Psalms 119
1 Alleluia. Blessid ben men with out wem in the weie; that gon in the lawe of the Lord.
| אשרי תמימי דרך ההלכים בתורת יהוה׃ |
2 Blessid ben thei, that seken hise witnessingis; seken him in al the herte.
| אשרי נצרי עדתיו בכל לב ידרשוהו׃ |
3 For thei that worchen wickidnesse; yeden not in hise weies.
| אף לא פעלו עולה בדרכיו הלכו׃ |
4 Thou hast comaundid; that thin heestis be kept greetly.
| אתה צויתה פקדיך לשמר מאד׃ |
5 I wolde that my weies be dressid; to kepe thi iustifiyngis.
| אחלי יכנו דרכי לשמר חקיך׃ |
6 Thanne Y schal not be schent; whanne Y schal biholde perfitli in alle thin heestis.
| אז לא אבוש בהביטי אל כל מצותיך׃ |
7 I schal knouleche to thee in the dressing of herte; in that that Y lernyde the domes of thi riytfulnesse.
| אודך בישר לבב בלמדי משפטי צדקך׃ |
8 I schal kepe thi iustifiyngis; forsake thou not me on ech side.
| את חקיך אשמר אל תעזבני עד מאד׃ |
9 In what thing amendith a yong waxinge man his weie? in keping thi wordis.
| במה יזכה נער את ארחו לשמר כדברך׃ |
10 In al myn herte Y souyte thee; putte thou me not awei fro thin heestis.
| בכל לבי דרשתיך אל תשגני ממצותיך׃ |
11 In myn herte Y hidde thi spechis; that Y do not synne ayens thee.
| בלבי צפנתי אמרתך למען לא אחטא לך׃ |
12 Lord, thou art blessid; teche thou me thi iustifiyngis.
| ברוך אתה יהוה למדני חקיך׃ |
13 In my lippis Y haue pronounsid; alle the domes of thi mouth.
| בשפתי ספרתי כל משפטי פיך׃ |
14 I delitide in the weie of thi witnessingis; as in alle richessis.
| בדרך עדותיך ששתי כעל כל הון׃ |
15 I schal be ocupied in thin heestis; and Y schal biholde thi weies.
| בפקדיך אשיחה ואביטה ארחתיך׃ |
16 I schal bithenke in thi iustifiyngis; Y schal not foryete thi wordis.
| בחקתיך אשתעשע לא אשכח דברך׃ |
17 Yelde to thi seruaunt; quiken thou me, and Y schal kepe thi wordis.
| גמל על עבדך אחיה ואשמרה דברך׃ |
18 Liytne thou myn iyen; and Y schal biholde the merueils of thi lawe.
| גל עיני ואביטה נפלאות מתורתך׃ |
19 I am a comeling in erthe; hide thou not thin heestis fro me.
| גר אנכי בארץ אל תסתר ממני מצותיך׃ |
20 Mi soule coueitide to desire thi iustifiyngis; in al tyme.
| גרסה נפשי לתאבה אל משפטיך בכל עת׃ |
21 Thou blamedist the proude; thei ben cursid, that bowen awei fro thin heestis.
| גערת זדים ארורים השגים ממצותיך׃ |
22 Do thou awei `fro me schenschipe and dispising; for Y souyte thi witnessingis.
| גל מעלי חרפה ובוז כי עדתיך נצרתי׃ |
23 For whi princis saten, and spaken ayens me; but thi seruaunt was exercisid in thi iustifiyngis.
| גם ישבו שרים בי נדברו עבדך ישיח בחקיך׃ |
24 For whi and thi witnessyngis is my thenkyng; and my counsel is thi iustifiyngis.
| גם עדתיך שעשעי אנשי עצתי׃ |
25 Mi soule cleuede to the pawment; quykine thou me bi thi word.
| דבקה לעפר נפשי חיני כדברך׃ |
26 I telde out my weies, and thou herdist me; teche thou me thi iustifiyngis.
| דרכי ספרתי ותענני למדני חקיך׃ |
27 Lerne thou me the weie of thi iustifiyngis; and Y schal be exercisid in thi merueils.
| דרך פקודיך הבינני ואשיחה בנפלאותיך׃ |
28 Mi soule nappide for anoye; conferme thou me in thi wordis.
| דלפה נפשי מתוגה קימני כדברך׃ |
29 Remoue thou fro me the weie of wickidnesse; and in thi lawe haue thou merci on me.
| דרך שקר הסר ממני ותורתך חנני׃ |
30 I chees the weie of treuthe; Y foryat not thi domes.
| דרך אמונה בחרתי משפטיך שויתי׃ |
31 Lord, Y cleuede to thi witnessyngis; nyle thou schende me.
| דבקתי בעדותיך יהוה אל תבישני׃ |
32 I ran the weie of thi comaundementis; whanne thou alargidist myn herte.
| דרך מצותיך ארוץ כי תרחיב לבי׃ |
33 Lord, sette thou to me a lawe, the weie of thi iustifiyngis; and Y schal seke it euere.
| הורני יהוה דרך חקיך ואצרנה עקב׃ |
34 Yyue thou vndurstonding to me, and Y schal seke thi lawe; and Y schal kepe it in al myn herte.
| הבינני ואצרה תורתך ואשמרנה בכל לב׃ |
35 Lede me forth in the path of thin heestis; for Y wolde it.
| הדריכני בנתיב מצותיך כי בו חפצתי׃ |
36 `Bowe thou myn herte in to thi witnessingus; and not in to aueryce.
