Galatians 6
1 Brethren, if a man be overtaken in a fault, ye who are spiritual, restore such an one in the spirit of meekness; considering thyself, lest thou also be tempted.
୧ହେ ହାଗା ମିଶିକ, ଜେତାଏ ଜେତାନ୍ ଗୁହ୍ନାଁଁ କାମିରେ ସାବଃରେଦ, ଆପେକଏତେ ଅକନ୍କ ଆତ୍ମାରେ ସେସେନ୍ ତାନାକ, ଇନ୍କୁ ଇନିଃକେ ସୁଧ୍ରାଅ ଲାଗାତିଙ୍ଗ୍ୟାଁଃ, ମେନ୍ଦ ଆପେକେ ନେ କାମି ଲାବୁଃକେଦ୍ତେ, ଲେବେଃ ମନ୍ତେ ରିକା ଲାଗାତିଙ୍ଗ୍ୟାଁଃ । ଆଡଃ ଚିର୍ଗାଲାକାନ୍ପେ, ଅକଏସାରି ଏନ୍ ଲେକା କାମି ରିକା ନାଗେନ୍ତେ ଆପେ ଆପେଗି ବିନିଡ଼ାଅରେ ଉୟୁଃ ସାକାଅଃଆପେ ।
2 Bear ye one another’s burdens, and so fulfil the law of Christ.
୨ମିହୁଡ଼୍ ଆଡଃମିହୁଡ଼୍ରାଃ ବାହାରମ୍ ଗଅଃ ନାଗେନ୍ତେ ଦେଙ୍ଗାଅଃପେ, ଏନ୍ଲେକା ରିକା ହରାତେ ଆପେ ସବେନ୍କ ଖ୍ରୀଷ୍ଟ୍ଆଃ ଆନ୍ଚୁକେପେ ମାନାତିୟେଁଆ ।
3 For if a man thinketh himself to be something, when he is nothing, he deceiveth himself.
୩ଜେତାଏ ହଡ଼ ବେଗାର୍ ସାରିକେଦ୍ତେ ସାରିକାଦିଙ୍ଗ୍ ମେନ୍ତେ କାଜିନିଃ ଆପାନ୍କେଗି ବେଦାନ୍ତାନା ।
4 But let every man prove his own work, and then shall he have rejoicing in himself alone, and not in another.
୪ଆପେ ସବେନ୍କ ଆପ୍ନାଃ ଆପ୍ନାଃ ଚାଇଲ୍ ଚାଲାନ୍କେ ବିଚାର୍କେଦ୍ତେ ଆଟ୍କାର୍ଉରୁମ୍ ଲାଗାତିୟାଁ । ଏନା ବୁଗିନାଃତାନାଃ ରେଦ, ଏନା ନାଗେନ୍ତେ ଆପାନ୍କେ ମାରାଙ୍ଗ୍ ମେନ୍ତେ କାଜିନ୍କାଏ ଆଡଃ ଏଟାଃନିୟାଃ କାମିକେ ଆପାନାଃ କାମିଲଃ ଜକାକେଦ୍ତେ ଇନିଃ ଆପାନ୍କେ ମାରାଙ୍ଗ୍ ମେନ୍ତେ ଆଲକାଏ କାଜିନ୍କା ।
5 For every man shall bear his own burden.
୫ଚିଆଃଚି ମିମିଆଦ୍ ହଡ଼କେ ଆପ୍ନାଃ ଆପ୍ନାଃ ବାହାରମ୍ ଗଅଃ ଲାଗାତିଙ୍ଗ୍ୟାଁଃ ।
6 Let him that is taught in the word share with him that teacheth in all good things.
୬ଖ୍ରୀଷ୍ଟ୍ଆଃ ସୁକୁକାଜି ଇତୁତାନ୍ ଇମ୍ତା ଇତୁନିଃକେ ଆପାନାଃ ଲାଗାତିଙ୍ଗ୍ ଲେକାନ୍ ସବେନ୍ ବୁଗିନ୍ ବିଷାଏରେ ଇନିଃକେ ହିସା ଏମ୍ ଲାଗାତିଙ୍ଗ୍ୟାଁଃ ।
