Psalms 89
1 A contemplation by Ethan, the Ezrahite. I will sing of the loving kindness of Yahweh forever. With my mouth, I will make known your faithfulness to all generations.
Keiman Yahweh Pakai mingailutna longlou thuhi vahchoilan sajing tange, khangdong hole tehse hon nakitahna hi ajauvin ahi.
2 I indeed declare, “Love stands firm forever. You established the heavens. Your faithfulness is in them.”
Nami ngailutna longlou hi itih hijongleh umjing ding ahi. Nakitah nahi vanho bangin aumjinge.
3 “I have made a covenant with my chosen one, I have sworn to David, my servant,
Yahweh Pakai in hitin asei e “kalhendoh kasohpa David toh kitepna kanabol ahi. Hiche kitepna a hi kana kihahsel ahi.
4 ‘I will establish your offspring forever, and build up your throne to all generations.’” (Selah)
Keiman nachilhahte chu lenga katun jingding ahi. Amaho nalaltouna a chu tuapat tonsot gei a toujingdiu ahi.”
5 The heavens will praise your wonders, Yahweh, your faithfulness also in the assembly of the holy ones.
Yahweh Pakai van mite jousen nakidan nahohi navahchoi diu ahi. Nakitahna ho jeh'a hi simjoulou vantilten navahchoi diu ahi.
6 For who in the skies can be compared to Yahweh? Who among the sons of the heavenly beings is like Yahweh,
Ajeh chu van gam a umho jouse koipen tah hi Yahweh Pakai toh tekah thei umbeh am? Vantil thupipen ho jengjong Yahweh Pakai toh tekah pithei um'am?
7 a very awesome God in the council of the holy ones, to be feared above all those who are around him?
Vantil thaneipen hojong Elohim Pathen ang'a kithing thinga ahibouve. Amahi alaltouna vel a dingho jousen jong agimnei na aphapouve.
8 Yahweh, God of Armies, who is a mighty one, like you? Yah, your faithfulness is around you.
O Yahweh Pakai hatchungnung sepai ho! Hoilai mun a nang tobanga thanei a umbeh am Yahweh Pakai? Nanghi kitahna lhingset nahi.
9 You rule the pride of the sea. When its waves rise up, you calm them.
Twikhanglen jong nathanei na noia umma ahi. Nangin huipi le twipi kithoa twi kinong jong nasutang'in,
10 You have broken Rahab in pieces, like one of the slain. You have scattered your enemies with your mighty arm.
twikhanglen'a um sa lenpen hojong na sugep in, Naban thahat in nagal mite jong nahocheh jitai.
11 The heavens are yours. The earth also is yours, the world and its fullness. You have founded them.
Vanho jouse jong nanga ahin, leiset jong nanga ahi, vannoi a um thiljouse jong aboncha nanga ahin nangin nasem ahi.
12 You have created the north and the south. Tabor and Hermon rejoice in your name.
Nangin sahlang lhanglang jong nasem ahin, Tabor Mol leh Hermon mol'in jong naming athangvah ahi.
13 You have a mighty arm. Your hand is strong, and your right hand is exalted.
Nabantha hi iti hat hitam! Nakhut hi iti hat hitam! Najetlang jonghi nathahat loupitah'in adomsange.
14 Righteousness and justice are the foundation of your throne. Loving kindness and truth go before your face.
Chonphat nale thudih chu nalaltouna khombul ahi. Longlou ngailutna le kitahna chu nalhachate bangin na ang sungah avahlen ahi.
15 Blessed are the people who learn to acclaim you. They walk in the light of your presence, Yahweh.
Elohim Pathen houna dinga kipa umtah kouna jaho chu anunnom ahiuve, ajeh chu Yahweh Pakai amahohi na umpina vah a chu lhalediu ahi.
16 In your name they rejoice all day. In your righteousness, they are exalted.
Naminthan na kidangtah hohi amahon nilhum kei keija akipapi diu ahi. Amahon nachon phatna hi akithang atpiu vin ahi.
17 For you are the glory of their strength. In your favor, our horn will be exalted.
Nangma hi amaho dinga thahatna loupitah chu nahi. Keiho thahat sah dinghi nangma kipana ahi.
18 For our shield belongs to Yahweh, our king to the Holy One of Israel.
Ahi, keiho hoidohna hi Yahweh Pakai a kon ahi. Chuleh Israel Elohim Pathen hin lengjong eipeh u ahi.
19 Then you spoke in vision to your saints, and said, “I have given strength to the warrior. I have exalted a young man from the people.
Masang lai in kitah tah a nangma jui namipite lah-a gaothu nana seijin ahi. Nangin nasei in, Keiman galsat ding kanalhengdoh'in keiman milhamho lah a kona lengding jong kanalhendoh ahi.
20 I have found David, my servant. I have anointed him with my holy oil,
Keiman kasoh David kana mudoh'in chuleh kathaotheng kana nun ahi.
21 with whom my hand shall be established. My arm will also strengthen him.
Keiman kakhut a kana dindoh sah a, kaban thahatna kahatdoh sahding ahi.
22 No enemy will tax him. No wicked man will oppress him.
Agal miten ajoloudiu ahilouleh miphalou honjong athajou loudiu ahi.
23 I will beat down his adversaries before him, and strike those who hate him.
Keiman akidoupi hohi amasang tah a kasuhlhuh ding ahin chuleh ama douho jouse jong kasuhmang ding ahi.
24 But my faithfulness and my loving kindness will be with him. In my name, his horn will be exalted.
Kakitahna leh kangailutna longlou hin aumpi jingding kathuneina jalla amahi atha kahatsah jingding ahi.
