Lamentations 3
1 Aleph. I am a man seynge my pouert in the yerde of his indignacioun.
| אני הגבר ראה עני בשבט עברתו |
2 Aleph. He droof me, and brouyte in to derknessis, and not in to liyt.
| אותי נהג וילך חשך ולא אור |
3 Aleph. Oneli he turnede in to me, and turnede togidere his hond al dai.
| אך בי ישב יהפך ידו כל היום |
4 Beth. He made eld my skyn, and my fleisch; he al to-brak my boonys.
| בלה בשרי ועורי שבר עצמותי |
5 Beth. He bildid in my cumpas, and he cumpasside me with galle and trauel.
| בנה עלי ויקף ראש ותלאה |
6 Beth. He settide me in derk places, as euerlastynge deed men.
| במחשכים הושיבני כמתי עולם |
7 Gymel. He bildide aboute ayens me, that Y go not out; he aggregide my gyues.
| גדר בעדי ולא אצא הכביד נחשתי |
8 Gymel. But and whanne Y crie and preye, he hath excludid my preier.
| גם כי אזעק ואשוע שתם תפלתי |
9 Gymel. He closide togidere my weies with square stoonus; he distriede my pathis.
| גדר דרכי בגזית נתיבתי עוה |
10 Deleth. He is maad a bere settinge aspies to me, a lioun in hid places.
| דב ארב הוא לי אריה (ארי) במסתרים |
11 Deleth. He distriede my pathis, and brak me; he settide me desolat.
| דרכי סורר ויפשחני שמני שמם |
12 Deleth. He bente his bowe, and settide me as a signe to an arowe.
| דרך קשתו ויציבני כמטרא לחץ |
13 He. He sente in my reynes the douytris of his arowe caas.
| הביא בכליתי בני אשפתו |
14 He. Y am maad in to scorn to al the puple, the song of hem al dai.
| הייתי שחק לכל עמי נגינתם כל היום |
15 He. He fillide me with bitternesses; he gretli fillide me with wermod.
| השביעני במרורים הרוני לענה |
16 Vau. He brak at noumbre my teeth; he fedde me with aische.
| ויגרס בחצץ שני הכפישני באפר |
17 Vau. And my soule is putte awei; Y haue foryete goodis.
| ותזנח משלום נפשי נשיתי טובה |
18 Vau. And Y seide, Myn ende perischide, and myn hope fro the Lord.
| ואמר אבד נצחי ותוחלתי מיהוה |
19 Zai. Haue thou mynde on my pouert and goyng ouer, and on wermod and galle.
| זכר עניי ומרודי לענה וראש |
20 Zai. Bi mynde Y schal be myndeful; and my soule schal faile in me.
| זכור תזכור ותשיח (ותשוח) עלי נפשי |
21 Zai. Y bithenkynge these thingis in myn herte, schal hope in God.
| זאת אשיב אל לבי על כן אוחיל |
22 Heth. The mercies of the Lord ben manye, for we ben not wastid; for whi hise merciful doyngis failiden not.
| חסדי יהוה כי לא תמנו כי לא כלו רחמיו |
23 Heth. Y knew in the morewtid; thi feith is miche.
| חדשים לבקרים רבה אמונתך |
24 Heth. My soule seide, The Lord is my part; therfor Y schal abide hym.
| חלקי יהוה אמרה נפשי על כן אוחיל לו |
25 Teth. The Lord is good to hem that hopen in to hym, to a soule sekynge hym.
| טוב יהוה לקוו לנפש תדרשנו |
26 Teth. It is good to abide with stilnesse the helthe of God.
| טוב ויחיל ודומם לתשועת יהוה |
27 Teth. It is good to a man, whanne he hath bore the yok fro his yongthe.
| טוב לגבר כי ישא על בנעוריו |
28 Joth. He schal sitte aloone, and he schal be stille; for he reiside hym silf aboue hym silf.
| ישב בדד וידם כי נטל עליו |
29 Joth. He schal sette his mouth in dust, if perauenture hope is.
| יתן בעפר פיהו אולי יש תקוה |
30 Joth. He schal yyue the cheke to a man that smytith hym; he schal be fillid with schenschipis.
| יתן למכהו לחי ישבע בחרפה |
31 Caph. For the Lord schal not putte awei with outen ende.
| כי לא יזנח לעולם אדני |
32 Caph. For if he castide awei, and he schal do merci bi the multitude of hise mercies.
| כי אם הוגה ורחם כרב חסדיו |
33 Caph. For he makide not low of his herte; and castide not awei the sones of men. Lameth.
| כי לא ענה מלבו ויגה בני איש |
34 That he schulde al to-foule vndur hise feet alle the boundun men of erthe. Lameth.
