Matthew 14
1 In that tyme Eroude tetrarke, prynce of the fourthe part, herde the fame of Jhesu;
୧ଏନ୍ ଦିପିଲିରେ ହେରୋଦ୍ ଗାଲିଲ୍ରେନ୍ ଲାଟ୍ସାହେବ୍ ତାଇକେନାଏ ଆଡଃ ୟୀଶୁଆଃ ବିଷାଏରେ ଆୟୁମ୍କେଦା ।
2 and seide to hise children, This is Joon Baptist, he is rysun fro deeth, and therfor vertues worchen in hym.
୨ଆଡଃ ଇନିଃ ଆୟାଃ କାମିତାନ୍କକେ ମେତାଦ୍କଆ, “ବାପ୍ତିସ୍ମା ଏମଃନିଃ ଯୋହାନ୍ ଗଜାକାନ୍ଏତେ ଜୀଉବିରିଦାକାନାଏ, ଏନା ମେନ୍ତେଗି ଆକ୍ଦାନ୍ଦାଅ କାମିକ ଇନିୟାଃ ହରାତେ ହବାଅଃତାନା ।”
3 For Heroude hadde holde Joon, and bounde hym, and puttide hym `in to prisoun for Herodias, the wijf of his brothir.
୩ହେରୋଦ୍ ଆୟାଃ ହାଗାତେ ଫିଲିପ୍ଆଃ କୁଡ଼ି ହେରୋଦିୟା ନାଗେନ୍ତେ ଯୋହାନ୍କେ ସାବ୍କିତେ ତଲ୍କିୟାଏ ଆଡଃ ଜେହେଲ୍କାଇ ତାଇକେନାଏ ।
4 For Joon seide to him, It is not leueful to thee to haue hir.
୪ଚିୟାଃଚି ଯୋହାନ୍ ହେରୋଦ୍କେ କାଜିକାଇ ତାଇକେନା, “ଆମ୍ ହେରୋଦିୟାକେ କୁଡ଼ି ଲେକା ଦହକାଇ ତାଇକେନାମ୍ ଏନା ଆଇନ୍ ଲେକାତେ କା ଠାଉକାନ୍ତେୟାଃ ତାନାଃ ।”
5 And he willynge to sle hym, dredde the puple; for thei hadden hym as a prophete.
୫ଏନାତେ ଇନିଃ ଯୋହାନ୍କେ ଗଗଏଃ ସାନାଙ୍ଗ୍ ତାଇକେନାଏ, ମେନ୍ଦ ଇନିଃ ଯିହୁଦୀ ହଡ଼କକେ ବରକେଦ୍କଆ, ଚିୟାଃଚି ଇନ୍କୁଦ ଯୋହାନ୍କେ ମିଆଁଦ୍ ନାବୀ ତାନିଃ ମେନ୍ତେକ ଆଟ୍କାରି ତାଇକେନା ।
6 But in the dai of Heroudis birthe, the douytir of Herodias daunside in the myddil, and pleside Heroude.
୬ହେରୋଦ୍ଆଃ ଜାନାମ୍ ହୁଲାଙ୍ଗ୍ ସେଟେର୍ୟାନ୍ରେ, ହେରୋଦିୟାଃ ହନ୍ତେକୁଡ଼ି କେଡ଼ାକାନ୍ ହଡ଼କଆଃ ଥାଲାରେ ସୁସୁନ୍କେଦାଏ ଆଡଃ ହେରୋଦ୍ ପୁରାଃଗି ସୁକୁୟାନାଏ ।
7 Wherfor with an ooth he bihiyte to yyue to hir, what euere thing she hadde axid of hym.
୭ଆଡଃ ହେରୋଦ୍ ଇନିଃକେ କିରିୟାତାନ୍ଲଃ କାଜିକିୟାଏ, “ଆମ୍ ଆସିଙ୍ଗ୍ତେୟାଃ ସବେନାଃଇଙ୍ଗ୍ ଏମାମେୟାଁ ।”
