Proverbs 24
1 Be not thou envious against evil men, neither desire to be with them.
Ungabi lamhawu ngabantu ababi, ungaloyisi ukuba labo.
2 For their heart studieth destruction, and their lips talk of mischief.
Ngoba inhliziyo yabo iceba udlakela, lezindebe zabo zikhuluma uhlupho.
3 Through wisdom is a house built; and by understanding it is established:
Ngenhlakanipho indlu iyakhiwa, langokuqedisisa iqiniswe.
4 And by knowledge shall the chambers be filled with all precious and pleasant riches.
Langolwazi amakamelo agcwaliswa ngempahla zonke eziligugu lezimnandi.
5 A wise man [is] strong; and a man of knowledge increaseth strength.
Umuntu ohlakaniphileyo ulamandla, lomuntu ololwazi uqinisa amandla.
6 For by wise counsel thou shalt make thy war: and in multitude of counselors [there is] safety.
Ngoba ngezeluleko ezihlakaniphileyo ungalawula impi yakho, lokukhululwa kusebunengini babeluleki.
7 Wisdom [is] too high for a fool: he openeth not his mouth in the gate.
Inhlakanipho enkulu iphakeme esiwuleni; esangweni kasivuli umlomo waso.
8 He that deviseth to do evil shall be called a mischievous person.
Oceba ukwenza okubi, bazambiza ngokuthi ngumnikazi wamacebo amabi.
9 The thought of foolishness [is] sin: and the scorner [is] an abomination to men.
Umcabango wobuwula yisono, lesideleli siyisinengiso emuntwini.
10 [If] thou faintest in the day of adversity, thy strength [is] small.
Uba uzitshengisa uxega ngosuku lokuhlupheka, amandla akho mancinyane.
11 If thou forbearest to deliver [them that are] drawn to death, and [those that are] ready to be slain;
Bophule abasiwa ekufeni, labatatalikela ekubulaweni, kungathi ungabanqanda.
12 If thou sayest, Behold, we knew it not; doth not he that pondereth the heart consider [it]? and he that keepeth thy soul, doth [not] he know [it]? and will [not] he render to [every] man according to his works?
Uba usithi: Khangela besingakwazi lokhu; ohlola izinhliziyo yena kayikukunanzelela yini? Olondoloza umphefumulo wakho yena kakwazi yini? ngitsho ubuyisela emuntwini njengokomsebenzi wakhe?
13 My son, eat thou honey, because [it is] good; and the honey-comb, [which is] sweet to thy taste:
Dlana uluju, ndodana yami, ngoba lulungile, lohlanga loluju lumnandi elwangeni lwakho.
14 So [shall] the knowledge of wisdom [be] to thy soul: when thou hast found [it], then there shall be a reward, and thy expectation shall not be cut off.
Lunjalo ulwazi lwenhlakanipho emphefumulweni wakho; uba uluthola, kuzakuba lomvuzo, lethemba lakho kaliyikuqunywa.
15 Lay not wait, O wicked [man], against the dwelling of the righteous; destroy not his resting-place:
Wena okhohlakeleyo, ungacathameli umuzi wolungileyo; ungachithi indawo yakhe yokuphumula.
16 For a just [man] falleth seven times, and riseth again: but the wicked shall fall into mischief.
Ngoba olungileyo uzakuwa kasikhombisa, avuke futhi; kodwa abakhohlakeleyo bazakhubeka ebubini.
17 Rejoice not when thy enemy falleth, and let not thy heart be glad when he stumbleth:
Ungathokozi ngokuwa kwesitha sakho, lekukhubekeni kwaso inhliziyo yakho kayingajabuli;
18 Lest the LORD see [it], and it displease him, and he turn away his wrath from him.
hlezi iNkosi ikubone, kube kubi emehlweni ayo, iphendule ulaka lwayo ilususe kuso.
19 Fret not thyself because of evil [men], neither be thou envious at the wicked;
Ungazikhathazi ngenxa yabenzi bobubi, ungabi lamhawu ngabakhohlakeleyo;
20 For there shall be no reward to the evil [man]; the candle of the wicked shall be extinguished.
ngoba omubi kayikuba lomvuzo; isibane sabakhohlakeleyo sizacitshwa.
21 My son, fear thou the LORD and the king: [and] meddle not with them that are given to change:
Ndodana yami, yesaba uJehova lenkosi; ungahlanganyeli labaguquguqukayo;
22 For their calamity shall rise suddenly; and who knoweth the ruin of them both?
ngoba incithakalo yabo izavuka masinyane; njalo ngubani owazi ukuchitheka kwabo bobabili?
23 These [things] also [belong] to the wise. [It is] not good to have respect of persons in judgment.
Lala ngawabahlakaniphileyo. Ukunaka ubuso kusahlulelo kakulunganga.
24 He that saith to the wicked, Thou [art] righteous; him shall the people curse, nations shall abhor him:
Othi kokhohlakeleyo: Wena ulungile; abantu bazamqalekisa, izizwe zizamthukuthelela.
25 But to them that rebuke [him] shall be delight, and a good blessing shall come upon them.
Kodwa kulabo abamkhuzayo kuzakuba lentokozo, lesibusiso esihle sizabehlela.
26 [Every man] shall kiss [his] lips that giveth a right answer.
Ophendula ngamazwi aqondileyo uzakwanga indebe.
27 Prepare thy work without, and make it fit for thyself in the field; and afterwards build thy house.
Lungisa umsebenzi wakho ngaphandle, uzilungiselele wona ensimini, emva kwalokho wakhe indlu yakho.
28 Be not a witness against thy neighbor without cause; and deceive [not] with thy lips.
Ungabi ngumfakazi umelene lomakhelwane wakho kungelasizatho, kumbe ukhohlise ngendebe zakho.
29 Say not, I will do so to him as he hath done to me: I will render to the man according to his work.
Ungathi: Njengokwenza kwakhe kimi ngizakwenza njalo kuye; ngizaphindisela emuntwini njengokomsebenzi wakhe.
30 I went by the field of the slothful, and by the vineyard of the man void of understanding;
Ngedlula ensimini yevila, lesivinini somuntu oswele ingqondo;
31 And lo, it was all grown over with thorns, [and] nettles had covered the face of it, and its stone wall was broken down.
khangela-ke, konke kwakumile ameva, imbabazane yayisibekele ubuso bakho, lomthangala wakho wamatshe udilikile.
32 Then I saw, [and] considered [it] well: I looked upon [it], [and] received instruction.
Mina-ke ngakukhangela, ngakubeka enhliziyweni yami; ngakubona, ngemukela imfundiso.
33 [Yet] a little sleep, a little slumber, a little folding of the hands to sleep:
Ubuthongo obuncinyane, ukuwozela okuncinyane, ukusonga izandla okuncinyane ukuthi kulalwe,
34 So shall thy poverty come [as] one that traveleth; and thy want as an armed man.
besebusiza ubuyanga bakho njengesihambi, lenswelo zakho njengomuntu ohlomileyo.
