Philippians 1

1 Paul and Timothy, servants of Jesus Christ, to all the saints in Christ Jesus, which are at Philippi, with the bishops and deacons:

Jesus Christ i sal te, Paul le Timothy in, Philippi a om Christ Jesus sung ah mithiangtho te, husya te le pawlpi upa te:

2 grace be unto you, and peace from God our father, and from the Lord Jesus Christ.

I Pa Pathian le Topa Jesus Christ tung pan thuthiamna le thinnopna sia note tung ah hong om tahen.

3 I give thanks unto my God upon every mention of you,

Note kong phaw sim in ka Pathian ka pok hi,

4 (always making supplication for you all with joy

Note theampo atu thu ka nget sim in tatsat ngawl lungdamko na taw ka ngen hi,

5 in every prayer of mine) for your attachment to the gospel, from the first day even till now;

Lungdamna thupha sung ah na ki pawlkhop na uh hu in a ni phitbel ni pan tu ni dong;

6 being confident of this, that He who hath begun a good work in you will continue to perfect it till the day of Jesus Christ.

Hi thu sung mama ah ki muanna ka nei hi, note sung ah nasep pha a pan pa in Jesus Christ ni dong seam suak tu hi:

7 As it is just for me to think this of you all, because ye have me in your heart, both in my bonds, and in the defence and confirmation of the gospel, being all of you partakers of the same grace with me.

Note theampo i thu ka ngaisut tawntung sia thuman a hihi, banghangziam cile ka thinsung ah na om uhhi; thong ka tak ciang ahizong, lungdamna thupha ka dinpui a, ka kipsak ciang ahizong, note theampo in ka thuthiamna taw nong dinpui uh hi.

8 For God is my witness, how much I long for you all, as with the bowels of Jesus Christ.

Jesus Christ i itna sung ah na vekpi uh in bangza in hong phawk khi ziam, ci sia Pathian ka tetti a hihi.

9 And this I pray, that your love may abound yet more and more in knowledge and in all discernment;

Taciang na ki itna uh sia heakna le thukhenna theampo sung ah tam seseam a khan natu ahizong;

10 that ye may try things that differ, that ye may be sincere and without offence until the day of Christ;

Tabang in note Christ ni dong thintak le khialna om ngawl in, a phabel nate honglak thei tu in ahizong;

11 being full of the fruits of righteousness which are through Jesus Christ unto the glory and praise of God.

Jesus Christ tungtawn in thutang suana i nga te taw kidim a, Pathian minthanna le pokna na hi thei natu uh in, thu ka ngen hi.

12 But I would have you know, my brethren, that the things, which have befallen me, have proved rather to the advancement of the gospel:

Ahihang suapui te awng, ka tung ah hong theng thu te sia lungdamna thupha ki zel na hong suak hi;

13 so that my bonds are manifest in all the palace, and all other places, to be for the sake of Christ;

Tua ahikom tua Christ i sung ah ka thongtakna sia kumpi innsung theampo le mun tatuam ah kilang hi;

14 and many of the brethren in the Lord, encouraged by my bonds, are much more bold to publish the word without fear.

Taciang Topa sung ah suapui tampi te sia thong ka tak hu in, ki muang saseam a, launa om ngawl in Pathian thu sia hangsan seseam in son uh hi.

15 Some indeed through envy and strife, and some also through good-will:

Pawlkhat te in Christ thu sia hazatna le enna taw in hil uh hi; taciang pawlkhat te in deisakna pha taw son uh hi:

16 the former preach Christ out of contention, not sincerely, thinking to add affliction to my bonds;

Pawlkhat te in Christ thu sia ki enna taw hil uh a, thintak taw a hil bua uh hi, keima thongtakna sia haksatna ki belap tu in ngaisun uh hi:

17 the others out of love, knowing that I am set for the defence of the gospel.

