Proverbs 29
1 Sodeyn perischyng schal come on that man, that with hard nol dispisith a blamere; and helth schal not sue hym.
| איש תוכחות מקשה ערף פתע ישבר ואין מרפא׃ |
2 The comynalte schal be glad in the multipliyng of iust men; whanne wickid men han take prinshod, the puple schal weyle.
| ברבות צדיקים ישמח העם ובמשל רשע יאנח עם׃ |
3 A man that loueth wisdom, makith glad his fadir; but he that nurschith `an hoore, schal leese catel.
| איש אהב חכמה ישמח אביו ורעה זונות יאבד הון׃ |
4 A iust king reisith the lond; an auerouse man schal distrie it.
| מלך במשפט יעמיד ארץ ואיש תרומות יהרסנה׃ |
5 A man that spekith bi flaterynge and feyned wordis to his frend; spredith abrood a net to hise steppis.
| גבר מחליק על רעהו רשת פורש על פעמיו׃ |
6 A snare schal wlappe a wickid man doynge synne; and a iust man schal preise, and schal make ioye.
| בפשע איש רע מוקש וצדיק ירון ושמח׃ |
7 A iust man knowith the cause of pore men; an vnpitouse man knowith not kunnyng.
| ידע צדיק דין דלים רשע לא יבין דעת׃ |
8 Men ful of pestilence distryen a citee; but wise men turnen awei woodnesse.
| אנשי לצון יפיחו קריה וחכמים ישיבו אף׃ |
9 If a wijs man stryueth with a fool; whether he be wrooth, `ether he leiyith, he schal not fynde reste.
| איש חכם נשפט את איש אויל ורגז ושחק ואין נחת׃ |
10 Menquelleris haten a simple man; but iust men seken his soule.
| אנשי דמים ישנאו תם וישרים יבקשו נפשו׃ |
11 A fool bringith forth al his spirit; a wise man dilaieth, and reserueth in to tyme comynge afterward.
| כל רוחו יוציא כסיל וחכם באחור ישבחנה׃ |
12 A prince that herith wilfuli the wordis of a leesyng; schal haue alle mynystris vnfeithful.
| משל מקשיב על דבר שקר כל משרתיו רשעים׃ |
13 A pore man and a leenere metten hem silf; the Lord is liytnere of euer ethir.
| רש ואיש תככים נפגשו מאיר עיני שניהם יהוה׃ |
14 If a kyng demeth pore men in treuthe; his trone schal be maad stidfast with outen ende.
| מלך שופט באמת דלים כסאו לעד יכון׃ |
15 A yerde and chastisyng schal yyue wisdom; but a child, which is left to his wille, schendith his modir.
| שבט ותוכחת יתן חכמה ונער משלח מביש אמו׃ |
16 Grete trespassis schulen be multiplied in the multipliyng of wickid men; and iust men schulen se the fallyngis of hem.
| ברבות רשעים ירבה פשע וצדיקים במפלתם יראו׃ |
17 Teche thi sone, and he schal coumforte thee; and he schal yyue delicis to thi soule.
| יסר בנך ויניחך ויתן מעדנים לנפשך׃ |
18 Whanne prophesie faylith, the puple schal be distried; but he that kepith the lawe, is blessid.
| באין חזון יפרע עם ושמר תורה אשרהו׃ |
19 A seruaunt mai not be tauyt bi wordis; for he vndirstondith that that thou seist, and dispisith for to answere.
| בדברים לא יוסר עבד כי יבין ואין מענה׃ |
20 Thou hast seyn a man swift to speke; foli schal be hopid more than his amendyng.
| חזית איש אץ בדבריו תקוה לכסיל ממנו׃ |
21 He that nurschith his seruaunt delicatli fro childhod; schal fynde hym rebel aftirward.
| מפנק מנער עבדו ואחריתו יהיה מנון׃ |
22 A wrathful man territh chidingis; and he that is liyt to haue indignacioun, schal be more enclynaunt to synnes.
| איש אף יגרה מדון ובעל חמה רב פשע׃ |
23 Lownesse sueth a proude man; and glorie schal vp take a meke man of spirit.
| גאות אדם תשפילנו ושפל רוח יתמך כבוד׃ |
24 He that takith part with a theef, hatith his soule; he herith a man chargynge greetli, and schewith not.
| חולק עם גנב שונא נפשו אלה ישמע ולא יגיד׃ |
25 He that dredith a man, schal falle soon; he that hopith in the Lord, shal be reisid.
| חרדת אדם יתן מוקש ובוטח ביהוה ישגב׃ |
26 Many men seken the face of the prince; and the doom of alle men schal go forth of the Lord.
| רבים מבקשים פני מושל ומיהוה משפט איש׃ |
27 Iust men han abhomynacioun of a wickid man; and wickid men han abhomynacioun of hem, that ben in a riytful weye. A sone kepynge a word, schal be out of perdicioun.
| תועבת צדיקים איש עול ותועבת רשע ישר דרך׃ |
