Proverbs 8
1 Whether wisdom crieth not ofte; and prudence yyueth his vois?
| הלא חכמה תקרא ותבונה תתן קולה׃ |
2 In souereyneste and hiy coppis, aboue the weie, in the myddis of pathis,
| בראש מרומים עלי דרך בית נתיבות נצבה׃ |
3 and it stondith bisidis the yate of the citee, in thilke closyngis, and spekith, and seith, A!
| ליד שערים לפי קרת מבוא פתחים תרנה׃ |
4 ye men, Y crie ofte to you; and my vois is to the sones of men.
| אליכם אישים אקרא וקולי אל בני אדם׃ |
5 Litle children, vndirstonde ye wisdom; and ye vnwise men, `perseyue wisdom.
| הבינו פתאים ערמה וכסילים הבינו לב׃ |
6 Here ye, for Y schal speke of grete thingis; and my lippis schulen be openyd, to preche riytful thingis.
| שמעו כי נגידים אדבר ומפתח שפתי מישרים׃ |
7 My throte schal bithenke treuthe; and my lippis schulen curse a wickid man.
| כי אמת יהגה חכי ותועבת שפתי רשע׃ |
8 My wordis ben iust; no schrewid thing, nether weiward is in tho.
| בצדק כל אמרי פי אין בהם נפתל ועקש׃ |
9 `My wordis ben riytful to hem that vndurstonden; and ben euene to hem that fynden kunnyng.
| כלם נכחים למבין וישרים למצאי דעת׃ |
10 Take ye my chastisyng, and not money; chese ye teching more than tresour.
| קחו מוסרי ואל כסף ודעת מחרוץ נבחר׃ |
11 For wisdom is betere than alle richessis moost preciouse; and al desirable thing mai not be comparisound therto.
| כי טובה חכמה מפנינים וכל חפצים לא ישוו בה׃ |
12 Y, wisdom, dwelle in counsel; and Y am among lernyd thouytis.
| אני חכמה שכנתי ערמה ודעת מזמות אמצא׃ |
13 The drede of the Lord hatith yuel; Y curse boost, and pride, and a schrewid weie, and a double tungid mouth.
| יראת יהוה שנאת רע גאה וגאון ודרך רע ופי תהפכות שנאתי׃ |
14 Counseil is myn, and equyte `is myn; prudence is myn, and strengthe `is myn.
| לי עצה ותושיה אני בינה לי גבורה׃ |
15 Kyngis regnen bi me; and the makeris of lawis demen iust thingis bi me.
| בי מלכים ימלכו ורוזנים יחקקו צדק׃ |
16 Princis comaunden bi me; and myyti men demen riytfulnesse bi me.
| בי שרים ישרו ונדיבים כל שפטי צדק׃ |
17 I loue hem that louen me; and thei that waken eerli to me, schulen fynde me.
| אני אהביה אהב ומשחרי ימצאנני׃ |
18 With me ben rychessis, and glorie; souereyn richessis, and riytfulnesse.
| עשר וכבוד אתי הון עתק וצדקה׃ |
19 My fruyt is betere than gold, and precyouse stoon; and my seedis ben betere than chosun siluer.
| טוב פריי מחרוץ ומפז ותבואתי מכסף נבחר׃ |
20 Y go in the weies of riytfulnesse, in the myddis of pathis of doom;
| בארח צדקה אהלך בתוך נתיבות משפט׃ |
21 that Y make riche hem that louen me, and that Y fille her tresouris.
| להנחיל אהבי יש ואצרתיהם אמלא׃ |
22 The Lord weldide me in the bigynnyng of hise weies; bifore that he made ony thing, at the bigynnyng.
| יהוה קנני ראשית דרכו קדם מפעליו מאז׃ |
23 Fro with out bigynnyng Y was ordeined; and fro elde tymes, bifor that the erthe was maad.
| מעולם נסכתי מראש מקדמי ארץ׃ |
24 Depthis of watris weren not yit; and Y was conseyued thanne. The wellis of watris hadden not brokun out yit,
| באין תהמות חוללתי באין מעינות נכבדי מים׃ |
25 and hillis stoden not togidere yit bi sad heuynesse; bifor litil hillis Y was born.
| בטרם הרים הטבעו לפני גבעות חוללתי׃ |
26 Yit he hadde not maad erthe; and floodis, and the herris of the world.
| עד לא עשה ארץ וחוצות וראש עפרות תבל׃ |
27 Whanne he made redi heuenes, Y was present; whanne he cumpasside the depthis of watris bi certeyn lawe and cumpas.
| בהכינו שמים שם אני בחוקו חוג על פני תהום׃ |
28 Whanne he made stidfast the eir aboue; and weiede the wellis of watris.
| באמצו שחקים ממעל בעזוז עינות תהום׃ |
29 Whanne he cumpasside to the see his marke; and settide lawe to watris, that tho schulden not passe her coostis. Whanne he peiside the foundementis of erthe;
| בשומו לים חקו ומים לא יעברו פיו בחוקו מוסדי ארץ׃ |
30 Y was making alle thingis with him. And Y delitide bi alle daies, and pleiede bifore hym in al tyme,
| ואהיה אצלו אמון ואהיה שעשעים יום יום משחקת לפניו בכל עת׃ |
31 and Y pleiede in the world; and my delices ben to be with the sones of men.
| משחקת בתבל ארצו ושעשעי את בני אדם׃ |
32 Now therfor, sones, here ye me; blessid ben thei that kepen my weies.
| ועתה בנים שמעו לי ואשרי דרכי ישמרו׃ |
33 Here ye teching, and be ye wise men; and nile ye caste it awei.
| שמעו מוסר וחכמו ואל תפרעו׃ |
34 Blessid is the man that herith me, and that wakith at my yatis al dai; and kepith at the postis of my dore.
| אשרי אדם שמע לי לשקד על דלתתי יום יום לשמר מזוזת פתחי׃ |
35 He that fyndith me, schal fynde lijf; and schal drawe helthe of the Lord.
| כי מצאי מצאי חיים ויפק רצון מיהוה׃ |
36 But he that synneth ayens me, schal hurte his soule; alle that haten me, louen deeth.
| וחטאי חמס נפשו כל משנאי אהבו מות׃ |
