Psalms 19
1 To victorie, the salm of Dauid. Heuenes tellen out the glorie of God; and the firmament tellith the werkis of hise hondis.
In finem. Psalmus David. [Cæli enarrant gloriam Dei, et opera manuum ejus annuntiat firmamentum.
2 The dai tellith out to the dai a word; and the nyyt schewith kunnyng to the nyyt.
Dies diei eructat verbum, et nox nocti indicat scientiam.
3 No langagis ben, nether wordis; of whiche the voices of hem ben not herd.
Non sunt loquelæ, neque sermones, quorum non audiantur voces eorum.
4 The soun of hem yede out in to al erthe; and the wordis of hem `yeden out in to the endis of the world.
In omnem terram exivit sonus eorum, et in fines orbis terræ verba eorum.
5 In the sunne he hath set his tabernacle; and he as a spouse comynge forth of his chaumbre. He fulli ioyede, as a giaunt, to renne his weie;
In sole posuit tabernaculum suum; et ipse tamquam sponsus procedens de thalamo suo. Exsultavit ut gigas ad currendam viam;
6 his goynge out was fro hiyeste heuene. And his goyng ayen was to the hiyeste therof; and noon is that hidith hym silf fro his heet.
a summo cælo egressio ejus. Et occursus ejus usque ad summum ejus; nec est qui se abscondat a calore ejus.
7 The lawe of the Lord is with out wem, and conuertith soulis; the witnessyng of the Lord is feithful, and yyueth wisdom to litle children.
Lex Domini immaculata, convertens animas; testimonium Domini fidele, sapientiam præstans parvulis.
8 The riytfulnessis of the Lord ben riytful, gladdynge hertis; the comaundement of the Lord is cleere, liytnynge iyen.
Justitiæ Domini rectæ, lætificantes corda; præceptum Domini lucidum, illuminans oculos.
9 The hooli drede of the Lord dwellith in to world of world; the domes of the Lord ben trewe, iustified in to hem silf.
Timor Domini sanctus, permanens in sæculum sæculi; judicia Domini vera, justificata in semetipsa,
10 Desirable more than gold, and a stoon myche preciouse; and swettere than hony and honycoomb.
desiderabilia super aurum et lapidem pretiosum multum, et dulciora super mel et favum.
11 `Forwhi thi seruaunt kepith thoo; myche yeldyng is in tho to be kept.
Etenim servus tuus custodit ea; in custodiendis illis retributio multa.
12 Who vndurstondith trespassis? make thou me cleene fro my priuy synnes;
Delicta quis intelligit? ab occultis meis munda me;
13 and of alien synnes spare thi seruaunt. `If the forseid defautis ben not, Lord, of me, than Y schal be with out wem; and Y schal be clensid of the mooste synne.
et ab alienis parce servo tuo. Si mei non fuerint dominati, tunc immaculatus ero, et emundabor a delicto maximo.
14 And the spechis of my mouth schulen be, that tho plese; and the thenkynge of myn herte euere in thi siyt. Lord, myn helpere; and myn ayenbiere.
Et erunt ut complaceant eloquia oris mei, et meditatio cordis mei in conspectu tuo semper. Domine, adjutor meus, et redemptor meus.]
