Luke 1
1 Forsothe for manye men enforceden to ordeyne the tellyng of thingis, whiche ben fillid in vs,
For as moche as many have take in hand to compyle a treates of thoo thinges which are surely knowen amonge vs
2 as thei that seyn atte the bigynnyng, and weren ministris of the word,
even as they declared them vnto vs which from the beginnynge sawe them their selves and were ministers at the doyng:
3 bitaken, it is seen also to me, hauynge alle thingis diligentli bi ordre, to write to thee,
I determined also assone as I had searched out diligently all thinges from the beginnynge that then I wolde wryte vnto the good Theophilus:
4 thou best Theofile, that thou knowe the treuthe of tho wordis, of whiche thou art lerned.
that thou myghtest knowe the certente of thoo thinges wher of thou arte informed.
5 In the daies of Eroude, kyng of Judee, ther was a prest, Sakarie bi name, of the sorte of Abia, and his wijf was of the douytris of Aaron, and hir name was Elizabeth.
There was in the dayes of Herode kynge of Iurie a certayne prest named Zacharias of ye course of Abia. And his wyfe was of ye doughters of Aaron: And her name was Elizabeth.
6 And bothe weren iust bifor God, goynge in alle the maundementis and iustifiyngis of the Lord, withouten pleynt.
Booth were perfect before God and walked in all the lawes and ordinaces of the Lorde that no man coulde fynde fawte with them.
7 And thei hadden no child, for Elizabeth was bareyn, and bothe weren of grete age in her daies.
And they had no chylde because that Elizabeth was barre and booth were well stricken in age.
8 And it bifel, that whanne Zacarie schulde do the office of preesthod, in the ordre of his cours tofor God,
And it cam to passe as he executed the prestes office before god as his course came
9 aftir the custome of the preesthod, he wente forth bi lot, and entride in to the temple, to encense.
(accordinge to the custome of the prestes office) his lot was to bourne incece.
10 And al the multitude of the puple was with outforth, and preiede in the our of encensyng.
And wet into ye teple of ye Lorde and the whoale multitude of ye people were with out in prayer whill the incense was aburnynge.
11 And an aungel of the Lord apperide to hym, and stood on the riythalf of the auter of encense.
And ther appered vnto him an angell of the lorde stondinge on the ryght syde of the altare of incense.
12 And Zacarie seynge was afraied, and drede fel vpon hym.
And when Zacharias sawe him he was abasshed and feare came on him.
13 And the aungel seide to hym, Zacarie, drede thou not; for thi preyer is herd, and Elizabeth, thi wijf, schal bere to thee a sone, and his name schal be clepid Joon.
And the angell sayde vnto him: feare not Zachary for thy prayer is hearde: And thy wyfe Elizabeth shall beare ye a sonne and thou shalt call his name Iohn
14 And ioye and gladyng schal be to thee; and many schulen `haue ioye in his natyuyte.
and thou shalt have ioye and gladnes and many shall reioyce at his birth.
15 For he schal be greet bifor the Lord, and he schal not drynke wyn and sidir, and he schal be fulfillid with the Hooli Goost yit of his modir wombe.
For he shalbe greate in the sight of the lorde and shall nether drinke wyne ner stronge drinke. And he shalbe filled with the holy goost even in his mothers wombe:
16 And he schal conuerte many of the children of Israel to her Lord God;
and many of the chyldren of Israel shall he tourne to their Lorde God.
17 and he schal go bifor hym in the spirit and the vertu of Helie; and he schal turne the hertis of the fadris in to the sones, and men out of bileue to the prudence of iust men, to make redi a perfit puple to the Lord.
And he shall goo before him in the sprete and power of Helyas to tourne the hertes of the fathers to the chyldren and the vnbelevers to the wysdom of the iuste men: to make the people redy for the Lorde.
18 And Zacarie seide to the aungel, Wherof schal Y wite this? for Y am eld, and my wijf hath gon fer in to hir daies.
And Zacharias sayde vnto ye angell: Wher by shall I knowe this? seinge that I am olde and my wyfe well stricken in yeares.
