1 Timothy 2
1 I exhort therefore, first of all, that petitions, prayers, intercessions, and givings of thanks be made for all men,
୧ଆଇଙ୍ଗ୍ ସିଦାତେ କାଜିଗରଙ୍ଗ୍ ତାନାଇଙ୍ଗ୍, ସେୱାତାନ୍ ଇମ୍ତା ସବେନ୍କ ନାଗେନ୍ତେ ପାର୍ମେଶ୍ୱାର୍ତାଃରେ ବିନ୍ତି, ଏଟାଃକ ନାଙ୍ଗ୍ ବିନ୍ତି, ଆଡଃ ଧାନ୍ୟାବାଦ୍ ଏମେପେ ।
2 for kings and all who are in high places, that we may lead a tranquil and quiet life in all godliness and reverence.
୨ନେ'ଲେକାଗି ରାଜାକଆଃ ନାଙ୍ଗ୍ ଆଡଃ ଆକ୍ତେୟାର୍ ନାମାକାଦ୍କ ନାଙ୍ଗ୍ ବିନ୍ତିପେ, ଜେ'ଲେକା ପାର୍ମେଶ୍ୱାର୍କେ ବରଭାକ୍ତିତାନ୍ଲଃ ସାଲ୍ସାନ୍ତ୍ଗିବୁ ତାଇନା ଆଡଃ ଏଟାଃକଲଃ ସୁକୁଜୀଉରେ ଜୀଦାନ୍ବୁ ବିତାଅ ଦାଡ଼ିୟା ।
3 For this is good and acceptable in the sight of God our Savior,
୩ନେ'ଲେକାନ୍ ବିନ୍ତି ଆବୁଆଃ ଜୀଉ ବାଞ୍ଚାଅନିଃ ପାର୍ମେଶ୍ୱାର୍ଆଃ ଆୟାର୍ରେ ବୁଗିନ୍ ଆଡଃ ସୁକୁଆନ୍ଗିୟା ।
4 who desires all people to be saved and come to full knowledge of the truth.
୪ସବେନ୍ ହଡ଼କଆଃ ଜୀଉ ବାଞ୍ଚାଅଃକା ଆଡଃ ସାର୍ତି ବିଷାଏରେ ସେଣାଁଁକ ନାମେକା ମେନ୍ତେ ଇନିୟାଃ ସାନାଙ୍ଗ୍ତାନାଃ ।
5 For there is one God and one mediator between God and men, the man Christ Jesus,
୫ଚିୟାଃଚି ମିଆଁଦ୍ଗି ପାର୍ମେଶ୍ୱାର୍ ମେନାଇୟା । ହଡ଼କକେ ପାର୍ମେଶ୍ୱାର୍ତାଃତେ ଆଉ ହୁଣ୍ଡିକନାଙ୍ଗ୍ ମିହୁଡ଼୍ଗି ମେନାଇୟା, ଇନିଃ ହବାଅଃତାନାଏ ମାନୱାହନ୍ ୟୀଶୁ ଖ୍ରୀଷ୍ଟ୍ ।
6 who gave himself as a ransom for all, the testimony at the proper time,
୬ଇନିଃ ସବେନ୍କକେ ପାପ୍ହେତେ ରାଡ଼ା ନାଗେନ୍ତେ ଆଇଃକ୍ଗି ଦାଣେଁରାକାବ୍ୟାନାଏ, ନେଆଁଁତେ ଆଟ୍କାର୍ୟାନା ଯେ, ପାର୍ମେଶ୍ୱାର୍ ଠାଉକା ନେଡାରେ ସବେନ୍ ହଡ଼କକେ ବାଞ୍ଚାଅ ନାଗେନ୍ତେ ସାନାଙ୍ଗ୍ତାନା, ଏନାରେୟାଃ ସାବୁଦ୍ ଏମାକାଦାଏ ।
7 to which I was appointed a preacher and an apostle—I am telling the truth in Christ, not lying—a teacher of the Gentiles in faith and truth.