| הט לבי אל עדותיך ואל אל בצע׃ |
37 Turne thou awei myn iyen, that `tho seen not vanyte; quykene thou me in thi weie.
| העבר עיני מראות שוא בדרכך חיני׃ |
38 Ordeyne thi speche to thi seruaunt; in thi drede.
| הקם לעבדך אמרתך אשר ליראתך׃ |
39 Kitte awey my schenschip, which Y supposide; for thi domes ben myrie.
| העבר חרפתי אשר יגרתי כי משפטיך טובים׃ |
40 Lo! Y coueitide thi comaundementis; quikene thou me in thin equite.
| הנה תאבתי לפקדיך בצדקתך חיני׃ |
41 And, Lord, thi merci come on me; thin heelthe come bi thi speche.
| ויבאני חסדך יהוה תשועתך כאמרתך׃ |
42 And Y schal answere a word to men seiynge schenschipe to me; for Y hopide in thi wordis.
| ואענה חרפי דבר כי בטחתי בדברך׃ |
43 And take thou not awei fro my mouth the word of treuthe outerli; for Y hopide aboue in thi domes.
| ואל תצל מפי דבר אמת עד מאד כי למשפטך יחלתי׃ |
44 And Y schal kepe thi lawe euere; in to the world, and in to the world of world.
| ואשמרה תורתך תמיד לעולם ועד׃ |
45 And Y yede in largenesse; for Y souyte thi comaundementis.
| ואתהלכה ברחבה כי פקדיך דרשתי׃ |
46 And Y spak of thi witnessyngis in the siyt of kingis; and Y was not schent.
| ואדברה בעדתיך נגד מלכים ולא אבוש׃ |
47 And Y bithouyte in thin heestis; whiche Y louede.
| ואשתעשע במצותיך אשר אהבתי׃ |
48 And Y reiside myn hondis to thi comaundementis, whiche Y louede; and Y schal be excercisid in thi iustifiyngis.
| ואשא כפי אל מצותיך אשר אהבתי ואשיחה בחקיך׃ |
49 Lord, haue thou mynde on thi word to thi seruaunt; in which word thou hast youe hope to me.
| זכר דבר לעבדך על אשר יחלתני׃ |
50 This coumfortide me in my lownesse; for thi word quikenede me.
| זאת נחמתי בעניי כי אמרתך חיתני׃ |
51 Proude men diden wickidli bi alle thingis; but Y bowide not awei fro thi lawe.
| זדים הליצני עד מאד מתורתך לא נטיתי׃ |
52 Lord, Y was myndeful on thi domes fro the world; and Y was coumfortid.
| זכרתי משפטיך מעולם יהוה ואתנחם׃ |
53 Failing helde me; for synneris forsakinge thi lawe.
| זלעפה אחזתני מרשעים עזבי תורתך׃ |
54 Thi iustifiyngis weren delitable to me to be sungun; in the place of my pilgrimage.
| זמרות היו לי חקיך בבית מגורי׃ |
55 Lord, Y hadde mynde of thi name bi niyt; and Y kepte thi lawe.
| זכרתי בלילה שמך יהוה ואשמרה תורתך׃ |
56 This thing was maad to me; for Y souyte thi iustifiyngis.
| זאת היתה לי כי פקדיך נצרתי׃ |
57 Lord, my part; Y seide to kepe thi lawe.
| חלקי יהוה אמרתי לשמר דבריך׃ |
58 I bisouyte thi face in al myn herte; haue thou merci on me bi thi speche.
