Isaiah 3
1 For lo! the lordli gouernour, the Lord of oostis, schal take awei fro Jerusalem and fro Juda a myyti man, and strong, and al the strengthe of breed, and al the strengthe of watir;
| כי הנה האדון יהוה צבאות מסיר מירושלם ומיהודה משען ומשענה כל משען לחם וכל משען מים |
2 a strong man, and a man a werriour, and a domesman, and a profete, and a false dyuynour in auteris, and an elde man,
| גבור ואיש מלחמה שופט ונביא וקסם וזקן |
3 a prince ouer fifti men, and a worschipful man in cheer, and a counselour, and a wijs man of principal crafti men, and a prudent man of mystik, ethir goostli, speche.
| שר חמשים ונשוא פנים ויועץ וחכם חרשים ונבון לחש |
4 And Y schal yyue children the princes of hem, and men of wymmens condiciouns schulen be lordis of hem.
| ונתתי נערים שריהם ותעלולים ימשלו בם |
5 And the puple schal falle doun, a man to a man, ech man to his neiybore; a child schal make noyse ayens an eld man, and an vnnoble man ayens a noble man.
| ונגש העם איש באיש ואיש ברעהו ירהבו הנער בזקן והנקלה בנכבד |
6 For a man schal take his brother, the meneal of his fadir, and schal seie, A clooth is to thee, be thou oure prince; forsothe this fallyng be vndur thin hond.
| כי יתפש איש באחיו בית אביו שמלה לכה קצין תהיה לנו והמכשלה הזאת תחת ידך |
7 And he schal answere in that dai, and seie, Y am no leche, and nether breed, nether cloth is in myn hous; nyle ye make me prince of the puple.
| ישא ביום ההוא לאמר לא אהיה חבש ובביתי אין לחם ואין שמלה לא תשימני קצין עם |
8 For whi Jerusalem felle doun, and Juda felle doun togidere; for the tunge of hem, and the fyndingis of hem weren ayens the Lord, for to terre to wraththe the iyen of his mageste.
| כי כשלה ירושלם ויהודה נפל כי לשונם ומעלליהם אל יהוה למרות עני כבודו |
9 The knowyng of her cheer schal answere to hem; and thei prechiden her synne, as Sodom dide, and hidden not. Wo to the soule of hem, for whi yuels ben yoldun to hem.
| הכרת פניהם ענתה בם וחטאתם כסדם הגידו לא כחדו אוי לנפשם כי גמלו להם רעה |
10 Seie ye to the iust man, that it schal be to hym wel; for he schal ete the fruyt of hise fyndyngis.
| אמרו צדיק כי טוב כי פרי מעלליהם יאכלו |
11 Wo to the wickid man in to yuel; for whi the yeldyng of hise hondis schal be maad to hym.
| אוי לרשע רע כי גמול ידיו יעשה לו |
12 The wrongful axeris of my puple robbiden it, and wymmen weren lordis therof. Mi puple, thei that seien thee blessid, disseyuen thee, and distrien the weie of thi steppis.
| עמי נגשיו מעולל ונשים משלו בו עמי מאשריך מתעים ודרך ארחתיך בלעו |
13 The Lord stondith for to deme, and `the Lord stondith for to deme puplis;
| נצב לריב יהוה ועמד לדין עמים |
14 the Lord schal come to doom, with the eldere men of his puple, and with hise princes; for ye han wastid my vyner, and the raueyn of a pore man is in youre hous.
| יהוה במשפט יבוא עם זקני עמו ושריו ואתם בערתם הכרם גזלת העני בבתיכם |
15 Whi al to-breken ye my puple, and grynden togidere the faces of pore men? seith the Lord God of oostis.
| מלכם (מה לכם) תדכאו עמי ופני עניים תטחנו נאם אדני יהוה צבאות |
16 And the Lord God seide, For that that the douytris of Syon weren reisid, and yeden with a necke stretchid forth, and yeden bi signes of iyen, and flappiden with hondis, and yeden, and with her feet yeden in wel araied goyng,
| ויאמר יהוה יען כי גבהו בנות ציון ותלכנה נטוות (נטויות) גרון ומשקרות עינים הלוך וטפף תלכנה וברגליהם תעכסנה |
17 the Lord schal make ballyd the nol of the douytris of Sion, and the Lord schal make nakid the heer of hem.
| ושפח אדני קדקד בנות ציון ויהוה פתהן יערה |
18 In that dai the Lord schal take awei the ournement of schoon, and goldun litle bellis lijk the moone,
| ביום ההוא יסיר אדני את תפארת העכסים והשביסים--והשהרנים |
19 and ribans, and brochis, and ournementis of armes nyy the schuldris, and mytris, ether chapelettis,
| הנטפות והשירות והרעלות |
20 and coombis, and ournementis of armes niy the hondis, and goldun ourenementis lijk laumpreis, and litil vessels of oynementis,
| הפארים והצעדות והקשרים ובתי הנפש והלחשים |
21 and eere ryngis, and ryngis, and preciouse stoonys hangynge in the forheed,
| הטבעות ונזמי האף |
22 and chaungynge clothis, and mentils, and schetis, ether smockis, and needlis,
| המחלצות והמעטפות והמטפחות והחריטים |
23 and myrouris, and smal lynun clothis aboute the schuldris, and kercheues, and roketis.
| והגלינים והסדינים והצניפות והרדידים |
24 And stynk shal be for swete odour, and a corde for the girdil; ballidnesse schal be for crispe heer, and an heire for a brest girdil.
| והיה תחת בשם מק יהיה ותחת חגורה נקפה ותחת מעשה מקשה קרחה ותחת פתיגיל מחגרת שק כי תחת יפי |
25 Also thi faireste men schulen falle bi swerd, and thi stronge men schulen falle in batel.
| מתיך בחרב יפלו וגבורתך במלחמה |
26 And the yatis therof schulen weile, and morene; and it schal sitte desolat in erthe.
| ואנו ואבלו פתחיה ונקתה לארץ תשב |
