Psalms 19
1 To victorie, the salm of Dauid. Heuenes tellen out the glorie of God; and the firmament tellith the werkis of hise hondis.
in finem psalmus David caeli enarrant gloriam Dei et opera manuum eius adnuntiat firmamentum
2 The dai tellith out to the dai a word; and the nyyt schewith kunnyng to the nyyt.
dies diei eructat verbum et nox nocti indicat scientiam
3 No langagis ben, nether wordis; of whiche the voices of hem ben not herd.
non sunt loquellae neque sermones quorum non audiantur voces eorum
4 The soun of hem yede out in to al erthe; and the wordis of hem `yeden out in to the endis of the world.
in omnem terram exivit sonus eorum et in fines orbis terrae verba eorum
5 In the sunne he hath set his tabernacle; and he as a spouse comynge forth of his chaumbre. He fulli ioyede, as a giaunt, to renne his weie;
in sole posuit tabernaculum suum et ipse tamquam sponsus procedens de thalamo suo exultavit ut gigans ad currendam viam suam
6 his goynge out was fro hiyeste heuene. And his goyng ayen was to the hiyeste therof; and noon is that hidith hym silf fro his heet.
a summo caeli egressio eius et occursus eius usque ad summum eius nec est qui se abscondat a calore eius
7 The lawe of the Lord is with out wem, and conuertith soulis; the witnessyng of the Lord is feithful, and yyueth wisdom to litle children.
lex Domini inmaculata convertens animas testimonium Domini fidele sapientiam praestans parvulis
8 The riytfulnessis of the Lord ben riytful, gladdynge hertis; the comaundement of the Lord is cleere, liytnynge iyen.
iustitiae Domini rectae laetificantes corda praeceptum Domini lucidum inluminans oculos
9 The hooli drede of the Lord dwellith in to world of world; the domes of the Lord ben trewe, iustified in to hem silf.
timor Domini sanctus permanens in saeculum saeculi iudicia Domini vera iustificata in semet ipsa
10 Desirable more than gold, and a stoon myche preciouse; and swettere than hony and honycoomb.
desiderabilia super aurum et lapidem pretiosum multum et dulciora super mel et favum
11 `Forwhi thi seruaunt kepith thoo; myche yeldyng is in tho to be kept.
etenim servus tuus custodit ea in custodiendis illis retributio multa
12 Who vndurstondith trespassis? make thou me cleene fro my priuy synnes;
delicta quis intellegit ab occultis meis munda me
13 and of alien synnes spare thi seruaunt. `If the forseid defautis ben not, Lord, of me, than Y schal be with out wem; and Y schal be clensid of the mooste synne.
et ab alienis parce servo tuo si mei non fuerint dominati tunc inmaculatus ero et emundabor a delicto maximo
14 And the spechis of my mouth schulen be, that tho plese; and the thenkynge of myn herte euere in thi siyt. Lord, myn helpere; and myn ayenbiere.
et erunt ut conplaceant eloquia oris mei et meditatio cordis mei in conspectu tuo semper Domine adiutor meus et redemptor meus