19 And the aungel answeride, and seide to hym, For Y am Gabriel, that stonde niy bifor God; and Y am sent to thee to speke, and to euangelize to thee these thingis.
And the angell answered and sayde vnto him: I am Gabriell that stonde in the presens of God and am sent to speake vnto the: and to shewe the these glad tydinges.
20 And lo! thou schalt be doumbe, and thou schalt not mow speke til in to the dai, in which these thingis schulen be don; for thou hast not bileued to my wordis, whiche schulen be fulfillid in her tyme.
And beholde thou shalt be domme and not able to speake vntyll the tyme that these thinges be performed because thou belevedst not my wordes which shalbe fulfilled in their season.
21 And the puple was abidynge Zacarie, and thei wondriden, that he tariede in the temple.
And the people wayted for Zacharias and mervelled that he taryed in the temple.
22 And he yede out, and myyte not speke to hem, and thei knewen that he hadde seyn a visioun in the temple. And he bikenyde to hem, and he dwellide stille doumbe.
And whe he cam oute he could not speake vnto them. Wherby they perceaved that he had sene some vision in the temple. And he beckened vnto them and remayned speachlesse.
23 And it was don, whanne the daies of his office weren fulfillid, he wente in to his hous.
And it fortuned assone as ye tyme of his office was oute he departed home into his awne housse.
24 And aftir these daies Elizabeth, his wijf, conseyuede, and hidde hir fyue monethis, and seide,
And after thoose dayes his wyfe Elizabeth coceaved and hyd her sylfe. v. monethes sayinge:
25 For so the Lord dide to me in the daies, in whiche he bihelde, to take awei my repreef among men.
This wyse hath God dealte wt me in ye dayes when he loked on me to take from me the rebuke yt I suffred amonge men.
26 But in the sixte moneth the aungel Gabriel was sent fro God in to a citee of Galilee, whos name was Nazareth,
And in ye. vi. moneth ye angell Gabriel was sent fro god vnto a cite of Galile named Nazareth
27 to a maidyn, weddid to a man, whos name was Joseph, of the hous of Dauid; and the name of the maidun was Marie.
to a virgin spoused to a man whose name was Ioseph of ye housse of David and ye virgins name was Mary.
28 And the aungel entride to hir, and seide, Heil, ful of grace; the Lord be with thee; blessid be thou among wymmen.
And ye angell went in vnto her and sayde: Hayle full of grace ye Lorde is with ye: blessed arte thou amonge wemen.
29 And whanne sche hadde herd, sche was troublid in his word, and thouyte what maner salutacioun this was.
When she sawe him she was abasshed at his sayinge: and cast in her mynde what maner of salutacion yt shuld be.
30 And the aungel seide to hir, Ne drede thou not, Marie, for thou hast foundun grace anentis God.
And ye angell sayde vnto her: feare not Mary: for thou hast founde grace wt god.
31 Lo! thou schalt conceyue in wombe, and schalt bere a sone, and thou schalt clepe his name Jhesus.
Loo: thou shalt coceave in thy wombe and shalt beare a sonne and shalt call his name Iesus.
32 This schal be greet, and he schal be clepid the sone of the Hiyeste; and the Lord God schal yeue to hym the seete of Dauid, his fadir,
He shalbe greate and shalbe called the sonne of the hyest. And ye lorde God shall geve vnto him the seate of his father David
33 and he schal regne in the hous of Jacob with outen ende, and of his rewme schal be noon ende. (aiōn g165)
and he shall raygne over ye housse of Iacob forever and of his kyngdome shalbe none ende. (aiōn g165)
34 And Marie seide to the aungel, On what maner schal this thing be doon, for Y knowe not man?
Then sayd Mary vnto ye angell: How shall this be seinge I knowe not a man?
35 And the aungel answeride, and seide to hir, The Hooly Goost schal come fro aboue in to thee, and the vertu of the Hiyeste schal ouerschadewe thee; and therfor that hooli thing that schal be borun of thee, schal be clepid the sone of God.
And ye angell answered and sayd vnto her: The holy goost shall come apon the and ye power of ye hyest shall over shaddowe ye. Therfore also yt holy thinge which shalbe borne shalbe called ye sonne of god.
