Proverbs 13
1 A wijs sone is the teching of the fadir; but he that is a scornere, herith not, whanne he is repreuyd.
filius sapiens doctrina patris qui autem inlusor est non audit cum arguitur
2 A man schal be fillid with goodis of the fruit of his mouth; but the soule of vnpitouse men is wickid.
de fructu oris homo saturabitur bonis anima autem praevaricatorum iniqua
3 He that kepith his mouth, kepith his soule; but he that is vnwar to speke, schal feel yuels.
qui custodit os suum custodit animam suam qui autem inconsideratus est ad loquendum sentiet mala
4 A slow man wole, and wole not; but the soule of hem that worchen schal be maad fat.
vult et non vult piger anima autem operantium inpinguabitur
5 A iust man schal wlate a fals word; but a wickid man schendith, and schal be schent.
verbum mendax iustus detestabitur impius confundit et confundetur
6 Riytfulnesse kepith the weie of an innocent man; but wickidnesse disseyueth a synnere.
iustitia custodit innocentis viam impietas vero peccato subplantat
7 A man is as riche, whanne he hath no thing; and a man is as pore, whanne he is in many richessis.
est quasi dives cum nihil habeat et est quasi pauper cum in multis divitiis sit
8 Redempcioun of the soule of man is hise richessis; but he that is pore, suffrith not blamyng.
redemptio animae viri divitiae suae qui autem pauper est increpationem non sustinet
9 The liyt of iust men makith glad; but the lanterne of wickid men schal be quenchid.
lux iustorum laetificat lucerna autem impiorum extinguetur
10 Stryues ben euere a mong proude men; but thei that don alle thingis with counsel, ben gouerned bi wisdom.
inter superbos semper iurgia sunt qui autem agunt cuncta consilio reguntur sapientia
11 Hastid catel schal be maad lesse; but that that is gaderid litil and litil with hond, schal be multiplied.
substantia festinata minuetur quae autem paulatim colligitur manu multiplicabitur
12 Hope which is dilaied, turmentith the soule; a tre of lijf is desir comyng.
spes quae differtur adfligit animam lignum vitae desiderium veniens
13 He that bacbitith ony thing, byndith hym silf in to tyme to comynge; but he that dredith the comaundement, schal lyue in pees.
qui detrahit alicui rei ipse se in futurum obligat qui autem timet praeceptum in pace versabitur
14 The lawe of a wise man is a welle of lijf; that he bowe awei fro the falling of deth.
lex sapientis fons vitae ut declinet a ruina mortis
15 Good teching schal yyue grace; a swolowe is in the weie of dispiseris.
doctrina bona dabit gratiam in itinere contemptorum vorago
16 A fel man doith alle thingis with counsel; but he that is a fool, schal opene foli.
astutus omnia agit cum consilio qui autem fatuus est aperit stultitiam
17 The messanger of a wickid man schal falle in to yuel; a feithful messanger is helthe.
nuntius impii cadet in malum legatus fidelis sanitas
18 Nedynesse and schenschip is to him that forsakith techyng; but he that assentith to a blamere, schal be glorified.
egestas et ignominia ei qui deserit disciplinam qui autem adquiescit arguenti glorificabitur
19 Desir, if it is fillid, delitith the soule; foolis wlaten hem that fleen yuels.
desiderium si conpleatur delectat animam detestantur stulti eos qui fugiunt mala
20 He that goith with wijs men, schal be wijs; the freend of foolis schal be maad lijk hem.
qui cum sapientibus graditur sapiens erit amicus stultorum efficietur similis
21 Yuel pursueth synneris; and goodis schulen be yoldun to iust men.
peccatores persequetur malum et iustis retribuentur bona
22 A good man schal leeue aftir him eiris, sones, and the sones of sones; and the catel of a synnere is kept to a iust man.
bonus relinquet heredes filios et nepotes et custoditur iusto substantia peccatoris
23 Many meetis ben in the new tilid feeldis of fadris; and ben gaderid to othere men with out doom.
multi cibi in novalibus patrum et alii congregantur absque iudicio
24 He that sparith the yerde, hatith his sone; but he that loueth him, techith bisili.
qui parcit virgae suae odit filium suum qui autem diligit illum instanter erudit
25 A iust man etith, and fillith his soule; but the wombe of wickid men is vnable to be fillid.
iustus comedit et replet animam suam venter autem impiorum insaturabilis