7 Be not deceived; God is not mocked: for whatever a man soweth, that shall he also reap.
୭ଆପେ ଆପାନ୍କେ ଆଲପେ ବେଦାନାଃ, ପାର୍ମେଶ୍ୱାର୍ ବେଦାଅଃନିଃ ନାହାଁଲିଃ । ହଡ଼ହନ୍ ଅକଆଃ ହେରେୟାଏ ଏନାଗି ଇରେୟା ।
8 For he that soweth to his flesh shall from the flesh reap corruption; but he that soweth to the Spirit shall from the Spirit reap life everlasting. (aiōnios g166)
୮ଅକ ହଡ଼ ଆପାନାଃ ପାପ୍ରେୟାଃ ସଭାବ୍କେ ସୁକୁଇଚି ନାଗେନ୍ତେ ଲୟଙ୍ଗ୍ରେ ହିତାଏ ହେରେୟା, ଇନିଃ ଜିୟନଃରେୟାଃ ହିତାଏ ଇରେୟା । ମେନ୍ଦ ଜେତାଏ ପାବିତାର୍ ଆତ୍ମାକେ ସୁକୁଇଚି ନାଗେନ୍ତେ ଲୟଙ୍ଗ୍ରେ ହିତାଏ ହେରେୟା, ଇନିଃ ଆତ୍ମାତାଃଏତେ ଜାନାଅ ଜୀଦାନ୍ରେୟାଃ ହିତାଏ ଇରେୟା । (aiōnios g166)
9 And let us not be weary in well doing: for in due season we shall reap, if we faint not.
୯ଏନାମେନ୍ତେ ବୁଗିନ୍ କାମି ରିକା ନାଗେନ୍ତେ ଆଲକାବୁ ଲାଗାଅଃକା । ଚିୟାଃଚି ଏନାଏତେ କା ଲାଗାନ୍ରେ, ଠାଉକାନ୍ ଦିପିଲିରେ ହିତାବୁ ଇର୍ ଦାଡ଼ିୟା ।
10 As we have therefore opportunity, let us do good to all men, especially to them who are of the household of faith.
୧୦ଏନାମେନ୍ତେ ଆବୁ ଚିମ୍ତା ସୁଯୋଗ୍ବୁ ନାମେୟା, ଇମ୍ତା ଆବୁକେ ବୁଗିନ୍ କାମି ରିକା ଲାଗାତିଙ୍ଗ୍ୟାଁଃ । ବିଶେଷ୍କେଦ୍ତେ ଅକନ୍କ ଆବୁଆଃ ବିଶ୍ୱାସୀ ଅଡ଼ାଃରେନ୍ ତାନ୍କ, ଇନ୍କୁଆଃ ବୁଗିନାଃ ରିକା ଲାଗାତିଙ୍ଗ୍ୟାଁଃ ।
11 Ye see how large a letter I have written to you with my own hand.
୧୧ନେଲେପେ, ଆଇଙ୍ଗ୍ ଚିମିନ୍ ମାରାଙ୍ଗ୍ ମାରାଙ୍ଗ୍ ଅନଲ୍ରେ ଆପେତାଃତେଇଙ୍ଗ୍ ଅଲାକାଦା ।
12 As many as desire to make a fair show in the flesh, they constrain you to be circumcised; only lest they should suffer persecution for the cross of Christ.
୧୨ଅକନ୍କ ହଡ଼୍ମରେୟାଃ ବାହାରି ବିଷାଏରେ ଉଦୁବେନ୍ ତାନାକ ଆଡଃ ଆପ୍ନାଃ ମାନାରାଙ୍ଗ୍ ରିକାତାନାକ, ଇନ୍କୁଗି ଆପେକେ ଖାତ୍ନାଅଃପେ ମେନ୍ତେକ ଆଚୁପେତାନା । ଇନ୍କୁ ଖ୍ରୀଷ୍ଟ୍ଆଃ କ୍ରୁଶ୍ ନାଗେନ୍ତେ ସାସାତି କା ନାମେ ଉଦ୍ଦେଶ୍ରେ ଏନ୍ ଲେକା ରିକାତାନାକ ।
13 For neither they themselves who are circumcised keep the law; but desire to have you circumcised, that they may glory in your flesh.