36 And lo! Elizabeth, thi cosyn, and sche also hath conceyued a sone in hir eelde, and this moneth is the sixte to hir that is clepid bareyn;
And beholde thy cosen Elizabeth she hath also conceaved a sonne in her age. And this is hyr sixte moneth though she be called barren:
37 for euery word schal not be inpossible anentis God.
for wt god can nothinge be vnpossible.
38 And Marie seide, Lo! the handmaydyn of the Lord; be it don to me aftir thi word. And the aungel departide fro hir.
And Mary sayd: beholde ye honde mayden of ye lorde be it vnto me even as thou hast sayde. And the angell departed from her.
39 And Marie roos vp in tho daies, and wente with haaste in to the mounteyns, in to a citee of Judee.
And Mary arose in thoose dayes and went into ye mountayns wt hast into a cite of Iurie
40 And sche entride in to the hous of Zacarie, and grette Elizabeth.
and entred into the housse of zachary and saluted Elizabeth.
41 And it was don, as Elizabeth herde the salutacioun of Marie, the yong child in hir wombe gladide. And Elizabeth was fulfillid with the Hooli Goost,
And it fortuned as Elizabeth hearde ye salutacion of Mary the babe spronge in her belly. And Elizabeth was filled with the holy goost
42 and criede with a greet vois, and seide, Blessid be thou among wymmen, and blessid be the fruyt of thi wombe.
and cryed with a loude voyce and sayde: Blessed arte thou amonge wemen and blessed is the frute of thy wombe.
43 And whereof is this thing to me, that the modir of my Lord come to me?
And whence hapeneth this to me that the mother of my Lorde shuld come to me?
44 For lo! as the voice of thi salutacioun was maad in myn eeris, the yong child gladide in ioye in my wombe.
For loo assone as the voyce of thy salutacion sownded in myne eares the babe sprange in my belly for ioye.
45 And blessid be thou, that hast bileued, for thilke thingis that ben seid of the Lord to thee, schulen be parfitli don.
And blessed arte thou that belevedst: for thoose thinges shalbe performed wich were tolde ye from the lorde.
46 And Marie seide, Mi soule magnyfieth the Lord,
And Mary sayde. My soule magnifieth the Lorde.
47 and my spirit hath gladid in God, myn helthe.
And my sprete reioyseth in god my savioure
48 For he hath biholdun the mekenesse of his handmaidun.
For he hath loked on the povre degre of his honde mayde. Beholde now from hence forth shall all generacions call me blessed.
49 For lo! of this alle generaciouns schulen seie that Y am blessid. For he that is myyti hath don to me grete thingis, and his name is hooli.
For he that is myghty hath done to me greate thinges and holye is his name.
50 And his mercy is fro kynrede in to kynredes, to men that dreden hym.
And his mercy is on them that feare him thorow oute all generacions.
51 He made myyt in his arme, he scaterede proude men with the thouyte of his herte.
He sheweth strength with his arme he scattereth them that are proude in the ymaginacion of their hertes.
52 He sette doun myyti men fro sete, and enhaunside meke men.
He putteth doune the myghty from their seates and exalteth them of lowe degre.
53 He hath fulfillid hungri men with goodis, and he hath left riche men voide.
He filleth the hongry with good thinges: and sendeth awaye the ryche emptye.
54 He, hauynge mynde of his mercy, took Israel, his child;
He remenbreth mercy: and helpeth his servaunt Israel.
Even as he promised to oure fathers Abraham and to his seede for ever. (aiōn g165)
56 And Marie dwellide with hir, as it were thre monethis, and turnede ayen in to hir hous.
And mary aboode with hyr aboute a. iii. monethes and retourned agayne to hyr awne housse.
57 But the tyme of beryng child was fulfillid to Elizabeth, and sche bare a sone.
Elizabethes tyme was come that she shuld be delyvered and she brought forth a sonne.
58 And the neiyboris and cosyns of hir herden, that the Lord hadde magnyfied his mercy with hir; and thei thankiden hym.
And her neghboures and her cosins hearde tell how the lorde had shewed great mercy vpon her and they reioysed with her.