25 I will set his hand also on the sea, and his right hand on the rivers.
Keiman twikhanglen chunga jong athaneina kalhunlut ding vadungho chung jenga jong vai ahomding ahi.
26 He will call to me, ‘You are my Father, my God, and the rock of my salvation!’
Chutengleh aman eihin kou intin, “Nangma kapa nahin ka Pathen Elohim, kasongpi le kasochatna nahi” atiding ahi.
27 I will also appoint him my firstborn, the highest of the kings of the earth.
Keiman Amahi kachapa masapen, leiset chunga leng thaneipen kahisah ding,
28 I will keep my loving kindness for him forever more. My covenant will stand firm with him.
Kangailut ding chuleh tonsot gei a kakhoto ding, amatoh kaki tepna hi angahtih umlouding ahi.
29 I will also make his offspring endure forever, and his throne as the days of heaven.
Keiman ama dinga ason apah ho kahoibit pehding, vangam'a nikhon beitih aneilou banga alaltounan jong beitih aneilouding ahi.
30 If his children forsake my law, and don’t walk in my ordinances;
Ahinlah achilhahten kathuhil hohi apaidoh uva, kachedan hi ajuilou uva,
31 if they break my statutes, and don’t keep my commandments;
ka Dan semhohi anit lou uva chuleh kathupeh hi angailou uleh,
32 then I will punish their sin with the rod, and their iniquity with stripes.
keiman achonsetnao chunga gambol na mol kalap ding, chuleh athungailou naojeh-a kavoh diu ahi.
33 But I will not completely take my loving kindness from him, nor allow my faithfulness to fail.
Hijeng jongle kangailutna chu beideh louding kakitepna jong achunga kasuhmil deh louding ahi.
34 I will not break my covenant, nor alter what my lips have uttered.
Ahipoi, kakitepna chu kasuhkeh louding ahi; keiman kana seidoh saho chu changkhat jong kanung lahdoh louding ahi.
35 Once I have sworn by my holiness, I will not lie to David.
Keiman David kommah kihahselna khat kana nei in chule atheng kahi jeh in jou seiponge.
36 His offspring will endure forever, his throne like the sun before me.
Ama chilhahte itihchan hijongleh chelha jingding alenggam jong nisa banga chelhumding ahi.
37 It will be established forever like the moon, the faithful witness in the sky.” (Selah)
Vantham jolla kahettohsah nachu lhavah banga kikheltih aneitah louding ahi.
38 But you have rejected and spurned. You have been angry with your anointed.
Ahinlah nangin tuhin amachu nakahdoh tan chuleh napaidoh tai. Tuhin Nangma nathaonu lengpa chungah nalunghang tan,
39 You have renounced the covenant of your servant. You have defiled his crown in the dust.
nangin Ama toh nakitepna napaidohtan, nangin alal lukhuh jong vutvai lah-a nasep lhatai.
40 You have broken down all his hedges. You have brought his strongholds to ruin.
Nangin akhopiu bangho navohlhah pehtan chuleh akulpiu jong khogem nasodohsah ahitai.
41 All who pass by the way rob him. He has become a reproach to his neighbors.
Koi hileh ahin hopa jousen athilkeu u akichomgam hellun aheng akomho jousen anuisat'un ahi.
42 You have exalted the right hand of his adversaries. You have made all of his enemies rejoice.
Nangin agal miteu galjona namusahin, abonchauvin nakipasah'in ahi.
43 Yes, you turn back the edge of his sword, and haven’t supported him in battle.
Nangin agal manchah u manmo naso'in chuleh galmunnah gal nalelsah'in ahi.
44 You have ended his splendor, and thrown his throne down to the ground.
Nangin aleng tenggol nalahpehin chuleh alaltouna tolsenan naneipeh in ahi.
45 You have shortened the days of his youth. You have covered him with shame. (Selah)
Nangin aphat achang louvin natehset sah'in chuleh jumthet in nalhan ahi.
46 How long, Yahweh? Will you hide yourself forever? Will your wrath burn like fire?
Yahweh Pakai nangma hi hitiahi kisel jing jingding nahi hitam? Ichangei nalunghanna meikong jing jeng dingham?
47 Remember how short my time is, for what vanity you have created all the children of men!
Kahinkho hi itihchom a hitam geldoh'in, keihohi thitei dinga neisem'u ahi ti geldoh'in!
48 What man is he who shall live and not see death, who shall deliver his soul from the power of Sheol? (Selah) (Sheol h7585)
Mihing koihi athi theilou ding um'am? Mihem koipen ham lhan a kon a ahoidohthei dingah? (Sheol h7585)
49 Lord, where are your former loving kindnesses, which you swore to David in your faithfulness?
Yahweh Pakai tumasanga neingailutnau chu ahet theina mudohthei ipi umam? David komma nakitepna hohi hoilang geija hitam?
50 Remember, Lord, the reproach of your servants, how I bear in my heart the taunts of all the mighty peoples,
Nasohpa keimahi ichan gei a jumna kato hitam? Hiche nangma hedohlou mitehin eisapsetnau ichan gei a kathoh hitam?
51 With which your enemies have mocked, Yahweh, with which they have mocked the footsteps of your anointed one.
O Yahweh Pakai nadeilhen nalengpa hi nangma dou miten nahsah loutah'in abollun ahi! Achena chan a asujum un ahi.
52 Blessed be Yahweh forever more. Amen, and Amen.
Yahweh Pakai chu thangvah in umjing jenghen! Amen, Amen!