Ahihang a dang pawlkhat te in keima sia lungdamna thupha a panpui tu in hong ki koi ka hi siahe a, itna taw phuang uh hi.

18 What then? yet every way, whether in pretence or in truth, Christ is preached: and in this I rejoice, yea and I will rejoice;

Tabang ahile bang hi tu ziam? Ahi tazong, a son theam uh ahizong, a hibale, thuman taw ahizong, bangbang po ahizong Christ thuhil ahi na uh le ka lungdam hi, taciang maisang zong ka lungdam suak tu hi.

19 for I know that this shall turn to my safety through your prayer, and the aid of the Spirit of Jesus Christ.

Banghangziam cile na thu ngetna uh le Jesus Christ i Thaa panpui na tungtawn in hi thu sia ka suatakna hong suak tu hi, ci ka he hi,

20 According to my earnest expectation and hope, that I shall be put to shame in nothing; but that with all freedom of speech, as always, so now also Christ shall be magnified in my body, whether by life or by death.

Ka thinsung takpi taw muang in ka lamet bangma in, bang thu po ahizong ka mai a zum bua hi, ahihang hangsanna theampo taw tatsat ngawl in ka pumpi sung ah nuntakna tungtawn in, a hibale thina tungtawn in, Christ sia lapsang hi tu hi,

21 For to me to live is Christ, and to die is gain: and if I live in the flesh, this is the fruit of my labor:

Banghangziam cile keima atu in nuntak na sia Christ a hihi, taciang thina zong phattuamna om hi.

22 so that I know not what to chuse;

Ahizong ka pumpi sung ah ka nungta ahile, hisia in ka nasep i nga a hihi: ahihang bang teal zaw tu ci sia ka he bua hi.

23 for I am in a strait betwixt two, having a desire to depart, and to be with Christ, which is much preferable:

Banghangziam cile thu ni ki laklaw a ciak na mun ah ka om hi, pusuak a, Christ taw omkhop tu ka uk hi; tasia thu phazaw pek hi:

24 but to abide in the flesh is more necessary for you.

Ahihang pumpi sung ah om tu sia note atu in kisam zaw hi.

25 And as I am confident of this, I know that I shall abide and shall continue with you all, for your improvement and the joy of your faith:

Taciang hi ki muanna ka nei hu in, na upna uh i lungdamna a tam seseam thei natu in, pumpi sung ah om tu sia note theampo taw kizom in ka om tu hi, ci ka he hi;

26 that your rejoicing in Christ Jesus may abound through me, by my coming to you again.

Tabang in note kung ah kong paikik na tungtawn in Jesus Christ sung ah keima atu in na lungdamna uh sia dimlet seseam tu hi.

27 Only behave worthy of the gospel of Christ, that whether I come and see you, or be absent, I may hear of you, that ye stand firm in one Spirit, striving together as with one soul for the saith of the gospel;

Na nuntak zia uh sia Christ i lungdamna thupha bek taw hi tahen: tabang in keima hongpai in note te kong mu a, a hibale keima ka om ngawl sung ah, note sia thaa khat sung ah kiptak in ma na pang khawm uh a, lungdamna thupha upna atu in thinsung khat taw na hanciam tek na uh thu ka zak thei natu in;

28 and are in nothing terrified by your adversaries: which is a demonstration of ruin to them, but to you of salvation, and this from God.

Taciang na ngal te uh hang in bangma lau heak vun: tabang te sia amate atu in siatsuana kilangsak te a hihi, ahihang note atu in Pathian i ngupna a hihi.

29 For to you it is granted as a favor from Christ, not only to believe on Him, but also to suffer for his sake:

Banghangziam cile note kung ah Christ taang in ama up tu bek in hong pia ngawl a, Ama atu in thuak tu zong hong pia hi;

30 having the same conflict as ye saw in me, and now hear to be in me.

Keima sung ah na mu uh ki langpan na le tu in na zak uh thu sia, note in zong na nei uh thu a hihi.