| חליתי פניך בכל לב חנני כאמרתך׃ |
59 I bithouyte my weies; and Y turnede my feet in to thi witnessyngis.
| חשבתי דרכי ואשיבה רגלי אל עדתיך׃ |
60 I am redi, and Y am not disturblid; to kepe thi comaundementis.
| חשתי ולא התמהמהתי לשמר מצותיך׃ |
61 The coordis of synneris han biclippid me; and Y haue not foryete thi lawe.
| חבלי רשעים עודני תורתך לא שכחתי׃ |
62 At mydnyyt Y roos to knouleche to thee; on the domes of thi iustifiyngis.
| חצות לילה אקום להודות לך על משפטי צדקך׃ |
63 I am parcener of alle that dreden thee; and kepen thin heestis.
| חבר אני לכל אשר יראוך ולשמרי פקודיך׃ |
64 Lord, the erthe is ful of thi merci; teche thou me thi iustifiyngis.
| חסדך יהוה מלאה הארץ חקיך למדני׃ |
65 Lord, thou hast do goodnesse with thi seruaunt; bi thi word.
| טוב עשית עם עבדך יהוה כדברך׃ |
66 Teche thou me goodnesse, and loore, and kunnyng; for Y bileuede to thin heestis.
| טוב טעם ודעת למדני כי במצותיך האמנתי׃ |
67 Bifor that Y was maad meke, Y trespasside; therfor Y kepte thi speche.
| טרם אענה אני שגג ועתה אמרתך שמרתי׃ |
68 Thou art good; and in thi goodnesse teche thou me thi iustifiyngis.
| טוב אתה ומטיב למדני חקיך׃ |
69 The wickidnesse of hem that ben proude, is multiplied on me; but in al myn herte Y schal seke thin heestis.
| טפלו עלי שקר זדים אני בכל לב אצר פקודיך׃ |
70 The herte of hem is cruddid as mylk; but Y bithouyte thi lawe.
| טפש כחלב לבם אני תורתך שעשעתי׃ |
71 It is good to me, that thou hast maad me meke; that Y lerne thi iustifiyngis.
| טוב לי כי עניתי למען אלמד חקיך׃ |
72 The lawe of thi mouth is betere to me; than thousyndis of gold and of siluer.
| טוב לי תורת פיך מאלפי זהב וכסף׃ |
73 Thin hondis maden me, and fourmeden me; yyue thou vndurstondyng to me, that Y lerne thin heestis.
| ידיך עשוני ויכוננוני הבינני ואלמדה מצותיך׃ |
74 Thei that dreden thee schulen se me, and schulen be glad; for Y hopide more on thi wordis.
| יראיך יראוני וישמחו כי לדברך יחלתי׃ |
75 Lord, Y knewe, that thi domes ben equite; and in thi treuth thou hast maad me meke.
| ידעתי יהוה כי צדק משפטיך ואמונה עניתני׃ |
76 Thi merci be maad, that it coumforte me; bi thi speche to thi seruaunt.
| יהי נא חסדך לנחמני כאמרתך לעבדך׃ |
77 Thi merciful doyngis come to me, and Y schal lyue; for thi lawe is my thenkyng.
| יבאוני רחמיך ואחיה כי תורתך שעשעי׃ |
78 Thei that ben proude be schent, for vniustli thei diden wickidnesse ayens me; but Y schal be exercisid in thin heestis.
