Psalms 20

1 For the Chief Musician. A Psalm by David. May the LORD answer you in the day of trouble. May the name of the God of Jacob set you up on high,

Kwa mtsogoleri wa mayimbidwe. Salimo la Davide. Yehova akuyankhe pamene uli pa msautso; dzina la Mulungu wa Yakobo likuteteze.

2 send you help from the sanctuary, grant you support from Zion,

Iye atumize thandizo kuchokera ku malo ake opatulika; akugwirizize kuchokera ku Ziyoni.

3 remember all your offerings, and accept your burned sacrifice. (Selah)

Iye akumbukire nsembe zako zonse ndipo alandire nsembe zako zopsereza. (Sela)

4 May he grant you your heart’s desire, and fulfill all your counsel.

Akupatse chokhumba cha mtima wako ndipo akuthandize kuti zonse wakonza zichitike.

5 We will triumph in your salvation. In the name of our God, we will set up our banners. May the LORD grant all your requests.

Ife tidzafuwula ndi chimwemwe pamene iwe wapambana ndipo tidzanyamula mbendera zathu mʼdzina la Mulungu wathu, Yehova ayankhe zopempha zako zonse.

6 Now I know that the LORD saves his anointed. He will answer him from his holy heaven, with the saving strength of his right hand.

Tsopano ndadziwa kuti Yehova amapulumutsa wodzozedwa wake; Iye amamuyankha kuchokera kumwamba ku malo ake opatulika ndi mphamvu yopulumutsa ya dzanja lake lamanja.

7 Some trust in chariots, and some in horses, but we trust in the name of the LORD our God.

Ena amadalira magaleta ndipo ena akavalo koma ife tidzadalira dzina la Yehova Mulungu wathu.

8 They are bowed down and fallen, but we rise up, and stand upright.

Iwo amagonjetsedwa ndi kugwa, koma ife timadzuka ndi kuyima chilili.

9 Save, LORD! Let the King answer us when we call!

Inu Yehova, pulumutsani mfumu! Tiyankheni pamene tikuyitanani!