Psalms 112

1 Alleluya. Blissid is the man that dredith the Lord; he schal wilne ful myche in hise comaundementis.

alleluia reversionis Aggei et Zacchariae beatus vir qui timet Dominum in mandatis eius volet nimis

2 His seed schal be myyti in erthe; the generacioun of riytful men schal be blessid.

potens in terra erit semen eius generatio rectorum benedicetur

3 Glorie and richessis ben in his hous; and his riytfulnesse dwellith in to the world of world.

gloria et divitiae in domo eius et iustitia eius manet in saeculum saeculi

4 Liyt is risun vp in derknessis to riytful men; the Lord is merciful in wille, and a merciful doere, and riytful.

exortum est in tenebris lumen rectis misericors et miserator et iustus

5 The man is merye, that doith merci, and leeneth; he disposith hise wordis in dom;

iucundus homo qui miseretur et commodat disponet sermones suos in iudicio

6 for he schal not be moued with outen ende.

quia in aeternum non commovebitur

7 A iust man schal be in euerlastinge mynde; he schal not drede of an yuel heryng. His herte is redi for to hope in the Lord;

in memoria aeterna erit iustus ab auditione mala non timebit paratum cor eius sperare in Domino

8 his herte is confermed, he schal not be moued, til he dispise hise enemyes.

confirmatum est cor eius non commovebitur donec dispiciat inimicos suos

9 He spredde abrood, he yaf to pore men; his riytwisnesse dwellith in to the world of world; his horn schal be reisid in glorie.

dispersit dedit pauperibus iustitia eius manet in saeculum saeculi cornu eius exaltabitur in gloria

10 A synner schal se, and schal be wrooth; he schal gnaste with hise teeth, and schal faile; the desijr of synneris schal perische.

peccator videbit et irascetur dentibus suis fremet et tabescet desiderium peccatorum peribit