| יבשו זדים כי שקר עותוני אני אשיח בפקודיך׃ |
79 Thei that dreden thee be turned to me; and thei that knowen thi witnessyngis.
| ישובו לי יראיך וידעו עדתיך׃ |
80 Myn herte be maad vnwemmed in thi iustifiyngis; that Y be not schent.
| יהי לבי תמים בחקיך למען לא אבוש׃ |
81 Mi soule failide in to thin helthe; and Y hopide more on thi word.
| כלתה לתשועתך נפשי לדברך יחלתי׃ |
82 Myn iyen failiden in to thi speche; seiynge, Whanne schalt thou coumforte me?
| כלו עיני לאמרתך לאמר מתי תנחמני׃ |
83 For Y am maad as a bowge in frost; Y haue not foryete thi iustifiyngis.
| כי הייתי כנאד בקיטור חקיך לא שכחתי׃ |
84 Hou many ben the daies of thi seruaunt; whanne thou schalt make doom of hem that pursuen me?
| כמה ימי עבדך מתי תעשה ברדפי משפט׃ |
85 Wickid men telden to me ianglyngis; but not as thi lawe.
| כרו לי זדים שיחות אשר לא כתורתך׃ |
86 Alle thi comaundementis ben treuthe; wickid men han pursued me, helpe thou me.
| כל מצותיך אמונה שקר רדפוני עזרני׃ |
87 Almeest thei endiden me in erthe; but I forsook not thi comaundementis.
| כמעט כלוני בארץ ואני לא עזבתי פקודיך׃ |
88 Bi thi mersi quikene thou me; and Y schal kepe the witnessingis of thi mouth.
| כחסדך חיני ואשמרה עדות פיך׃ |
89 Lord, thi word dwellith in heuene; with outen ende.
| לעולם יהוה דברך נצב בשמים׃ |
90 Thi treuthe dwellith in generacioun, and in to generacioun; thou hast foundid the erthe, and it dwellith.
| לדר ודר אמונתך כוננת ארץ ותעמד׃ |
91 The dai lastith contynueli bi thi ordynaunce; for alle thingis seruen to thee.
| למשפטיך עמדו היום כי הכל עבדיך׃ |
92 No but that thi lawe was my thenking; thanne perauenture Y hadde perischid in my lownesse.
| לולי תורתך שעשעי אז אבדתי בעניי׃ |
93 With outen ende Y schal not foryete thi iustifiyngis; for in tho thou hast quikened me.
| לעולם לא אשכח פקודיך כי בם חייתני׃ |
94 I am thin, make thou me saaf; for Y haue souyt thi iustifiyngis.
| לך אני הושיעני כי פקודיך דרשתי׃ |
95 Synneris aboden me, for to leese me; Y vndurstood thi witnessingis.
| לי קוו רשעים לאבדני עדתיך אתבונן׃ |
96 I siy the ende of al ende; thi comaundement is ful large.
| לכל תכלה ראיתי קץ רחבה מצותך מאד׃ |
97 Lord, hou louede Y thi lawe; al dai it is my thenking.
| מה אהבתי תורתך כל היום היא שיחתי׃ |
98 Aboue myn enemyes thou madist me prudent bi thi comaundement; for it is to me with outen ende.
| מאיבי תחכמני מצותך כי לעולם היא לי׃ |
99 I vndurstood aboue alle men techinge me; for thi witnessingis is my thenking.
| מכל מלמדי השכלתי כי עדותיך שיחה לי׃ |
100 I vndirstood aboue eelde men; for Y souyte thi comaundementis.
| מזקנים אתבונן כי פקודיך נצרתי׃ |
101 I forbeed my feet fro al euel weie; that Y kepe thi wordis.
| מכל ארח רע כלאתי רגלי למען אשמר דברך׃ |
102 I bowide not fro thi domes; for thou hast set lawe to me.
| ממשפטיך לא סרתי כי אתה הורתני׃ |
103 Thi spechis ben ful swete to my cheekis; aboue hony to my mouth.
