Psalms 24

1 A Psalm by David. The earth is the LORD’s, with its fullness; the world, and those who dwell in it.

Nzembo ya Davidi. Mabele mpe nyonso oyo ezali kati na yango ezali ya Yawe. Mokili mpe ezali ya Yawe, elongo na bavandi na yango.

2 For he has founded it on the seas, and established it on the floods.

Pamba te ezali Yawe nde atia yango na likolo ya bibale minene mpe apikaki yango na likolo ya miluka.

3 Who may ascend to the LORD’s hill? Who may stand in his holy place?

Nani akokoka komata ngomba ya Yawe? Nani akokoka kotelema kati na Esika na Ye ya bule?

4 He who has clean hands and a pure heart; who has not lifted up his soul to falsehood, and has not sworn deceitfully.

Ezali moto oyo azali maboko pembe mpe motema peto, oyo atiaka elikya te na banzambe ya bikeko mpe alapaka ndayi ya lokuta te.

5 He shall receive a blessing from the LORD, righteousness from the God of his salvation.

Yawe akopambola ye; mpe Nzambe, Mobikisi na ye, akokomisa ye sembo.

6 This is the generation of those who seek Him, who seek your face—even Jacob. (Selah)

Ndenge wana nde ezali, ekeke ya bato oyo bakangamaka na Yo, ba-oyo balukaka elongi na Yo, Nzambe ya Jakobi.

7 Lift up your heads, you gates! Be lifted up, you everlasting doors, and the King of glory will come in.

Bino bikuke, botombola mitondo na bino! Bino bikuke ya kala, bomitombola! Tika ete Mokonzi ya nkembo akota!

8 Who is the King of glory? The LORD strong and mighty, the LORD mighty in battle.

Nani azali Mokonzi yango ya nkembo? Ezali Yawe, Elombe ya nguya; Yawe, Elombe ya bitumba.

9 Lift up your heads, you gates; yes, lift them up, you everlasting doors, and the King of glory will come in.

Bino bikuke, botombola mitondo na bino! Bino bikuke ya kala, bomitombola! Tika ete Mokonzi ya nkembo akota!

10 Who is this King of glory? The LORD of Armies is the King of glory! (Selah)

Nani azali Mokonzi yango ya nkembo? Ezali Yawe, Mokonzi ya mampinga, nde azali Mokonzi ya nkembo!