Psalms 146

1 Praise ye the LORD. Praise the LORD, O my soul.

Pak ne Jehova Nyasaye! Yaye chunya, pak Jehova Nyasaye.

2 While I live will I praise the LORD: I will sing praises to my God while I have any being.

Abiro pako Jehova Nyasaye e ngimana duto; abiro wero wende pak ne Nyasacha kinde duto ma angima.

3 Put not your trust in princes, [nor] in the son of man, in whom [there is] no help.

Kik iket genoni kuom ruodhi mag piny, kata kuom dhano matho ma ok nyal waro ngʼato,

4 His breath goeth forth, he returneth to his earth; in that very day his thoughts perish.

nikech ka chunygi ochot to gidok e lowo; kendo chiengʼono chenrogi ogik gikanyono.

5 Happy [is he] that [hath] the God of Jacob for his help, whose hope [is] in the LORD his God:

Ogwedh ngʼat ma konyruokne en Nyasach Jakobo, ngʼat ma genone ni kuom Jehova Nyasaye ma Nyasache.

6 Who made heaven, and earth, the sea, and all that [is] in them: who keepeth truth for ever:

En jachwech mar polo gi piny, gi nam kod gik moko duto manie igi, osiko ka en ja-adiera nyaka chiengʼ.

7 Who executeth judgment for the oppressed: who giveth food to the hungry. The LORD looseth the prisoners:

Ochwako ngʼat misando kendo ochiwo chiemo ne joma odenyo. Jehova Nyasaye gonyo joma otwe mi gibed thuolo,

8 The LORD openeth [the eyes of] the blind: the LORD raiseth them that are bowed down: the LORD loveth the righteous:

kendo Jehova Nyasaye miyo muofni neno. Jehova Nyasaye miyo joma piny otaro aa malo, kendo ohero joma kare.

9 The LORD preserveth the strangers; he relieveth the fatherless and widow: but the way of the wicked he turneth upside down.

Jehova Nyasaye rito jadak kendo okonyo nyathi kich gi dhako ma chwore otho, to yore mag ngʼama timbene richo to orocho.

10 The LORD will reign for ever, [even] thy God, O Zion, to all generations. Praise ye the LORD.

Jehova Nyasaye olocho nyaka chiengʼ yaye Sayun, Nyasachi olocho nyaka tienge duto mabiro. Pakuru Jehova Nyasaye!