୧୩ଅକନ୍କ ଖାତ୍ନାଅ ରିତିରିୱାଜ୍କେ ମାନାତିଙ୍ଗ୍ତାନାକ, ଇନ୍କୁଗି ମୁଶାରାଃ ଆନ୍ଚୁକେ କାକ ମାନାତିଙ୍ଗ୍ତାନା । ଆପେ ଖାତ୍ନାଅଃପେ ମେନ୍ତେ ଇନ୍କୁ ସାନାଙ୍ଗ୍ତାନାକ । ମେନ୍ଦ ନେ ହଡ଼୍ମରାଃ ରିତିରିୱାଜ୍କେ ମାନାତିଙ୍ଗ୍ ନାଗେନ୍ତେ ଆପେକେ ଆଚୁ ଦାଡ଼ିପେରେଦ, ଇନ୍କୁ ଆପାନ୍କେ ମାରାଙ୍ଗ୍ ମେନ୍ତେକ କାଜିନ୍କା ।
14 But may it never be that I should glory, except in the cross of our Lord Jesus Christ, by whom the world is crucified to me, and I to the world.
୧୪ମେନ୍ଦ ଆଇଙ୍ଗ୍ ଏସ୍କାର୍ ଆବୁଆଃ ପ୍ରାଭୁ ୟୀଶୁ ଖ୍ରୀଷ୍ଟ୍ଆଃ କ୍ରୁଶ୍ ବିଷାଏରେ ଆପାନ୍କେ ମାରାଙ୍ଗ୍ ମେନ୍ତେଇଙ୍ଗ୍ କାଜିନ୍ତାନା; ଚିୟାଃଚି ଇନିୟାଃ କ୍ରୁଶ୍ ହରାତେ ଅତେଦିଶୁମ୍ ଆଇଁୟାଃ ନାଗେନ୍ତେ ଗଜାକାନା ଆଡଃ ଆଇଙ୍ଗ୍ ଅତେଦିଶୁମ୍ ନାଗେନ୍ତେଇଙ୍ଗ୍ ଗଜାକାନା ।
15 For in Christ Jesus neither circumcision availeth any thing, nor uncircumcision, but a new creation.
୧୫ଅକଏ ଖାତ୍ନାଅକାନ୍ ଚାଏ କା ଖାତ୍ନାଅକାନ୍, ଏନାରେ ଜେତାନ୍ କାଜି ବାନଃଆ, ମେନ୍ଦ ପାର୍ମେଶ୍ୱାର୍ ହରାତେ ନାୱା ବାଇରୁହାଡ଼ଃତେୟାଃ ଏସ୍କାର୍ ବିଶେଷ୍ କାଜିତାନାଃ ।
16 And as many as walk according to this rule, peace be on them, and mercy, and upon the Israel of God.
୧୬ଅକନ୍କ ଆପ୍ନାଃ ଜୀୱାନ୍ରେ ନେ ରିତିରିୱାଜ୍କେ ମାନାତିଙ୍ଗ୍ତାନାକ, ଇନ୍କୁଆଃ ଚେତାନ୍ରେ ଆଡଃ ଇସ୍ରାଏଲ୍ ହଡ଼କଆଃ ଚେତାନ୍ରେ ପାର୍ମେଶ୍ୱାର୍ଆଃ ଜୀଉସୁକୁ ଆଡଃ ସାୟାଦ୍ ହବାଅଃକା ।
17 From henceforth let no man trouble me: for I bear in my body the marks of the Lord Jesus.
୧୭ଟୁଣ୍ଡୁରେ, ଆଇଙ୍ଗ୍ ନିମିନାଙ୍ଗି କାଜି ସାନାଙ୍ଗ୍ତାନାଇଙ୍ଗ୍, ଜେତାଏ ଆଇଙ୍ଗ୍କେ ଆଲକାଏ ସିଗିଦିଙ୍ଗ୍କା । ଚିୟାଃଚି ଆଇଁୟାଃ ହଡ଼୍ମରେ ଅକନ୍ ସାସାତିରାଃ ଘାଅକ ମେନାଃ, ଏନାତେ ସାରିୟଃତାନା ଯେ, ଆଇଙ୍ଗ୍ ୟୀଶୁଆଃ କିରିଙ୍ଗ୍ୟାଁକାନ୍ ଦାସି ତାନିଙ୍ଗ୍ ।
18 Brethren, the grace of our Lord Jesus Christ be with your spirit. Amen. To the Galatians written from Rome.
୧୮ହେ ହାଗା ମିଶିକ, ଆବୁଆଃ ପ୍ରାଭୁ ୟୀଶୁ ଖ୍ରୀଷ୍ଟ୍ଆଃ ସାୟାଦ୍ ଆପେ ସବେନ୍କଲଃ ଆତ୍ମାରେ ତାଇନ୍କା । ଆମେନ୍ ।