59 And it was don in the eiyte dai, thei camen to circumcide the child; and thei clepiden hym Zacarie, bi the name of his fadir.
And it fortuned ye eyght daye: they cam to circumcise the chylde: and called his name zacharias after the name of his father.
60 And his moder answeride, and seide, Nay, but he schal be clepid Joon.
How be it his mother answered and sayd: not so but he shalbe called Ihon.
61 And thei seiden to hir, For no man is in thi kynrede, that is clepid this name.
And they sayd vnto hyr: Ther is none of thy kynne that is named wt this name.
62 And thei bikeneden to his fadir, what he wolde that he were clepid.
And they made signes to his father how he wolde have him called.
63 And he axynge a poyntil, wroot, seiynge, Joon is his name.
And he axed for wrytynge tables and wroote saying: his name is Iohn. And they marvelled all.
64 And alle men wondriden. And anoon his mouth was openyd, and his tunge, and he spak, and blesside God.
And his mouthe was opened immediatly and his tonge also and he spake lawdynge God.
65 And drede was maad on alle her neiyboris, and alle these wordis weren pupplischid on alle the mounteyns of Judee.
And feare came on all the that dwelt nye vnto them. And all these sayinges were noysed abroade throughout all ye hyll coutre of Iurie
66 And alle men that herden puttiden in her herte, and seiden, What maner child schal this be? For the hoond of the Lord was with hym.
and all they yt herde the layde them vp in their hertes saying: What maner chylde shall this be? And the honde of ye lorde was with him.
67 And Zacarie, his fadir, was fulfillid with the Hooli Goost, and prophesiede,
And his father zacharias was filled with the holy goost and prophisyed sayinge:
68 and seide, Blessid be the Lord God of Israel, for he hath visitid, and maad redempcioun of his puple.
Blessed be the Lorde God of Israel for he hath visited and redemed his people.
69 And he hath rerid to vs an horn of heelthe in the hous of Dauid, his child.
And hath reysed vp an horne of salvacion vnto vs in the housse of his servaunt David.
Even as he promised by ye mouth of his holy prophetes which were sens ye worlde began (aiōn g165)
71 Helthe fro oure enemyes, and fro the hoond of alle men that hatiden vs.
That we shuld be saved from oure enemies and from the hondis of all that hate vs:
72 To do merci with oure fadris, and to haue mynde of his hooli testament.
To fulfill the mercy promised to oure fathers and to remember his holy covenaunt.
73 The greet ooth that he swoor to Abraham, oure fadir, to yyue hym silf to vs.
And to performe the oothe which he sware to oure father Adraham
74 That we with out drede delyuered fro the hoond of oure enemyes,
for to geve vs. That we delyvered oute of ye hondes of oure enemyes myght serve him with oute feare
75 serue to hym, in hoolynesse and riytwisnesse bifor hym in alle oure daies.
all the dayes of oure lyfe in suche holynes and ryghtewesnes that are accept before him.
76 And thou, child, schalt be clepid the prophete of the Hiyest; for thou schalt go bifor the face of the Lord, to make redi hise weies.
And thou chylde shalt be called the Prophet of the hyest: for thou shalt goo before the face of the lorde to prepare his wayes:
77 To yyue scyence of helthe to his puple, in to remyssioun of her synnes;
And to geve knowlege of salvacion vnto his people for the remission of synnes:
78 bi the inwardnesse of the merci of oure God, in the whiche he spryngynge vp fro an hiy hath visitid vs.
Through the tender mercy of oure God wherby the daye springe from an hye hath visited vs.
79 To yyue liyt to hem that sitten in derknessis and in schadewe of deeth; to dresse oure feet in to the weie of pees.
To geve light to the that sate in darcknes and in shadowe of deth and to gyde oure fete into the waye of peace.
80 And the child wexide, and was coumfortid in spirit, and was in desert placis `til to the dai of his schewing to Israel.
And the chylde grew and wexed stronge in sprete and was in wyldernes tyll the daye cam when he shuld shewe him sylfe vnto the Israhelites.
