Genesis 9
1 God blessed Noah and his sons, and said to them, “Be fruitful, multiply, and replenish the earth.
Eka Nyasaye nogwedho Nowa gi yawuote kowachonegi niya, “Nywolreuru kendo umedru mi upongʼ piny.
2 The fear of you and the dread of you will be on every animal of the earth, and on every bird of the sky. Everything that moves along the ground, and all the fish of the sea, are delivered into your hand.
Luoro kod kihondko nomak le duto manie piny kod winy ma huyo e kor polo, gik moko duto mamol e lowo kod rech duto modak e nam nikech ochiwgi duto e lwetu.
3 Every moving thing that lives will be food for you. As I gave you the green herb, I have given everything to you.
Gimoro amora mangima kendo wuotho nobed chiembu. Mana kaka asemiyou alode, koro amiyou gik moko duto.”
4 But flesh with its life, that is, its blood, you shall not eat.
To kik ucham ringʼo ma pod nigi remo kuome.
5 I will surely require accounting for your life’s blood. At the hand of every animal I will require it. At the hand of man, even at the hand of every man’s brother, I will require the life of man.
Kendo kuom remb ngimau to anachul kuor. Anachul kuor ne le duto kendo ne ngʼato ka ngʼato anachul kuor nikech ngima wadgi.
6 Whoever sheds man’s blood, his blood will be shed by man, for God made man in his own image.
“Ngʼato angʼata mochwero remb dhano, en bende nyaka rembe chwer koa e lwet dhano; nikech e kit Nyasaye nochweyo dhano.
7 Be fruitful and multiply. Increase abundantly in the earth, and multiply in it.”
To un, nyaguru kendo umedru; nywolreuru e piny kendo upongʼe.”
8 God spoke to Noah and to his sons with him, saying,
Eka Nyasaye nowacho ne Nowa gi yawuote niya,
9 “As for me, behold, I establish my covenant with you, and with your offspring after you,
“Koro aketo singruokna kodu gi nyikwau,
10 and with every living creature that is with you: the birds, the livestock, and every animal of the earth with you, of all that go out of the ship, even every animal of the earth.
kod gik mangima mane ni kodu kaka winy, jamni kod le mag bungu; kod mago duto mane owuok ei yie ma gin gik moko duto mangima modak e piny.
11 I will establish my covenant with you: All flesh will not be cut off any more by the waters of the flood. There will never again be a flood to destroy the earth.”
Atimo singruok kodi ni: Ok nachak atiek gik mangima kod pi bende ok nachak aketh piny kuom pi.”
12 God said, “This is the token of the covenant which I make between me and you and every living creature that is with you, for perpetual generations:
Kendo Nyasaye nowacho niya, “Ma e ranyisi mar singruok ma atimo e kinda kodi kod gik mangima duto maun-go nyaka tiengʼ mabiro.
13 I set my rainbow in the cloud, and it will be a sign of a covenant between me and the earth.
Aseketo lihudu mara e boche polo, kendo obiro bedo ranyisi mar singruok e kinda kod piny.
14 When I bring a cloud over the earth, that the rainbow will be seen in the cloud,
E kinde moro amora ma amiyo piny odudo kendo lihudu ochungʼ e boche polo,
15 I will remember my covenant, which is between me and you and every living creature of all flesh, and the waters will no more become a flood to destroy all flesh.
anapar singruok e kinda kodi kaachiel gi gik mangima duto, tiengʼ ka tiengʼ. Pi ok nochak oketh gik mangima duto.
16 The rainbow will be in the cloud. I will look at it, that I may remember the everlasting covenant between God and every living creature of all flesh that is on the earth.”
E kinde moro amora ma lihudu nochungʼ e boche polo, ananene kendo napar singruok mosiko e kind Nyasaye kod gik mangima duto manie piny kaka kitgi obet.”
17 God said to Noah, “This is the token of the covenant which I have established between me and all flesh that is on the earth.”
Kuom mano, Nyasaye nowacho ne Nowa niya, “Ma e ranyisi mar singruok ma asetimo e kinda kod gik mangima duto manie piny.”
18 The sons of Noah who went out from the ship were Shem, Ham, and Japheth. Ham is the father of Canaan.
Yawuot Nowa mane owuok e yie ne gin: Shem, Ham kod Jafeth. (Ham ne wuon Kanaan.)
19 These three were the sons of Noah, and from these the whole earth was populated.
Yawuot Nowa adekgi ema oganda duto manie piny owuokie.
20 Noah began to be a farmer, and planted a vineyard.
Nowa, ne en japur kendo en ema nokwongo pidho mzabibu mi olosogo divai.
21 He drank of the wine and got drunk. He was uncovered within his tent.
Kane omadho divai moko mowuok e mzabibuno, nomer kendo nonindo duk ei hembe.
22 Ham, the father of Canaan, saw the nakedness of his father, and told his two brothers outside.
Ham wuon Kanaan noneno dug wuon kendo nodhi mowachone owetene ariyo mane ni oko.
23 Shem and Japheth took a garment, and laid it on both their shoulders, went in backwards, and covered the nakedness of their father. Their faces were backwards, and they didn’t see their father’s nakedness.
To Shem kod Jafeth nokawo nanga mi oketo e gokgi; eka negidonjo ei hema ka giwuotho gi ka ngʼegi mi giumo dug wuon-gi. Wengegi ne ngʼiyo komachielo mondo omi kik gine dug wuon-gi.
24 Noah awoke from his wine, and knew what his youngest son had done to him.
Kane Nowa kongʼo orumo e wangʼe, mi ofwenyo gima wuode matin notimone,
25 He said, “Canaan is cursed. He will be a servant of servants to his brothers.”
nowacho niya, “Okwongʼ Kanaan! Enobed misumba, e bwo wasumbini mag owetene.”
26 He said, “Blessed be the LORD, the God of Shem. Let Canaan be his servant.
Nomedo wacho niya, “Jehova Nyasaye ma Nyasach Shem mondo opaki! Kanaan obed misumba Shem.
27 May God enlarge Japheth. Let him dwell in the tents of Shem. Let Canaan be his servant.”
Nyasaye mondo omed Jafeth; Jafeth mondo odag e hembe mag Shem, kendo Kanaan obed misumbane.”
28 Noah lived three hundred fifty years after the flood.
Bangʼ ataro mangʼongono, Nowa nodak higni mia adek gi piero abich.
29 All the days of Noah were nine hundred fifty years, and then he died.
Duto Nowa nodak kuom higni mia ochiko gi piero abich kendo bangʼe notho.
