He hopide in the Lord, delyuere he hym; make he hym saaf, for he wole hym.
9 For thou it art that drowist me out of the wombe, thou art myn hope fro the tetis of my modir;
For thou it art that drowist me out of the wombe, thou art myn hope fro the tetis of my modir;
10 in to thee Y am cast forth fro the wombe. Fro the wombe of my modir thou art my God; departe thou not fro me.
in to thee Y am cast forth fro the wombe. Fro the wombe of my modir thou art my God; departe thou not fro me.
11 For tribulacioun is next; for noon is that helpith.
For tribulacioun is next; for noon is that helpith.
12 Many calues cumpassiden me; fatte bolis bisegiden me.
Many calues cumpassiden me; fatte bolis bisegiden me.
13 Thei openyden her mouth on me; as doith a lioun rauyschynge and rorynge.
Thei openyden her mouth on me; as doith a lioun rauyschynge and rorynge.
14 I am sched out as watir; and alle my boonys ben scaterid. Myn herte is maad, as wex fletynge abrood; in the myddis of my wombe.
I am sched out as watir; and alle my boonys ben scaterid. Myn herte is maad, as wex fletynge abrood; in the myddis of my wombe.
15 Mi vertu driede as a tiyl stoon, and my tunge cleuede to my chekis; and thou hast brouyt forth me in to the dust of deth.
Mi vertu driede as a tiyl stoon, and my tunge cleuede to my chekis; and thou hast brouyt forth me in to the dust of deth.
16 For many doggis cumpassiden me; the counsel of wickid men bisegide me. Thei delueden myn hondis and my feet;
For many doggis cumpassiden me; the counsel of wickid men bisegide me. Thei delueden myn hondis and my feet;
17 thei noumbriden alle my boonys. Sotheli thei lokiden, and bihelden me;
thei noumbriden alle my boonys. Sotheli thei lokiden, and bihelden me;
18 thei departiden my clothis to hem silf, and thei senten lot on my cloth.
thei departiden my clothis to hem silf, and thei senten lot on my cloth.
19 But thou, Lord, delaie not thin help fro me; biholde thou to my defence.
But thou, Lord, delaie not thin help fro me; biholde thou to my defence.
20 God, delyuere thou my lijf fro swerd; and delyuere thou myn oon aloone fro the hond of the dogge.
God, delyuere thou my lijf fro swerd; and delyuere thou myn oon aloone fro the hond of the dogge.
21 Make thou me saaf fro the mouth of a lioun; and my mekenesse fro the hornes of vnycornes.
Make thou me saaf fro the mouth of a lioun; and my mekenesse fro the hornes of vnycornes.
22 I schal telle thi name to my britheren; Y schal preise thee in the myddis of the chirche.
I schal telle thi name to my britheren; Y schal preise thee in the myddis of the chirche.
23 Ye that dreden the Lord, herie hym; alle the seed of Jacob, glorifie ye hym.
Ye that dreden the Lord, herie hym; alle the seed of Jacob, glorifie ye hym.
24 Al the seed of Israel drede hym; for he forsook not, nethir dispiside the preier of a pore man. Nethir he turnede awei his face fro me; and whanne Y criede to hym, he herde me.
Al the seed of Israel drede hym; for he forsook not, nethir dispiside the preier of a pore man. Nethir he turnede awei his face fro me; and whanne Y criede to hym, he herde me.
25 Mi preisyng is at thee in a greet chirche; Y schal yelde my vowis in the siyt of men dredynge hym.
Mi preisyng is at thee in a greet chirche; Y schal yelde my vowis in the siyt of men dredynge hym.
26 Pore men schulen ete, and schulen be fillid, and thei schulen herie the Lord, that seken hym; the hertis of hem schulen lyue in to the world of world.
Pore men schulen ete, and schulen be fillid, and thei schulen herie the Lord, that seken hym; the hertis of hem schulen lyue in to the world of world.
27 Alle the endis of erthe schulen bithenke; and schulen be conuertid to the Lord. And alle the meynees of hethene men; schulen worschipe in his siyt.
Alle the endis of erthe schulen bithenke; and schulen be conuertid to the Lord. And alle the meynees of hethene men; schulen worschipe in his siyt.
28 For the rewme is the Lordis; and he schal be Lord of hethene men.
For the rewme is the Lordis; and he schal be Lord of hethene men.
29 Alle the fatte men of erthe eeten and worschipiden; alle men, that goen doun in to erthe, schulen falle doun in his siyt.
Alle the fatte men of erthe eeten and worschipiden; alle men, that goen doun in to erthe, schulen falle doun in his siyt.
30 And my soule schal lyue to hym; and my seed schal serue him.
And my soule schal lyue to hym; and my seed schal serue him.
31 A generacioun to comyng schal be teld to the Lord; and heuenes schulen telle his riytfulnesse to the puple that schal be borun, whom the Lord made.
A generacioun to comyng schal be teld to the Lord; and heuenes schulen telle his riytfulnesse to the puple that schal be borun, whom the Lord made.