8 And she bifor warned of hir modir, seide, Yif thou to me here the heed of Joon Baptist in a disch.
୮ଆଡଃ ଇନିଃ, ଆୟାଃ ଏଙ୍ଗାତେ ଆଚୁକାଇ ଲେକା ଆସିକିୟା, “ବାପ୍ତିସ୍ମା ଏମଃନିଃ ଯୋହାନ୍ଆଃ ବହଃ ନେ ଥାଡ଼ିରେ ଏମାଇଙ୍ଗ୍ମେ ।”
9 And the kyng was sorewful, but for the ooth, and for hem that saten to gidere at the mete, he comaundide to be youun.
୯ଏନ୍ତେ ରାଜା ହୁଡିଙ୍ଗ୍ଜୀଉୟାନାଏ ମେନ୍ଦ ଇନିଃ ନେଅଁତାକାନ୍କଆଃ ସାମ୍ନାଙ୍ଗ୍ରେ କିରିୟାକାଦ୍ ହରାତେ ଏମାଇପେ ମେନ୍ତେ ଆଚୁକେଦ୍କଆ ।
10 And he sente, and bihedide Joon in the prisoun.
୧୦ଆଡଃ ଇନିଃ ଜେହେଲାକାନ୍ ଯୋହାନ୍ଆଃ ବହଃ ମାଆଃ ଆଉ ନାଙ୍ଗ୍ ହଡ଼କକେ କୁଲ୍କେଦ୍କଆ ।
11 And his heed was brouyt in a dische, and it was youun to the damysel, and she bar it to hir modir.
୧୧ଆଡଃ ଇନିୟାଃ ବହଃ ମିଆଁଦ୍ ଥାଡ଼ିରେକ ଆଉକେଦା ଆଡଃ ହନ୍ତେକୁଡ଼ିକେକ ଏମ୍କିୟା ଏନ୍ତେ ଇନିଃ ଆୟାଃ ଏଙ୍ଗାତେତାଃତେ ଇଦିକେଦା ।
12 And hise disciplis camen, and token his bodi, and birieden it; and thei camen, and tolden to Jhesu.
୧୨ଯୋହାନ୍ଆଃ ଚେଲାକ ହିଜୁଃକେଦ୍ତେ ଆୟାଃ ହଡ଼୍ମକେ ଇଦିକେଦ୍ତେ ତପାକେଦାକ ଆଡଃ ସେନଃୟାନ୍ତେ ୟୀଶୁକେକ ଉଦୁବ୍କିୟା ।
13 And whanne Jhesus hadde herd this thing, he wente fro thennus in a boot, in to desert place bisides. And whanne the puple hadde herd, thei folewiden hym on her feet fro citees.
୧୩ୟୀଶୁ ଯୋହାନ୍ଆଃ ବିଷାଏ ଆୟୁମ୍କେଦ୍ତେ ଏନ୍ତାଃ ବାଗିକେଦ୍ତେ ଲାଉକାରେ ସିଃସଏଃ ଠାୟାଦ୍ତେ ଏସ୍କାର୍ଗି ସେନଃୟାନା । ଗାଦେଲ୍ ହଡ଼କ ନେଆଁଁ ଆୟୁମ୍କେଦ୍ତେ ଆକଆଃ ସାହାର୍କଏତେ ସେସେନ୍ତେଗି ଇନିଃକେ ଅତଙ୍ଗ୍କିୟାକ ।
14 And Jhesus yede out, and sai a greet puple, and hadde reuthe on hem, and heelide the sike men of hem.
୧୪ଇନିଃ ଲାଉକାଏତେ ଅଡଙ୍ଗ୍ୟାନ୍ଲଃ ପୁରାଃ ଗାଦେଲ୍ ହଡ଼କକେ ନେଲ୍କେଦ୍କଆ ଆଡଃ ଆୟାଃ ମନ୍ସୁରୁଦ୍ ଲିବୁଇତେ ବିଲ୍କାଅୟାନା । ଇନିଃ ପୁରାଃ ହାସୁତାନ୍କକେ ବୁଗିକେଦ୍କଆଏ ।
15 But whanne the euentid was com, hise disciplis camen to him, and seiden, The place is desert, and the tyme is now passid; lat the puple go in to townes, to bye hem mete.
