Numbers 15
1 And the Lord spak to Moises, and seide, Speke thou to the sones of Israel,
locutus est Dominus ad Mosen dicens
2 and thou schalt seie to hem, Whanne ye han entrid in to the lond of youre abitacioun which Y schal yyue to you,
loquere ad filios Israhel et dices ad eos cum ingressi fueritis terram habitationis vestrae quam ego dabo vobis
3 and ye make an offryng to the Lord in to brent sacrifice, ether a pesible sacrifice, and ye payen auowis, ethir offren yiftis bi fre wille, ethir in youre solempnytees ye brennen odour of swetnesse to the Lord, of oxun, ether of scheep;
et feceritis oblationem Domino in holocaustum aut victimam vota solventes vel sponte offerentes munera aut in sollemnitatibus vestris adolentes odorem suavitatis Domino de bubus sive de ovibus
4 who euer offrith the slayn sacrifice, schal offre a sacrifice of flour, the tenthe part of ephi, spreynt togidere with oile, which oil schal haue a mesure the fourthe part of hyn;
offeret quicumque immolaverit victimam sacrificium similae decimam partem oephi conspersae oleo quod mensuram habebit quartam partem hin
5 and he schal yyue wyn to fletynge sacrifices to be sched, of the same mesure, in to brent sacrifice, and slayn sacrifice.
et vinum ad liba fundenda eiusdem mensurae dabit in holocausto sive in victima per agnos singulos
6 Bi ech loomb and ram schal be the sacrifice of flour, of twey tenthe partis, which schal be spreynt togidere with oile, of the thridde part of hyn;
et arietis erit sacrificium similae duarum decimarum quae conspersa sit oleo tertiae partis hin
7 and he schal offre wyn to the fletynge sacrifice, of the thridde part of the same mesure, in to odour of swetnesse to the Lord.
et vinum ad libamentum tertiae partis eiusdem mensurae offeret in odorem suavitatis Domino
8 Forsothe whanne thou makist a brent sacrifice, ethir an offryng of oxun, that thou fille avow, ethir pesible sacrifice, thou schalt yyue,
quando vero de bubus feceris holocaustum aut hostiam ut impleas votum vel pacificas victimas
9 bi ech oxe, thre tenthe partis of flour, spreynt togidere with oile, which schal haue the half of mesure of hyn;
dabis per singulos boves similae tres decimas conspersae oleo quod habeat medium mensurae hin
10 and thou schalt yyue wyn to fletynge sacrifices to be sched, of the same mesure, in to offryng of the swettest odour to the Lord.
et vinum ad liba fundenda eiusdem mensurae in oblationem suavissimi odoris Domino
11 So ye schulen do bi ech oxe, and ram,
sic facietis
12 and lomb, and kide;
per singulos boves et arietes et agnos et hedos
13 as wel men borun in the lond,
tam indigenae quam peregrini
14 as pilgrymys, schulen offre sacrifices bi the same custom;
eodem ritu offerent sacrificia
15 o comaundement and doom schal be, as wel to you as to comelyngis of the lond.
unum praeceptum erit atque iudicium tam vobis quam advenis terrae
16 And the Lord spak to Moises,
locutus est Dominus ad Mosen dicens
17 and seide, Speke thou to the sones of Israel, and thou schalt seie to hem,
loquere filiis Israhel et dices ad eos
18 Whanne ye comen in to the lond which Y schal yyue to you,
cum veneritis in terram quam dabo vobis
19 and `ye eten of the looues of that cuntrey, ye
et comederitis de panibus regionis illius separabitis primitias Domino
20 schulen departe the firste fruytis of youre metis to the Lord; as ye schulen departe the firste fruytis of corn flooris,
de cibis vestris sicut de areis primitias separatis
21 so ye schulen yyue the firste fruytis also of sewis to the Lord.
ita et de pulmentis dabitis primitiva Domino
22 That if bi ignoraunce ye passen ony of tho thingis whiche the Lord spak to Moyses,
quod si per ignorantiam praeterieritis quicquam horum quae locutus est Dominus ad Mosen
23 and comaundide bi hym to you, fro the dai in which he bigan to comaunde,
et mandavit per eum ad vos a die qua coepit iubere et ultra
24 and ouer, and the multitude hath foryete to do, it schal offre a calf of the drooue, brent sacrifice in to swettist odour to the Lord, and the sacrificis therof, and fletynge offryngis, as the cerymonyes therof axen; and it schal offre a `buc of geet for synne.