| מה נמלצו לחכי אמרתך מדבש לפי׃ |
104 I vnderstood of thin heestis; therfor Y hatide al the weie of wickidnesse.
| מפקודיך אתבונן על כן שנאתי כל ארח שקר׃ |
105 Thi word is a lanterne to my feet; and liyt to my pathis.
| נר לרגלי דברך ואור לנתיבתי׃ |
106 I swoor, and purposide stidefastli; to kepe the domes of thi riytfulnesse.
| נשבעתי ואקימה לשמר משפטי צדקך׃ |
107 I am maad low bi alle thingis; Lord, quykene thou me bi thi word.
| נעניתי עד מאד יהוה חיני כדברך׃ |
108 Lord, make thou wel plesinge the wilful thingis of my mouth; and teche thou me thi domes.
| נדבות פי רצה נא יהוה ומשפטיך למדני׃ |
109 Mi soule is euere in myn hondis; and Y foryat not thi lawe.
| נפשי בכפי תמיד ותורתך לא שכחתי׃ |
110 Synneris settiden a snare to me; and Y erride not fro thi comaundementis.
| נתנו רשעים פח לי ומפקודיך לא תעיתי׃ |
111 I purchasside thi witnessyngis bi eritage with outen ende; for tho ben the ful ioiyng of myn herte.
| נחלתי עדותיך לעולם כי ששון לבי המה׃ |
112 I bowide myn herte to do thi iustifiyngis with outen ende; for reward.
| נטיתי לבי לעשות חקיך לעולם עקב׃ |
113 I hatide wickid men; and Y louede thi lawe.
| סעפים שנאתי ותורתך אהבתי׃ |
114 Thou art myn helpere, and my `taker vp; and Y hopide more on thi word.
| סתרי ומגני אתה לדברך יחלתי׃ |
115 Ye wickide men, bowe awei fro me; and Y schal seke the comaundementis of my God.
| סורו ממני מרעים ואצרה מצות אלהי׃ |
116 Vp take thou me bi thi word, and Y schal lyue; and schende thou not me fro myn abydyng.
| סמכני כאמרתך ואחיה ואל תבישני משברי׃ |
117 Helpe thou me, and Y schal be saaf; and Y schal bithenke euere in thi iustifiyngis.
| סעדני ואושעה ואשעה בחקיך תמיד׃ |
118 Thou hast forsake alle men goynge awey fro thi domes; for the thouyt of hem is vniust.
| סלית כל שוגים מחקיך כי שקר תרמיתם׃ |
119 I arettide alle the synneris of erthe brekeris of the lawe; therfor Y louede thi witnessyngis.
| סגים השבת כל רשעי ארץ לכן אהבתי עדתיך׃ |
120 Naile thou my fleischis with thi drede; for Y dredde of thi domes.
| סמר מפחדך בשרי וממשפטיך יראתי׃ |
121 I dide doom and riytwisnesse; bitake thou not me to hem that falsli chalengen me.
| עשיתי משפט וצדק בל תניחני לעשקי׃ |
122 Take vp thi seruaunt in to goodnesse; thei that ben proude chalenge not me.
| ערב עבדך לטוב אל יעשקני זדים׃ |
123 Myn iyen failiden in to thin helthe; and in to the speche of thi riytfulnesse.
| עיני כלו לישועתך ולאמרת צדקך׃ |
124 Do thou with thi seruaunt bi thi merci; and teche thou me thi iustifiyngis.
| עשה עם עבדך כחסדך וחקיך למדני׃ |
125 I am thi seruaunt, yyue thou vndurstondyng to me; that Y kunne thi witnessingis.
| עבדך אני הבינני ואדעה עדתיך׃ |
126 Lord, it is tyme to do; thei han distried thi lawe.
| עת לעשות ליהוה הפרו תורתך׃ |
127 Therfor Y louede thi comaundementis; more than gold and topazion.
| על כן אהבתי מצותיך מזהב ומפז׃ |