| לדכא תחת רגליו כל אסירי ארץ |
35 That he schulde bowe doun the dom of man, in the siyt of the cheer of the hiyeste.
| להטות משפט גבר נגד פני עליון |
36 Lameth. That he schulde peruerte a man in his dom, the Lord knew not.
| לעות אדם בריבו אדני לא ראה |
37 Men. Who is this that seide, that a thing schulde be don, whanne the Lord comaundide not?
| מי זה אמר ותהי אדני לא צוה |
38 Men. Nether goodis nether yuels schulen go out of the mouth of the hiyeste.
| מפי עליון לא תצא הרעות והטוב |
39 Men. What grutchide a man lyuynge, a man for hise synnes?
| מה יתאונן אדם חי גבר על חטאו |
40 Nun. Serche we oure weies, and seke we, and turne we ayen to the Lord.
| נחפשה דרכינו ונחקרה ונשובה עד יהוה |
41 Nun. Reise we oure hertis with hondis, to the Lord in to heuenes.
| נשא לבבנו אל כפים אל אל בשמים |
42 Nun. We han do wickidli, and han terrid thee to wraththe; therfor thou art not able to be preied.
| נחנו פשענו ומרינו אתה לא סלחת |
43 Sameth. Thou hilidist in stronge veniaunce, and smitidist vs; thou killidist, and sparidist not.
| סכותה באף ותרדפנו הרגת לא חמלת |
44 Sameth. Thou settidist a clowde to thee, that preier passe not.
| סכותה בענן לך מעבור תפלה |
45 Sameth. Thou settidist me, drawing vp bi the roote, and castynge out, in the myddis of puplis.
| סחי ומאוס תשימנו בקרב העמים |
46 Ayn. Alle enemyes openyden her mouth on vs.
| פצו עלינו פיהם כל איבינו |
47 Ayn. Inward drede and snare is maad to vs, profesie and defoulyng.
| פחד ופחת היה לנו השאת והשבר |
48 Ayn. Myn iyen ledden doun departyngis of watris, for the defoulyng of the douyter of my puple.
| פלגי מים תרד עיני על שבר בת עמי |
49 Phe. Myn iye was turmentid, and was not stille; for no reste was.
| עיני נגרה ולא תדמה מאין הפגות |
50 Phe. Vntil the Lord bihelde, and siy fro heuenes.
| עד ישקיף וירא יהוה משמים |
51 Phe. Myn iye robbide my soule in alle the douytris of my citee.
| עיני עוללה לנפשי מכל בנות עירי |
52 Sade. Myn enemyes token me with out cause, bi huntyng as a brid.
| צוד צדוני כצפור איבי חנם |
53 Sade. My lijf slood in to a lake; and thei puttiden a stoon on me.
| צמתו בבור חיי וידו אבן בי |
54 Sade. Watris flowiden ouer myn heed; Y seide, Y perischide.
| צפו מים על ראשי אמרתי נגזרתי |
55 Coph. Lord, Y clepide to help thi name, fro the laste lake.
| קראתי שמך יהוה מבור תחתיות |
56 Coph. Thou herdist my vois; turne thou not awei thin eere fro my sobbyng and cries.
| קולי שמעת אל תעלם אזנך לרוחתי לשועתי |
57 Coph. Thou neiyidist to me in the dai, wherynne Y clepide thee to help; thou seidist, Drede thou not.
| קרבת ביום אקראך אמרת אל תירא |
58 Res. Lord, ayenbiere of my lijf, thou demydist the cause of my soule.
| רבת אדני ריבי נפשי גאלת חיי |
59 Res. Lord, thou siest the wickidnesse of hem ayens me; deme thou my doom.
| ראיתה יהוה עותתי שפטה משפטי |
60 Res. Thou siest al the woodnesse, alle the thouytis of hem ayenus me.
| ראיתה כל נקמתם--כל מחשבתם לי |
61 Syn. Lord, thou herdist the schenshipis of hem; alle the thouytis of hem ayens me.
| שמעת חרפתם יהוה כל מחשבתם עלי |
62 Syn. The lippis of men risynge ayens me, and the thouytis of hem ayens me al dai.
| שפתי קמי והגיונם עלי כל היום |
63 Syn. Se thou the sittynge and risyng ayen of hem; Y am the salm of hem.
| שבתם וקימתם הביטה אני מנגינתם |
64 Thau. Lord, thou schalt yelde while to hem, bi the werkis of her hondis.
| תשיב להם גמול יהוה כמעשה ידיהם |
65 Tau. Thou schalt yyue to hem the scheeld of herte, thi trauel.
| תתן להם מגנת לב תאלתך להם |
66 Tau. Lord, thou schalt pursue hem in thi strong veniaunce, and thou schalt defoule hem vndur heuenes.
| תרדף באף ותשמידם מתחת שמי יהוה |
