Job 22
1 Forsothe Eliphat Themanytes answeride, and seide,
| ויען אליפז התמני ויאמר |
2 Whether a man, yhe, whanne he is of perfit kunnyng, mai be comparisound to God?
| הלאל יסכן-גבר-- כי-יסכן עלימו משכיל |
3 What profitith it to God, if thou art iust? ethir what schalt thou yyue to hym, if thi lijf is without wem?
| החפץ לשדי כי תצדק ואם-בצע כי-תתם דרכיך |
4 Whether he schal drede, and schal repreue thee, and schal come with thee in to doom,
| המיראתך יכיחך יבוא עמך במשפט |
5 and not for thi ful myche malice, and thi wickidnessis with out noumbre, `these peynes bifelden iustli to thee?
| הלא רעתך רבה ואין-קץ לעונתיך |
6 For thou hast take awei with out cause the wed of thi britheren; and hast spuylid nakid men of clothis.
| כי-תחבל אחיך חנם ובגדי ערומים תפשיט |
7 Thou yauest not watir to the feynt man; and thou withdrowist breed fro the hungri man.
| לא-מים עיף תשקה ומרעב תמנע-לחם |
8 In the strengthe of thin arm thou haddist the lond in possessioun; and thou moost myyti heldist it.
| ואיש זרוע לו הארץ ונשוא פנים ישב בה |
9 Thou leftist widewis voide; and al to-brakist the schuldris of fadirles children.
| אלמנות שלחת ריקם וזרעות יתמים ידכא |
10 Therfor thou art cumpassid with snaris; and sodeyn drede disturblith thee.
| על-כן סביבותיך פחים ויבהלך פחד פתאם |
11 And thou gessidist, that thou schuldist not se derknessis; and that thou schuldist not be oppressid with the fersnesse of watris flowyng.
| או-חשך לא-תראה ושפעת-מים תכסך |
12 Whether thou thenkist, that God is hiyere than heuene, and is enhaunsid aboue the coppe of sterris?
| הלא-אלוה גבה שמים וראה ראש כוכבים כי-רמו |
13 And thou seist, What sotheli knowith God? and, He demeth as bi derknesse.
| ואמרת מה-ידע אל הבעד ערפל ישפוט |
14 A cloude is his hidyng place, and he biholdith not oure thingis, and he `goith aboute the herris of heuene.
| עבים סתר-לו ולא יראה וחוג שמים יתהלך |
15 Whether thou coueitist to kepe the path of worldis, which wickid men han ofte go?
| הארח עולם תשמור-- אשר דרכו מתי-און |
16 Whiche weren takun awei bifor her tyme, and the flood distriede the foundement of hem.
| אשר-קמטו ולא-עת נהר יוצק יסודם |
17 Whiche seiden to God, Go thou awei fro vs; and as if Almyyti God may do no thing, thei gessiden hym,
| האמרים לאל סור ממנו ומה-יפעל שדי למו |
18 whanne he hadde fillid her housis with goodis; the sentence of whiche men be fer fro me.
| והוא מלא בתיהם טוב ועצת רשעים רחקה מני |
19 Iust men schulen se, and schulen be glad; and an innocent man schal scorne hem.
| יראו צדיקים וישמחו ונקי ילעג-למו |
20 Whether the reisyng of hem is not kit doun, and fier schal deuoure the relifs of hem?
| אם-לא נכחד קימנו ויתרם אכלה אש |
21 Therfor assente thou to God, and haue thou pees; and bi these thingis thou schalt haue best fruytis.
| הסכן-נא עמו ושלם בהם תבואתך טובה |
22 Take thou the lawe of his mouth, and sette thou hise wordis in thin herte.
| קח-נא מפיו תורה ושים אמריו בלבבך |
23 If thou turnest ayen to Almyyti God, thou schalt be bildid; and thou schalt make wickidnesse fer fro thi tabernacle.
| אם-תשוב עד-שדי תבנה תרחיק עולה מאהלך |
24 He schal yyue a flynt for erthe, and goldun strondis for a flynt.
| ושית-על-עפר בצר ובצור נחלים אופיר |
25 And Almyyti God schal be ayens thin enemyes; and siluer schal be gaderid togidere to thee.
| והיה שדי בצריך וכסף תועפות לך |
26 Thanne on Almyyti God thou schalt flowe with delicis; and thou schalt reise thi face to God.
| כי-אז על-שדי תתענג ותשא אל-אלוה פניך |
27 Thou schalt preye hym, and he schal here thee; and thou schalt yelde thi vowis.
| תעתיר אליו וישמעך ונדריך תשלם |
28 Thou schalt deme a thing, and it schal come to thee; and lyyt schal schyne in thi weies.
| ותגזר-אמר ויקם לך ועל-דרכיך נגה אור |
29 For he that is mekid, schal be in glorie; and he that bowith doun hise iyen, schal be saued.
| כי-השפילו ותאמר גוה ושח עינים יושע |
30 An innocent schal be saued; sotheli he schal be saued in the clennesse of hise hondis.
| ימלט אי-נקי ונמלט בבר כפיך |