128 Therfor Y was dressid to alle thin heestis; Y hatide al wickid weie.
| על כן כל פקודי כל ישרתי כל ארח שקר שנאתי׃ |
129 Lord, thi witnessingis ben wondirful; therfor my soule souyte tho.
| פלאות עדותיך על כן נצרתם נפשי׃ |
130 Declaring of thi wordis liytneth; and yyueth vnderstonding to meke men.
| פתח דבריך יאיר מבין פתיים׃ |
131 I openede my mouth, and drouy the spirit; for Y desiride thi comaundementis.
| פי פערתי ואשאפה כי למצותיך יאבתי׃ |
132 Biholde thou on me, and haue merci on me; bi the dom of hem that louen thi name.
| פנה אלי וחנני כמשפט לאהבי שמך׃ |
133 Dresse thou my goyingis bi thi speche; that al vnriytfulnesse haue not lordschip on me.
| פעמי הכן באמרתך ואל תשלט בי כל און׃ |
134 Ayeyn bie thou me fro the false chalengis of men; that Y kepe thin heestis.
| פדני מעשק אדם ואשמרה פקודיך׃ |
135 Liytne thi face on thi seruaunt; and teche thou me thi iustifiyngis.
| פניך האר בעבדך ולמדני את חקיך׃ |
136 Myn iyen ledden forth the outgoynges of watris; for thei kepten not thi lawe.
| פלגי מים ירדו עיני על לא שמרו תורתך׃ |
137 Lord, thou art iust; and thi dom is riytful.
| צדיק אתה יהוה וישר משפטיך׃ |
138 Thou hast comaundid riytfulnesse, thi witnessingis; and thi treuthe greetli to be kept.
| צוית צדק עדתיך ואמונה מאד׃ |
139 Mi feruent loue made me to be meltid; for myn enemys foryaten thi wordis.
| צמתתני קנאתי כי שכחו דבריך צרי׃ |
140 Thi speche is greetli enflawmed; and thi seruaunt louede it.
| צרופה אמרתך מאד ועבדך אהבה׃ |
141 I am yong, and dispisid; Y foryat not thi iustifiyngis.
| צעיר אנכי ונבזה פקדיך לא שכחתי׃ |
142 Lord, thi riytfulnesse is riytfulnesse with outen ende; and thi lawe is treuthe.
| צדקתך צדק לעולם ותורתך אמת׃ |
143 Tribulacioun and angwische founden me; thin heestis is my thenking.
| צר ומצוק מצאוני מצותיך שעשעי׃ |
144 Thi witnessyngis is equite with outen ende; yyue thou vndirstondyng to me, and Y schal lyue.
| צדק עדותיך לעולם הבינני ואחיה׃ |
145 I criede in al myn herte, Lord, here thou me; and Y schal seke thi iustifiyngis.
| קראתי בכל לב ענני יהוה חקיך אצרה׃ |
146 I criede to thee, make thou me saaf; that Y kepe thi comaundementis.
| קראתיך הושיעני ואשמרה עדתיך׃ |
147 I bifor cam in ripenesse, and Y criede; Y hopide aboue on thi wordis.
| קדמתי בנשף ואשועה לדבריך יחלתי׃ |
148 Myn iyen bifor camen to thee ful eerli; that Y schulde bithenke thi speches.
| קדמו עיני אשמרות לשיח באמרתך׃ |
149 Lord, here thou my vois bi thi merci; and quykene thou me bi thi doom.
| קולי שמעה כחסדך יהוה כמשפטך חיני׃ |
150 Thei that pursuen me neiyden to wickidnesse; forsothe thei ben maad fer fro thi lawe.
| קרבו רדפי זמה מתורתך רחקו׃ |
151 Lord, thou art nyy; and alle thi weies ben treuthe.
| קרוב אתה יהוה וכל מצותיך אמת׃ |
152 In the bigynnyng Y knewe of thi witnessingis; for thou hast foundid tho with outen ende.
