Psalms 149

1 Alleluya. Synge ye to the Lord a newe song; hise heriyng be in the chirche of seyntis.

alleluia cantate Domino canticum novum laus eius in ecclesia sanctorum

2 Israel be glad in hym that made hym; and the douytris of Syon make ful out ioye in her king.

laetetur Israhel in eo qui fecit eum et filii Sion exultent in rege suo

3 Herie thei his name in a queer; seie thei salm to hym in a tympan, and sautre.

laudent nomen eius in choro in tympano et psalterio psallant ei

4 For the Lord is wel plesid in his puple; and he hath reisid mylde men in to heelthe.

quia beneplacitum est Domino in populo suo et exaltabit mansuetos in salute

5 Seyntis schulen make ful out ioye in glorie; thei schulen be glad in her beddis.

exultabunt sancti in gloria laetabuntur in cubilibus suis

6 The ful out ioiyngis of God in the throte of hem; and swerdis scharp on `ech side in the hondis of hem.

exaltationes Dei in gutture eorum et gladii ancipites in manibus eorum

7 To do veniaunce in naciouns; blamyngis in puplis.

ad faciendam vindictam in nationibus increpationes in populis

8 To bynde the kyngis of hem in stockis; and the noble men of hem in yrun manaclis.

ad alligandos reges eorum in conpedibus et nobiles eorum in manicis ferreis

9 That thei make in hem doom writun; this is glorye to alle hise seyntis.

ut faciant in eis iudicium conscriptum gloria haec est omnibus sanctis eius