oblitaque fuerit facere multitudo offeret vitulum de armento holocaustum in odorem suavissimum Domino et sacrificium eius ac liba ut caerimoniae postulant hircumque pro peccato
25 And the preest schal preie for al the multitude of the sones of Israel, and it schal be foryouun to hem, for thei synneden not wilfuli. And neuerthelesse thei schulen offre encense to the Lord for hemsilf, and for her synne and errour;
et rogabit sacerdos pro omni multitudine filiorum Israhel et dimittetur eis quoniam non sponte peccaverunt nihilominus offerentes incensum Domino pro se et pro peccato atque errore suo
26 and it schal be foryouun to al the puple of the sones of Israel, and to comelyngis that ben pilgryms among hem, for it is the synne of al the multitude bi ignoraunce.
et dimittetur universae plebi filiorum Israhel et advenis qui peregrinantur inter vos quoniam culpa est omnis populi per ignorantiam
27 That if a soule synneth vnwityngli, it schal offre a geet of o yeer for his synne; and the preest schal preye for that soule, for it synnede vnwityngli bifor the Lord;
quod si anima una nesciens peccaverit offeret capram anniculam pro peccato suo
28 and the preest schal gete foryyuenesse to it, and synne schal be foryouun to it.
et deprecabitur pro ea sacerdos quod inscia peccaverit coram Domino inpetrabitque ei veniam et dimittetur illi
29 As wel to men borun in the lond as to comelyngis, o lawe schal be of alle that synnen vnwityngli.
tam indigenis quam advenis una lex erit omnium qui peccaverint ignorantes
30 Forsothe a man that doith ony synne bi pride, schal perische fro his puple, whether he be a citeseyn, ethir a pilgrym, for he was rebel ayens the Lord;
anima vero quae per superbiam aliquid commiserit sive civis sit ille sive peregrinus quoniam adversum Dominum rebellis fuit peribit de populo suo
31 for he dispiside the word of the Lord, and made voide his comaundement; therfor he schal be doon awei, and schal bere his owne wickidnes.
verbum enim Domini contempsit et praeceptum illius fecit irritum idcirco delebitur et portabit iniquitatem suam
32 Forsothe it was doon, whanne the sones of Israel weren in wildirnesse, and hadde founde a man gaderynge woode in the `day of sabat,
factum est autem cum essent filii Israhel in solitudine et invenissent hominem colligentem ligna in die sabbati
33 thei brouyten hym to Moises, and to Aaron, and to al the multitude; whiche closiden hym in to prisoun,
obtulerunt eum Mosi et Aaron et universae multitudini
34 and wisten not what thei schulden do of hym.
qui recluserunt eum in carcerem nescientes quid super eo facere deberent
35 And the Lord seide to Moises, This man die bi deeth; al the cumpeny oppresse hym with stoonus with out the tentis.
dixitque Dominus ad Mosen morte moriatur homo iste obruat eum lapidibus omnis turba extra castra
36 And whanne thei hadden led hym with out forth, thei oppressiden him with stoonus, and he was deed, as the Lord comaundide.
cumque eduxissent eum foras obruerunt lapidibus et mortuus est sicut praeceperat Dominus
37 Also the Lord seide to Moises,
dixit quoque Dominus ad Mosen
38 Speke thou to the sones of Israel, and thou schalt seye to hem, that thei make to hem hemmes bi foure corneris of mentils, and sette laces of iacynct `in tho;
loquere filiis Israhel et dices ad eos ut faciant sibi fimbrias per angulos palliorum ponentes in eis vittas hyacinthinas
39 and whanne thei seen thoo, haue thei mynde of alle comaundementis of the Lord, lest thei suen her thouytis and iyen, doynge fornycacioun bi dyuerse thingis;
quas cum viderint recordentur omnium mandatorum Domini nec sequantur cogitationes suas et oculos per res varias fornicantes
40 but more be thei myndeful of the `Lordis heestis, and do thei tho, and be thei hooli to her God.
sed magis memores praeceptorum Domini faciant ea sintque sancti Deo suo
41 Y am youre Lord God, which ledde you out of the lond of Egipt, that Y schulde be youre God.
ego Dominus Deus vester qui eduxi vos de terra Aegypti ut essem vester Deus
