Ecclesiastes 1
1 The wordis of Ecclesiastes, sone of Dauid, the kyng of Jerusalem.
verba Ecclesiastes filii David regis Hierusalem
2 The vanyte of vanytees, seide Ecclesiastes; the vanyte of vanytees, and alle thingis ben vanite.
vanitas vanitatum dixit Ecclesiastes vanitas vanitatum omnia vanitas
3 What hath a man more of alle his trauel, bi which he traueilith vndur the sunne?
quid habet amplius homo de universo labore suo quod laborat sub sole
4 Generacioun passith awei, and generacioun cometh; but the erthe stondith with outen ende.
generatio praeterit et generatio advenit terra vero in aeternum stat
5 The sunne risith, and goith doun, and turneth ayen to his place;
oritur sol et occidit et ad locum suum revertitur ibique renascens
6 and there it risith ayen, and cumpassith bi the south, and turneth ayen to the north. The spirit cumpassynge alle thingis goith `in cumpas, and turneth ayen in to hise cerclis.
gyrat per meridiem et flectitur ad aquilonem lustrans universa circuitu pergit spiritus et in circulos suos regreditur
7 Alle floodis entren in to the see, and the see fletith not ouer the markis set of God; the floodis turnen ayen to the place fro whennus tho comen forth, that tho flowe eft.
omnia flumina intrant mare et mare non redundat ad locum unde exeunt flumina revertuntur ut iterum fluant
8 Alle thingis ben hard; a man may not declare tho thingis bi word; the iye is not fillid bi siyt, nether the eere is fillid bi hering.
cunctae res difficiles non potest eas homo explicare sermone non saturatur oculus visu nec auris impletur auditu
9 What is that thing that was, that that schal come? What is that thing that is maad, that that schal be maad?
quid est quod fuit ipsum quod futurum est quid est quod factum est ipsum quod fiendum est
10 No thing vndir the sunne is newe, nether ony man may seie, Lo! this thing is newe; for now it yede bifore in worldis, that weren bifore vs.
nihil sub sole novum nec valet quisquam dicere ecce hoc recens est iam enim praecessit in saeculis quae fuerunt ante nos
11 Mynde of the formere thingis is not, but sotheli nether thenkyng of tho thingis, that schulen come afterward, schal be at hem that schulen come in the last tyme.
non est priorum memoria sed nec eorum quidem quae postea futura sunt erit recordatio apud eos qui futuri sunt in novissimo
12 I Ecclesiastes was king of Israel in Jerusalem;
ego Ecclesiastes fui rex Israhel in Hierusalem
13 and Y purposide in my soule to seke and enserche wiseli of alle thingis, that ben maad vndur the sunne. God yaf this werste ocupacioun to the sones of men, that thei schulden be ocupied therynne.
et proposui in animo meo quaerere et investigare sapienter de omnibus quae fiunt sub sole hanc occupationem pessimam dedit Deus filiis hominum ut occuparentur in ea
14 I siy alle thingis that ben maad vndur the sunne, and lo! alle thingis ben vanyte and turment of spirit.
vidi quae fiunt cuncta sub sole et ecce universa vanitas et adflictio spiritus
15 Weiward men ben amendid of hard; and the noumbre of foolis is greet with outen ende.
perversi difficile corriguntur et stultorum infinitus est numerus
16 I spak in myn herte, and Y seide, Lo! Y am made greet, and Y passide in wisdom alle men, that weren bifore me in Jerusalem; and my soule siy many thingis wiseli, and Y lernede.
locutus sum in corde meo dicens ecce magnus effectus sum et praecessi sapientia omnes qui fuerunt ante me in Hierusalem et mens mea contemplata est multa sapienter et didicit
17 And Y yaf myn herte, that Y schulde knowe prudence and doctryn, and errours and foli. And Y knew that in these thingis also was trauel and turment of spirit;
dedique cor meum ut scirem prudentiam atque doctrinam erroresque et stultitiam et agnovi quod in his quoque esset labor et adflictio spiritus
18 for in myche wisdom is myche indignacioun, and he that encressith kunnyng, encreessith also trauel.
eo quod in multa sapientia multa sit indignatio et qui addit scientiam addat et laborem
