Psalms 146

1 Praise the LORD! Praise the LORD, my soul.

Whakamoemititia a Ihowa. E toku wairua, whakamoemititia a Ihowa.

2 While I live, I will praise the LORD. I will sing praises to my God as long as I exist.

I ahau e ora nei ka whakamoemiti ahau ki a Ihowa; ka himene ahau ki toku Atua i ahau i te ao nei.

3 Don’t put your trust in princes, in a son of man in whom there is no help.

Kei whakawhirinaki ki nga rangatira, ki te tama ranei a te tangata, kahore nei he awhina.

4 His spirit departs, and he returns to the earth. In that very day, his thoughts perish.

Ko te putanga atu o tona wairua, hoki ana ia ki tona oneone; kore iho ona whakaaro i taua ra pu ano.

5 Happy is he who has the God of Jacob for his help, whose hope is in the LORD, his God,

Ka hari te tangata ko te Atua nei o Hakopa tona kaiawhina: ko tana e tumanako ai ko Ihowa, ko tona Atua;

6 who made heaven and earth, the sea, and all that is in them; who keeps truth forever;

Ko te kaihanga o te rangi, o te whenua, o te moana, o nga mea katoa o reira; e pupuri nei i te pono ake ake;

7 who executes justice for the oppressed; who gives food to the hungry. The LORD frees the prisoners.

E tohe nei i te whakawa a te hunga e tukinotia ana: e whangai nei i te hunga mate hiakai: ko Ihowa hei wewete i nga herehere:

8 The LORD opens the eyes of the blind. The LORD raises up those who are bowed down. The LORD loves the righteous.

Ko Ihowa hei whakatitiro i nga matapo: ko Ihowa hei whakaara i te hunga kua whakapikoa iho: e aroha ana a Ihowa ki te hunga tika.

9 The LORD preserves the foreigners. He upholds the fatherless and widow, but he turns the way of the wicked upside down.

Ko Ihowa hei tiaki i nga manene; ko ia hei tautoko i te pani, i te pouaru: ko te ara ia o te hunga kino, ka huripokitia e ia.

10 The LORD will reign forever; your God, O Zion, to all generations. Praise the LORD!

Ko Ihowa hei kingi ake ake, ae, ko tou Atua, e Hiona, tae noa ki nga whakatupuranga katoa. Whakamoemititia a Ihowa.