Psalms 102
1 The preier of a pore man, whanne he was angwishid, and schedde out his speche bifore the Lord. Lord, here thou my preier; and my crie come to thee.
| תפלה לעני כי-יעטף-- ולפני יהוה ישפך שיחו ב יהוה שמעה תפלתי ושועתי אליך תבוא |
2 Turne not awei thi face fro me; in what euere dai Y am troblid, bowe doun thin eere to me. In what euere day Y schal inwardli clepe thee; here thou me swiftli.
| אל-תסתר פניך ממני-- ביום צר-לי הטה-אלי אזנך ביום אקרא מהר ענני |
3 For my daies han failid as smoke; and my boonus han dried vp as critouns.
| כי-כלו בעשן ימי ועצמותי כמוקד נחרו |
4 I am smytun as hei, and myn herte dried vp; for Y haue foryete to eete my breed.
| הוכה-כעשב ויבש לבי כי-שכחתי מאכל לחמי |
5 Of the vois of my weilyng; my boon cleuede to my fleische.
| מקול אנחתי-- דבקה עצמי לבשרי |
6 I am maad lijk a pellican of wildirnesse; Y am maad as a niyt crowe in an hous.
| דמיתי לקאת מדבר הייתי ככוס חרבות |
7 I wakide; and Y am maad as a solitarie sparowe in the roof.
| שקדתי ואהיה-- כצפור בודד על-גג |
8 Al dai myn enemyes dispisiden me; and thei that preisiden me sworen ayens me.
| כל-היום חרפוני אויבי מהוללי בי נשבעו |
9 For Y eet aschis as breed; and Y meddlide my drinke with weping.
| כי-אפר כלחם אכלתי ושקוי בבכי מסכתי |
10 Fro the face of the ire of thin indignacioun; for thou reisinge me hast hurtlid me doun.
| מפני-זעמך וקצפך-- כי נשאתני ותשליכני |
11 Mi daies boweden awei as a schadewe; and Y wexede drie as hei.
| ימי כצל נטוי ואני כעשב איבש |
12 But, Lord, thou dwellist with outen ende; and thi memorial in generacioun and in to generacioun.
| ואתה יהוה לעולם תשב וזכרך לדר ודר |
13 Lord, thou risinge vp schalt haue merci on Sion; for the tyme `to haue merci therof cometh, for the tyme cometh.
| אתה תקום תרחם ציון כי-עת לחננה כי-בא מועד |
14 For the stones therof plesiden thi seruauntis; and thei schulen haue merci on the lond therof.
| כי-רצו עבדיך את-אבניה ואת-עפרה יחננו |
15 And, Lord, hethen men schulen drede thi name; and alle kingis of erthe schulen drede thi glori.
| וייראו גוים את-שם יהוה וכל-מלכי הארץ את-כבודך |
16 For the Lord hath bildid Sion; and he schal be seen in his glorie.
| כי-בנה יהוה ציון-- נראה בכבודו |
17 He bihelde on the preier of meke men; and he dispiside not the preier of hem.
| פנה אל-תפלת הערער ולא-בזה את-תפלתם |
18 Be these thingis writun in an othere generacioun; and the puple that schal be maad schal preise the Lord.
| תכתב זאת לדור אחרון ועם נברא יהלל-יה |
19 For he bihelde fro his hiye hooli place; the Lord lokide fro heuene in to erthe.
| כי-השקיף ממרום קדשו יהוה משמים אל-ארץ הביט |
20 For to here the weilingis of feterid men; and for to vnbynde the sones of slayn men.
| לשמע אנקת אסיר לפתח בני תמותה |
21 That thei telle in Sion the name of the Lord; and his preising in Jerusalem.
| לספר בציון שם יהוה ותהלתו בירושלם |
22 In gaderinge togidere puplis in to oon; and kingis, that thei serue the Lord.
| בהקבץ עמים יחדו וממלכות לעבד את-יהוה |
23 It answeride to hym in the weie of his vertu; Telle thou to me the fewnesse of my daies.
| ענה בדרך כחו (כחי) קצר ימי |
24 Ayenclepe thou not me in the myddil of my daies; thi yeris ben in generacioun and in to generacioun.
| אמר--אלי אל תעלני בחצי ימי בדור דורים שנותיך |
25 Lord, thou foundidist the erthe in the bigynnyng; and heuenes ben the werkis of thin hondis.
| לפנים הארץ יסדת ומעשה ידיך שמים |
26 Tho schulen perische, but thou dwellist perfitli; and alle schulen wexe eelde as a clooth. And thou schalt chaunge hem as an hiling, and tho schulen be chaungid;
| המה יאבדו-- ואתה תעמד וכלם כבגד יבלו כלבוש תחליפם ויחלפו |
27 but thou art the same thi silf, and thi yeeris schulen not faile.
| ואתה-הוא ושנותיך לא יתמו |
28 The sones of thi seruauntis schulen dwelle; and the seed of hem schal be dressid in to the world.
| בני-עבדיך ישכונו וזרעם לפניך יכון |