| קדם ידעתי מעדתיך כי לעולם יסדתם׃ |
153 Se thou my mekenesse, and delyuere thou me; for Y foryat not thi lawe.
| ראה עניי וחלצני כי תורתך לא שכחתי׃ |
154 Deme thou my dom, and ayenbie thou me; quikene thou me for thi speche.
| ריבה ריבי וגאלני לאמרתך חיני׃ |
155 Heelthe is fer fro synners; for thei souyten not thi iustifiyngis.
| רחוק מרשעים ישועה כי חקיך לא דרשו׃ |
156 Lord, thi mercies ben manye; quykene thou me bi thi dom.
| רחמיך רבים יהוה כמשפטיך חיני׃ |
157 Thei ben manye that pursuen me, and doen tribulacioun to me; Y bowide not awei fro thi witnessingis.
| רבים רדפי וצרי מעדותיך לא נטיתי׃ |
158 I siy brekers of the lawe, and Y was meltid; for thei kepten not thi spechis.
| ראיתי בגדים ואתקוטטה אשר אמרתך לא שמרו׃ |
159 Lord, se thou, for Y louede thi comaundementis; quikene thou me in thi merci.
| ראה כי פקודיך אהבתי יהוה כחסדך חיני׃ |
160 The bigynnyng of thi wordis is treuthe; alle the domes of thi riytwisnesse ben withouten ende.
| ראש דברך אמת ולעולם כל משפט צדקך׃ |
161 Princes pursueden me with outen cause; and my herte dredde of thi wordis.
| שרים רדפוני חנם ומדבריך פחד לבי׃ |
162 I schal be glad on thi spechis; as he that fyndith many spuylis.
| שש אנכי על אמרתך כמוצא שלל רב׃ |
163 I hatide and wlatide wickidnesse; forsothe Y louede thi lawe.
| שקר שנאתי ואתעבה תורתך אהבתי׃ |
164 I seide heriyngis to thee seuene sithis in the dai; on the domes of thi riytfulnesse.
| שבע ביום הללתיך על משפטי צדקך׃ |
165 Miche pees is to hem that louen thi lawe; and no sclaundir is to hem.
| שלום רב לאהבי תורתך ואין למו מכשול׃ |
166 Lord, Y abood thin heelthe; and Y louede thin heestis.
| שברתי לישועתך יהוה ומצותיך עשיתי׃ |
167 Mi soule kepte thi witnessyngis; and louede tho greetli.
| שמרה נפשי עדתיך ואהבם מאד׃ |
168 I kepte thi `comaundementis, and thi witnessingis; for alle my weies ben in thi siyt.
| שמרתי פקודיך ועדתיך כי כל דרכי נגדך׃ |
169 Lord, my biseching come niy in thi siyt; bi thi speche yyue thou vndurstonding to me.
| תקרב רנתי לפניך יהוה כדברך הבינני׃ |
170 Myn axing entre in thi siyt; bi thi speche delyuere thou me.
| תבוא תחנתי לפניך כאמרתך הצילני׃ |
171 Mi lippis schulen telle out an ympne; whanne thou hast tauyte me thi iustifiyngis.
| תבענה שפתי תהלה כי תלמדני חקיך׃ |
172 Mi tunge schal pronounce thi speche; for whi alle thi comaundementis ben equite.
| תען לשוני אמרתך כי כל מצותיך צדק׃ |
173 Thin hond be maad, that it saue me; for Y haue chose thin heestis.
| תהי ידך לעזרני כי פקודיך בחרתי׃ |
174 Lord, Y coueitide thin heelthe; and thi lawe is my thenking.
| תאבתי לישועתך יהוה ותורתך שעשעי׃ |
175 Mi soule schal lyue, and schal herie thee; and thi domes schulen helpe me.
| תחי נפשי ותהללך ומשפטך יעזרני׃ |
176 I erride as a scheep that perischide; Lord, seke thi seruaunt, for Y foryat not thi comaundementis.
| תעיתי כשה אבד בקש עבדך כי מצותיך לא שכחתי׃ |
