Job 37
1 Myn herte dredde of this thing, and is moued out of his place.
super hoc expavit cor meum et emotum est de loco suo
2 It schal here an heryng in the feerdfulnesse of his vois, and a sown comynge forth of his mouth.
audite auditionem in terrore vocis eius et sonum de ore illius procedentem
3 He biholdith ouere alle heuenes; and his liyt is ouere the termes of erthe.
subter omnes caelos ipse considerat et lumen illius super terminos terrae
4 Sown schal rore aftir hym, he schal thundre with the vois of his greetnesse; and it schal not be souyt out, whanne his vois is herd.
post eum rugiet sonitus tonabit voce magnitudinis suae et non investigabitur cum audita fuerit vox eius
5 God schal thundre in his vois wondurfulli, that makith grete thingis and that moun not be souyt out.
tonabit Deus in voce sua mirabiliter qui facit magna et inscrutabilia
6 Which comaundith to the snow to come doun on erthe, and to the reynes of wijntir, and to the reynes of his strengthe.
qui praecipit nivi ut descendat in terram et hiemis pluviis et imbri fortitudinis suae
7 Which markith in the hond of alle men, that alle men knowe her werkis.
qui in manu omnium hominum signat ut noverint singuli opera sua
8 An vnresonable beeste schal go in to his denne, and schal dwelle in his caue, `ethir derke place.
ingredietur bestia latibulum et in antro suo morabitur
9 Tempestis schulen go out fro the ynnere thingis, and coold fro Arturus.
ab interioribus egreditur tempestas et ab Arcturo frigus
10 Whanne God makith blowyng, frost wexith togidere; and eft ful brood watris ben sched out.
flante Deo concrescit gelu et rursum latissimae funduntur aquae
11 Whete desirith cloudis, and cloudis spreeden abrood her liyt.
frumentum desiderat nubes et nubes spargunt lumen suum
12 Whiche cloudes cumpassen alle thingis bi cumpas, whidur euere the wil of the gouernour ledith tho, to al thing which he comaundith `to tho on the face of the world;
quae lustrant per circuitum quocumque eas voluntas gubernantis duxerit ad omne quod praeceperit illis super faciem orbis terrarum
13 whether in o lynage, ethir in his lond, ether in what euer place of his merci he comaundith tho to be foundun.
sive in una tribu sive in terra sua sive in quocumque loco misericordiae suae eas iusserit inveniri
14 Joob, herkene thou these thingis; stonde thou, and biholde the meruels of God.
ausculta haec Iob sta et considera miracula Dei
15 Whethir thou woost, whanne God comaundide to the reynes, that tho schulen schewe the liyt of hise cloudis?
numquid scis quando praeceperit Deus pluviis ut ostenderent lucem nubium eius
16 Whether thou knowist the grete weies of cloudis, and perfit kunnyngis?
numquid nosti semitas nubium magnas et perfectas scientias
17 Whether thi cloothis ben not hoote, whanne the erthe is blowun with the south?
nonne vestimenta tua calida sunt cum perflata fuerit terra austro
18 In hap thou madist with hym heuenes, which moost sad ben foundid, as of bras.
tu forsitan cum eo fabricatus es caelos qui solidissimi quasi aere fusi sunt
19 Schewe thou to vs, what we schulen seie to hym; for we ben wlappid in derknessis.
ostende nobis quid dicamus illi nos quippe involvimur tenebris
20 Who schal telle to hym, what thingis Y speke? yhe, if he spekith, a man schal be deuourid.
quis narrabit ei quae loquor etiam si locutus fuerit homo devorabitur
21 And now men seen not liyt; the eir schal be maad thicke sudenli in to cloudis, and wynd passynge schal dryue awei tho.
at nunc non vident lucem subito aer cogitur in nubes et ventus transiens fugabit eas
22 Gold schal come fro the north, and ferdful preisyng of God.
ab aquilone aurum venit et ad Deum formidolosa laudatio
23 For we moun not fynde him worthili; he is greet in strengthe, and in doom, and in riytfulnesse, and may not be teld out.
digne eum invenire non possumus magnus fortitudine et iudicio et iustitia et enarrari non potest
24 Therfor men schulen drede hym; and alle men, that semen to hem silf to be wise, schulen not be hardi to biholde.
ideo timebunt eum viri et non audebunt contemplari omnes qui sibi videntur esse sapientes