୧୫ଆଡଃ ସିଙ୍ଗି ହାସୁରଃତାନ୍ରେ, ୟୀଶୁଆଃ ଚେଲାକ ଆୟାଃତାଃ ହିଜୁଃକେଦ୍ତେ କାଜିକିୟାକ, “ନେ ଠାୟାଦ୍ଦ ସିଃସଏଃଗିୟା ଆଡଃ ସିଙ୍ଗି ହାସୁରଃତାନା, ଏନାତେ ମାର୍ ଗାଦେଲ୍ ହଡ଼କକେ କୁଲ୍ତାକମେ, ଆଡଃ ଇନ୍କୁ ହାତୁ ସେନ୍କେଦ୍ତେ ଆକଆଃ ନାଙ୍ଗ୍ ଜମେୟାଃଁକ କିରିଙ୍ଗ୍ୟେଁକା ।”
16 Jhesus seide to hem, Thei han not nede to go; yyue ye hem sumwhat to ete.
୧୬ୟୀଶୁ ମେତାଦ୍କଆଏ, “ଇନ୍କୁ ଚିନାଃମେନ୍ତେକ ସେନଆଃ? ଆପେଗି ଇନ୍କୁକେ ଜମେୟାଃଁ ଏମାକପେ ।”
17 Thei answeriden, We han not heere, but fyue looues and twei fischis.
୧୭ଇନ୍କୁ ଇନିଃକେ କାଜିରୁହାଡ଼୍କିୟାକ, “ମଣେୟାଁ ହଲଙ୍ଗ୍ ଆଡଃ ବାରିଆ ହାକୁ ଏସ୍କାର୍ ଆଲେତାଃରେ ମେନାକଆ ।”
18 And he seide to hem, Brynge ye hem hidur to me.
୧୮ୟୀଶୁ ମେତାଦ୍କଆଏ, “ଏନ୍ ସବେନାଃକେ ଆଇଙ୍ଗ୍ତାଃତେ ଆଉୱେପେ ।”
19 And whanne he hadde comaundid the puple to sitte to meete on the heye, he took fyue looues and twei fischis, and he bihelde in to heuene, and blesside, and brak, and yaf to hise disciplis; and the disciplis yauen to the puple.
୧୯ଇନିଃ ଗାଦେଲ୍ ହଡ଼କକେ ତାସାଦ୍ ଚେତାନ୍ରେ ଦୁବ୍କପେ ମେନ୍ତେ ଆଚୁକେଦ୍କଆ, ଆଡଃ ଏନ୍ ମଣେୟାଁ ହଲଙ୍ଗ୍ ଆଡଃ ବାରିଆ ହାକୁ ସାବ୍କେଦ୍ତେ ସିର୍ମାସାଃ ସାଙ୍ଗିଲ୍ରାକାବ୍ତାନ୍ଲଃ ଆଶିଷ୍କେଦାଏ ଆଡଃ ହଲଙ୍ଗ୍ କେଚାଃକେଦ୍ତେ ଚେଲାକକେ ଏମାଦ୍କଆଏ, ଆଡଃ ଚେଲାକ ଗାଦେଲ୍ ହଡ଼କକେ ହାଟିଙ୍ଗ୍ଆଁଁଦ୍କଆକ ।
20 And alle eten, and weren fulfillid. And thei tooken the relifs of brokun gobetis, twelue cofynes ful.
୨୦ସବେନ୍କ ଜମ୍କେଦ୍ତେ ବି'ୟାନାକ ଆଡଃ ଚେଲାକ ସାରେୟାକାନ୍ତେୟାଃ ବାରା ଟୁଙ୍କିକ ହୁଣ୍ଡିକେଦା ।
21 And the noumbre of men that eten was fyue thousynde of men, outakun wymmen and lytle children.
୨୧ଜମ୍କେଦ୍ ହଡ଼କ, କୁଡ଼ିକ ଆଡଃ ହନ୍କକେ ବାଗିକେଦ୍ତେ ପାଞ୍ଚ୍ ହାଜାର୍ କଡ଼ାକ ଏସ୍କାର୍ ତାଇକେନାକ ।
22 And anoon Jhesus compellide the disciplis to go vp in to a boot, and go bifor hym ouer the see, while he lefte the puple.
