Job 34
1 And Helyu pronounside, and spak also these thingis,
| ויען אליהוא ויאמר |
2 Wise men, here ye my wordis, and lerned men, herkne ye me; for the eere preueth wordis,
| שמעו חכמים מלי וידעים האזינו לי |
3 and the throte demeth metis bi taast.
| כי-אזן מלין תבחן וחך יטעם לאכל |
4 Chese we doom to vs; and se we among vs, what is the betere.
| משפט נבחרה-לנו נדעה בינינו מה-טוב |
5 For Job seide, Y am iust, and God hath distried my doom.
| כי-אמר איוב צדקתי ואל הסיר משפטי |
6 For whi lesynge is in demynge me, and myn arowe is violent with out ony synne.
| על-משפטי אכזב אנוש חצי בלי-פשע |
7 Who is a man, as Joob is, that drynkith scornyng as watir?
| מי-גבר כאיוב ישתה-לעג כמים |
8 that goith with men worchynge wickidnesse, and goith with vnfeithful men?
| וארח לחברה עם-פעלי און וללכת עם-אנשי-רשע |
9 For he seide, A man schal not plese God, yhe, thouy he renneth with God.
| כי-אמר לא יסכן-גבר-- ברצתו עם-אלהים |
10 Therfor ye men hertid, `that is, vndurstonde, here ye me; vnpite, `ethir cruelte, be fer fro God, and wickidnesse fro Almyyti God.
| לכן אנשי לבב-- שמעו-לי חללה לאל מרשע ושדי מעול |
11 For he schal yelde the werk of man to hym; and bi the weies of ech man he schal restore to hym.
| כי פעל אדם ישלם-לו וכארח איש ימצאנו |
12 For verili God schal not condempne with out cause; nether Almyyti God schal distrie doom.
| אף-אמנם אל לא-ירשיע ושדי לא-יעות משפט |
13 What othere man hath he ordeyned on the lond? ether whom hath he set on the world, which he made?
| מי-פקד עליו ארצה ומי שם תבל כלה |
14 If God dressith his herte to hym, he schal drawe to hym silf his spirit and blast.
| אם-ישים אליו לבו רוחו ונשמתו אליו יאסף |
15 Ech fleisch schal faile togidere; `and a man schal turne ayen in to aisch.
| יגוע כל-בשר יחד ואדם על-עפר ישוב |
16 Therfor if thou hast vndurstondyng, here thou that that is seid, and herkne the vois of my speche.
| ואם-בינה שמעה-זאת האזינה לקול מלי |
17 Whether he that loueth not doom may be maad hool? and hou condempnest thou so myche him, that is iust?
| האף שונא משפט יחבוש ואם-צדיק כביר תרשיע |
18 Which seith to the kyng, Thou art apostata; which clepith the duykis vnpitouse, `ethir vnfeithful.
| האמר למלך בליעל-- רשע אל-נדיבים |
19 `Which takith not the persoones of princes, nether knew a tyraunt, whanne he stryuede ayens a pore man; for alle men ben the werk of hise hondis.
| אשר לא-נשא פני שרים ולא נכר-שוע לפני-דל כי-מעשה ידיו כלם |
20 Thei schulen die sudeynli, and at mydnyyt puplis schulen be troblid, `ethir schulen be bowid, as othere bookis han; and schulen passe, and schulen take `awei `a violent man with out hond.
| רגע ימתו-- וחצות לילה יגעשו עם ויעברו ויסירו אביר לא ביד |
21 For the iyen of God ben on the weies of men, and biholdith alle goyngis of hem.
| כי-עיניו על-דרכי-איש וכל-צעדיו יראה |
22 No derknessis ben, and no schadewe of deeth is, that thei, that worchen wickidnesse, be hid there;
| אין-חשך ואין צלמות-- להסתר שם פעלי און |
23 for it is `no more in the power of man, that he come to God in to doom.
| כי לא על-איש ישים עוד-- להלך אל-אל במשפט |
24 God schal al to-breke many men and vnnoumbrable; and schal make othere men to stonde for hem.
| ירע כבירים לא-חקר ויעמד אחרים תחתם |
25 For he knowith the werkis of hem; therfor he schal brynge yn niyt, and thei schulen be al to-brokun.
| לכן--יכיר מעבדיהם והפך לילה וידכאו |
26 He smoot hem, as vnpitouse men, in the place of seinge men.
| תחת-רשעים ספקם-- במקום ראים |
27 Whiche yeden awei fro hym bi `castyng afore, and nolden vndurstonde alle hise weies.
| אשר על-כן סרו מאחריו וכל-דרכיו לא השכילו |
28 That thei schulden make the cry of a nedi man to come to hym, and that he schulde here the vois of pore men.
| להביא עליו צעקת-דל וצעקת עניים ישמע |
29 For whanne he grauntith pees, who is that condempneth? Sithen he hidith his cheer, who is that seeth hym? And on folkis and on alle men `he hath power `to do siche thingis.
| והוא ישקט ומי ירשע-- ויסתר פנים ומי ישורנו ועל-גוי ועל-אדם יחד |
30 Which makith `a man ypocrite to regne, for the synnes of the puple.
| ממלך אדם חנף-- ממקשי עם |
31 Therfor for Y haue spoke to God, also Y schal not forbede thee.
| כי-אל-אל האמר נשאתי-- לא אחבל |
32 If Y erride, teche thou me; if Y spak wickidnesse, Y schal no more adde.
| בלעדי אחזה אתה הרני אם-עול פעלתי לא אסיף |
33 Whether God axith that wickidnesse of thee, for it displeside thee? For thou hast bigunne to speke, and not Y; that if thou knowist ony thing betere, speke thou.
| המעמך ישלמנה כי-מאסת--כי-אתה תבחר ולא-אני ומה-ידעת דבר |
34 Men vndurstondynge, speke to me; and a wise man, here me.
| אנשי לבב יאמרו לי וגבר חכם שמע לי |
35 Forsothe Joob spak folili, and hise wordis sownen not techyng.
| איוב לא-בדעת ידבר ודבריו לא בהשכיל |
36 My fadir, be Joob preuede `til to the ende; ceesse thou not fro the man of wickidnesse,
| אבי--יבחן איוב עד-נצח על-תשבת באנשי-און |
37 `that addith blasfemye ouer hise synnes. Be he constreyned among vs in the meene tyme; and thanne bi hise wordis stire he God to the doom.
| כי יסיף על-חטאתו פשע בינינו יספוק וירב אמריו לאל |
