Psalms 20

1 To victorie, the salm of Dauid. The Lord here thee in the dai of tribulacioun; the name of God of Jacob defende thee.

in finem psalmus David exaudiat te Dominus in die tribulationis protegat te nomen Dei Iacob

2 Sende he helpe to thee fro the hooli place; and fro Syon defende he thee.

mittat tibi auxilium de sancto et de Sion tueatur te

3 Be he myndeful of al thi sacrifice; and thi brent sacrifice be maad fat.

memor sit omnis sacrificii tui et holocaustum tuum pingue fiat diapsalma

4 Yyue he to thee aftir thin herte; and conferme he al thi counsel.

tribuat tibi secundum cor tuum et omne consilium tuum confirmet

5 We schulen be glad in thin helthe; and we schulen be magnyfied in the name of oure God.

laetabimur in salutari tuo et in nomine Dei nostri magnificabimur

6 The Lord fille alle thin axyngis; nowe Y haue knowe, that the Lord hath maad saaf his crist. He schal here hym fro his hooly heuene; the helthe of his riyt hond is in poweris.

impleat Dominus omnes petitiones tuas nunc cognovi quoniam salvum fecit Dominus christum suum exaudiet illum de caelo sancto suo in potentatibus salus dexterae eius

7 Thes in charis, and these in horsis; but we schulen inwardli clepe in the name of oure Lord God.

hii in curribus et hii in equis nos autem in nomine Domini Dei nostri invocabimus

8 Thei ben boundun, and felden doun; but we han rise, and ben reisid.

ipsi obligati sunt et ceciderunt nos vero surreximus et erecti sumus

9 Lord, make thou saaf the kyng; and here thou vs in the dai in which we inwardli clepen thee.

Domine salvum fac regem et exaudi nos in die qua invocaverimus te