୨୨ଇମ୍ତାଗି ୟୀଶୁ ଚେଲାକକେ ଆଚୁକେଦ୍କଆ, ଲାଉକାରେ ଦେଏଃପେ ଆଡଃ ହାନ୍ ପାରମ୍ତେ ସେନ୍ ଆୟାରଃପେ, ଇମ୍ତାଲଃ ଇନିଃ ଗାଦେଲ୍ ହଡ଼କକେ ବିଦାକେଦ୍କଆ ।
23 And whanne the puple was left, he stiede aloone in to an hil for to preie. But whanne the euenyng was come, he was there aloone.
୨୩ଏନ୍ତେ ଇନିଃ ଗାଦେଲ୍ ହଡ଼କକେ ବିଦାକେଦ୍ତେ, ଆଇଃକ୍ଗି ବିନ୍ତି ନାଗେନ୍ତେ ବୁରୁତେ ରାକାବ୍ୟାନା ଆଡଃ ସିଙ୍ଗିହାସୁର୍ତାନ୍ରେ ଇନିଃ ଏସ୍କାର୍ଗି ଏନ୍ତାଃରେ ତାଇନ୍ୟାନାଏ ।
24 And the boot in the myddel of the see was schoggid with wawis, for the wynd was contrarie to hem.
୨୪ଆଡଃ ଏନ୍ ଦିପିଲିରେ ଲାଉକା ଦରେୟା ଖାଇଁଣ୍ଏତେ ପୁରାଃ ସାଙ୍ଗିନ୍ରେ ଆଲ୍ପୁଙ୍ଗ୍ତେ ଏକ୍ଲାଅଃତାନ୍ ତାଇକେନା, ଚିୟାଃଚି ଲାଉକା ସେନଃତାନ୍ସାଃଏତେ ହୟ ହିଜୁଃତାନ୍ ତାଇକେନା ।
25 But in the fourthe wakyng of the niyt, he cam to hem walkynge aboue the see.
୨୫ସେତାଃ ନିଦାରେୟାଃ ଉପୁନ୍ ଘାଡ଼ି ଇମ୍ତାକରେ ୟୀଶୁ ଦରେୟାରେ ସେସେନ୍କେଦ୍ତେ ଇନ୍କୁତାଃତେ ହିଜୁଃତାଇକେନା ।
26 And thei, seynge hym walking on the see, weren disturblid, and seiden, That it is a fantum; and for drede thei crieden.
୨୬ଚେଲାକ ଇନିଃକେ ଦରେୟାରେ ସେସେନ୍ତାନ୍ ନେଲ୍କିଃତେକ ବରକେଦା ଆଡଃ “ବଙ୍ଗା ତାନିଃ” ମେନ୍ତେ ବରତେକ କାଉରିକେଦାଃ ।
27 And anoon Jhesus spac to hem, and seide, Haue ye trust, Y am; nyle ye drede.
୨୭ମେନ୍ଦ ୟୀଶୁ ଇମ୍ତାଗି ଇନ୍କୁକେ ଜାଗାର୍ତାନ୍ଲଃ ମେତାଦ୍କଆ, “ଜୀଉରେ କେଟେଜେପେ, ଆଇଙ୍ଗ୍ ତାନିଙ୍ଗ୍ ଆଲ୍ପେ ବରଏୟା ।”
28 And Petre answeride, and seide, Lord, if thou art, comaunde me to come to thee on the watris.
୨୮ଏନ୍ତେ ପାତ୍ରାସ୍ କାଜିକିୟାଏ, “ହେ ପ୍ରାଭୁ, ଆମ୍ଗି ତାନ୍ମେରେଦ ଦାଆଃରେ ଆଇଁୟାଃତାଃତେ ହିଜୁଃମେ ମେନ୍ତେ ଆଚୁଇଙ୍ଗ୍ମେ ।”
