Proverbs 29
1 Sodeyn perischyng schal come on that man, that with hard nol dispisith a blamere; and helth schal not sue hym.
viro qui corripientem dura cervice contemnit repentinus superveniet interitus et eum sanitas non sequitur
2 The comynalte schal be glad in the multipliyng of iust men; whanne wickid men han take prinshod, the puple schal weyle.
in multiplicatione iustorum laetabitur vulgus cum impii sumpserint principatum gemet populus
3 A man that loueth wisdom, makith glad his fadir; but he that nurschith `an hoore, schal leese catel.
vir qui amat sapientiam laetificat patrem suum qui autem nutrit scorta perdet substantiam
4 A iust king reisith the lond; an auerouse man schal distrie it.
rex iustus erigit terram vir avarus destruet eam
5 A man that spekith bi flaterynge and feyned wordis to his frend; spredith abrood a net to hise steppis.
homo qui blandis fictisque sermonibus loquitur amico suo rete expandit gressibus eius
6 A snare schal wlappe a wickid man doynge synne; and a iust man schal preise, and schal make ioye.
peccantem virum iniquum involvet laqueus et iustus laudabit atque gaudebit
7 A iust man knowith the cause of pore men; an vnpitouse man knowith not kunnyng.
novit iustus causam pauperum impius ignorat scientiam
8 Men ful of pestilence distryen a citee; but wise men turnen awei woodnesse.
homines pestilentes dissipant civitatem sapientes avertunt furorem
9 If a wijs man stryueth with a fool; whether he be wrooth, `ether he leiyith, he schal not fynde reste.
vir sapiens si cum stulto contenderit sive irascatur sive rideat non inveniet requiem
10 Menquelleris haten a simple man; but iust men seken his soule.
viri sanguinum oderunt simplicem iusti quaerunt animam eius
11 A fool bringith forth al his spirit; a wise man dilaieth, and reserueth in to tyme comynge afterward.
totum spiritum suum profert stultus sapiens differt et reservat in posterum
12 A prince that herith wilfuli the wordis of a leesyng; schal haue alle mynystris vnfeithful.
princeps qui libenter audit verba mendacii omnes ministros habebit impios
13 A pore man and a leenere metten hem silf; the Lord is liytnere of euer ethir.
pauper et creditor obviam fuerunt sibi utriusque inluminator est Dominus
14 If a kyng demeth pore men in treuthe; his trone schal be maad stidfast with outen ende.
rex qui iudicat in veritate pauperes thronus eius in aeternum firmabitur
15 A yerde and chastisyng schal yyue wisdom; but a child, which is left to his wille, schendith his modir.
virga atque correptio tribuet sapientiam puer autem qui dimittitur voluntati suae confundet matrem suam
16 Grete trespassis schulen be multiplied in the multipliyng of wickid men; and iust men schulen se the fallyngis of hem.
in multiplicatione impiorum multiplicabuntur scelera et iusti ruinas eorum videbunt
17 Teche thi sone, and he schal coumforte thee; and he schal yyue delicis to thi soule.
erudi filium tuum et refrigerabit te et dabit delicias animae tuae
18 Whanne prophesie faylith, the puple schal be distried; but he that kepith the lawe, is blessid.
cum prophetia defecerit dissipabitur populus qui custodit legem beatus est
19 A seruaunt mai not be tauyt bi wordis; for he vndirstondith that that thou seist, and dispisith for to answere.
servus verbis non potest erudiri quia quod dicis intellegit et respondere contemnit
20 Thou hast seyn a man swift to speke; foli schal be hopid more than his amendyng.
vidisti hominem velocem ad loquendum stulti magis speranda est quam illius correptio
21 He that nurschith his seruaunt delicatli fro childhod; schal fynde hym rebel aftirward.
qui delicate a pueritia nutrit servum suum postea illum sentiet contumacem
22 A wrathful man territh chidingis; and he that is liyt to haue indignacioun, schal be more enclynaunt to synnes.
vir iracundus provocat rixas et qui ad indignandum facilis est erit ad peccata proclivior
23 Lownesse sueth a proude man; and glorie schal vp take a meke man of spirit.
superbum sequitur humilitas et humilem spiritu suscipiet gloria
24 He that takith part with a theef, hatith his soule; he herith a man chargynge greetli, and schewith not.
qui cum fure partitur odit animam suam adiurantem audit et non indicat
25 He that dredith a man, schal falle soon; he that hopith in the Lord, shal be reisid.
qui timet hominem cito corruet qui sperat in Domino sublevabitur
26 Many men seken the face of the prince; and the doom of alle men schal go forth of the Lord.
multi requirunt faciem principis et a Domino iudicium egreditur singulorum
27 Iust men han abhomynacioun of a wickid man; and wickid men han abhomynacioun of hem, that ben in a riytful weye. A sone kepynge a word, schal be out of perdicioun.
abominantur iusti virum impium et abominantur impii eos qui in recta sunt via