୭ଏନ୍ ସାର୍ତି ଆଡଃ ବିଶ୍ୱାସ୍ରାଃ କାଜି ସାଅଁସାର୍କତାଃରେ ଉଦୁବ୍ ନାଗେନ୍ତେ ଆଇଙ୍ଗ୍ ମିଆଁଦ୍ ଇତୁନିଃ ଆଡଃ କୁଲାକାନ୍ନିଃ ଲେକାଇଙ୍ଗ୍ ସାଲାକାନା । ଆଇଙ୍ଗ୍ କାଇଙ୍ଗ୍ ବେଦାତାନା, ସାର୍ତିଗିଙ୍ଗ୍ କାଜିତାନା ।
8 I desire therefore that the men in every place pray, lifting up holy hands without anger and doubting.
୮ସବେନ୍ କାଲିସିୟାରେୟାଃ ସେୱାକାମିରେ ହଡ଼କ, ପାବିତାର୍ ହଡ଼କ ବେଗାର୍ ଖିସ୍ତେ ଆଡଃ ବେଗାର୍ କାପ୍ଜିତେ ତିଃଇ ରିମ୍କେଦ୍ତେ ବିନ୍ତିପେ ମେନ୍ତେ ଆଇଙ୍ଗ୍ ସାନାଙ୍ଗ୍ତାନାଇଙ୍ଗ୍ ।
9 In the same way, that women also adorn themselves in decent clothing, with modesty and propriety, not with braided hair, gold, pearls, or expensive clothing,
୯ଏନ୍ଲେକାଗି କୁଡ଼ିକହଗି ଆକଆଃ ଲିଜାଃ ତୁସିଙ୍ଗ୍ଅଁଃରେ ବୁଗିଲେକାତେ ତୁସିଙ୍ଗ୍ଅଁଃକାକ, ଉବ୍କେ ବାଇ ବାଇତେ କା ଗାଲାଙ୍ଗ୍କେଦ୍ତେ, ସୋନା ଚାଏ ମତି ଚାଏ ପୁରାଃ ଗନଙ୍ଗ୍ରାଃ ଲିଜାଃ ଆଲକାକ ତୁସିଙ୍ଗ୍ଅଁକା ।
10 but with good works, which is appropriate for women professing godliness.
୧୦ମେନ୍ଦ ବୁଗିନ୍ କାମିରେୟାଃ ସିଙ୍ଗାର୍ରେ ଆକ ଆକଗି ସିଙ୍ଗାରଃକାକ, ଆଡଃ ଧାର୍ମାନ୍ କୁଡ଼ିକ ମେନ୍ତେକ କାଜିନ୍କା ।
11 Let a woman learn in quietness with full submission.
୧୧କୁଡ଼ିକ ସବେନ୍ କାଜିକରେ ହାପାଅଃ ନାଗେନ୍ତେ ଆଡଃ ଲେବେଃ ମନ୍ରେ ଇତୁନ୍ ନାଗେନ୍ତେ ଲାଗାତିଙ୍ଗ୍ୟାଁଃ ।
12 But I don’t permit a woman to teach, nor to exercise authority over a man, but to be in quietness.
୧୨କୁଡ଼ିକ ଇତୁକକାକ ଚାଏ କଡ଼ାକଆଃ ଚେତାନ୍ରେ ଆକ୍ତେୟାର୍ରେକାକ ମେନ୍ତେ ଆଇଙ୍ଗ୍ କାଇଙ୍ଗ୍ ଆଚୁକତାନା, ମେନ୍ଦ ଇନ୍କୁ ହାପାକାନ୍ଗି ତାଇନ୍କାକ ।
13 For Adam was formed first, then Eve.
୧୩ଚିୟାଃଚି ପାର୍ମେଶ୍ୱାର୍ ସିଦାତେ ଆଦାମ୍କେ ବାଇକିୟା, ଏନ୍ ତାୟମ୍ତେ ହାୱାକେ ।
14 Adam wasn’t deceived, but the woman, being deceived, has fallen into disobedience;
୧୪ଆଡଃ ସିଦାତେ ଆଦାମ୍ କାଏ ବେଦାୟାନା, ମେନ୍ଦ କୁଡ଼ି ବେଦାୟାନାଏ ଆଡଃ ପାର୍ମେଶ୍ୱାର୍ଆଃ ଆନ୍ଚୁକେ ଟଟାଃକେଦା ।
15 but she will be saved through her childbearing, if they continue in faith, love, and holiness with sobriety.
୧୫ମେନ୍ଦ ଇନ୍କୁ ବୁଗିନ୍ ସେଣାଁଲଃ ବିଶ୍ୱାସ୍, ଦୁଲାଡ଼୍ ଆଡଃ ପାବିତାର୍ରେ ଥାବର୍ଗି ତାଇନଃରେଦ, ଇନ୍କୁ ଏଙ୍ଗା ହବାଅଃ ହରାତେ ପାରିତ୍ରାଣ୍ ନାମ୍ ଦାଡ଼ିୟାକ ।