29 And he seide, Come thou. And Petre yede doun fro the boot, and walkide on the watris to come to Jhesu.
୨୯ୟୀଶୁ କାଜିରୁହାଡ଼୍କିୟାଏ, “ହିଜୁଃମେ ।” ଏନ୍ତେ ପାତ୍ରାସ୍ ଲାଉକାଏତେ ଆଡ଼୍ଗୁୟାନ୍ଚି ଦାଆଃରେ ସେସେନ୍କେଦ୍ତେ ୟୀଶୁତାଃତେ ସେନଃ ତାଇକେନା ।
30 But he siy the wynd strong, and was aferde; and whanne he bigan to drenche, he criede, and seide, Lord, make me saaf.
୩୦ମେନ୍ଦ ଇନିଃ ହୟ ନେଲ୍କେଦ୍ତେ ବରକେଦାଏ ଆଡଃ ଇନିଃ ଦାଆଃରେ ଡୁବିଃଗ୍ ଏଟେଦଃତାନ୍ ନେଲ୍କେଦ୍ତେ କାଉରିକେଦାଏ, “ହେ ପ୍ରାଭୁ, ବାଞ୍ଚାଅଇଙ୍ଗ୍ମେଁ ।”
31 And anoon Jhesus helde forth his hoond, and took Petre, and seide to hym, Thou of litil feith, whi hast thou doutid?
୩୧ୟୀଶୁ ଇମ୍ତାଗି ତିଃଇତାୟାଃ ଜିଲିଙ୍ଗ୍କେଦ୍ତେ ଇନିଃକେ ସାବ୍କିୟାଏ ଆଡଃ କାଜିକିୟାଏ, “ଏ ହୁଡିଙ୍ଗ୍ ବିଶ୍ୱାସ୍ତାନ୍ନିଃ ଚିନାଃମେନ୍ତେମ୍ ଆଡ଼ାଃଉଡ଼ୁଃକେଦା?”
32 And whanne he hadde stied in to the boot, the wynd ceessid.
୩୨ଆଡଃ ଇନ୍କିନ୍ ଲାଉକାରେ ଦେଏଃୟାନ୍ଚି ହୟ ସାଲ୍ସାନ୍ତ୍ୟାନା ।
33 And thei, that weren in the boot, camen, and worschipiden hym, and seiden, Verili, thou art Goddis sone.
୩୩ଏନ୍ତେ ଲାଉକାରେ ତାଇକେନ୍ ଚେଲାକ ୟୀଶୁକେ ଜହାର୍କିଃତେ କାଜିକିୟାକ, “ଆମ୍ ସାର୍ତିଗି ପାର୍ମେଶ୍ୱାର୍ଆଃ ହନ୍ ତାନ୍ମେ ।”
34 And whanne thei hadden passid ouer the see, thei camen in to the loond of Genesar.
୩୪ୟୀଶୁ ଆଡଃ ଆୟାଃ ଚେଲାକ ଦରେୟା ପାରମ୍କେଦ୍ଚି ଗିନେସରେତ୍ ନୁତୁମ୍ ପାର୍ଗାନ୍ତେକ ସେଟେର୍ୟାନା ।
35 And whanne men of that place hadden knowe hym, thei senten in to al that cuntre; and thei brouyten to hym alle that hadden siknesse.
୩୫ଏନ୍ତାଃରେନ୍ ହଡ଼କ ୟୀଶୁକେ ନେଲ୍ଉରୁମ୍କିୟାକ । ଆଡଃ ଇନିଃ ନେତାଃରିୟା ମେନ୍ତେ ସବେନ୍ସାଃତେ କାଜିକୁଲ୍କେଦାକ ଆଡଃ ହଡ଼କ ସବେନ୍ ଦୁକୁହାସୁତାନ୍କକେ ଇନିଃତାଃତେ ଆଉକେଦ୍କଆକ ।
36 And thei preieden hym, that thei schulden touche the hemme of his clothing; and who euere touchiden weren maad saaf.
୩୬ଆଡଃ ଇନ୍କୁ ବିନ୍ତିକିୟାକ, ଦୁକୁହାସୁତାନ୍କ ଆମାଃ ଲିଜାଃରେୟାଃ ଆଚ୍ରାକେ ଏସ୍କାର୍ ଜୁଟିଦ୍ ଇଚି ନାଗେନ୍ତେ ଆଚୁକମ୍ ଆଡଃ ଜୁଟିଦ୍କେଦ୍ ସବେନ୍କ ବୁଗିୟାନା ।
