Psalms 63

1 A psalm of David, when he was in the wilderness of Judah. God, you are my God! I earnestly search for you, my soul thirsts for you, and my flesh longs for you, in a dry and weary land where there is no water.

Ang salmo ni David, sa dihang atua siya sa kamingawan sa Juda. Dios, ikaw ang akong Dios! Gipangita ko ikaw pag-ayo, giuhaw ang akong kalag kanimo, ug ang akong unod nangandoy kanimo, diha sa usa ka uga ug malang yuta diin wala gayoy tubig.

2 So I have looked on you in the sanctuary, to see your power and your glory.

Busa nangita ako kanimo diha sa imong balaang katawhan aron makita ang imong gahom ug ang imong himaya.

3 Because your covenant faithfulness is better than life, my lips will praise you.

Tungod kay ang imong pagkamatinud-anon sa kasabotan mas maayo pa kaysa kinabuhi, magadayeg ang akong mga ngabil kanimo.

4 So I will bless you while I live; I will lift up my hands in your name.

Busa dayegon ko ikaw samtang ako buhi pa; ibayaw ko ang akong mga kamot diha sa imong ngalan.

5 It will be as if I ate a meal of marrow and fatness; with joyful lips my mouth will praise you,

Sama kini ingon nga nagkaon ako sa unod nga anaa sa bukog ug sa tambok; pinaagi sa malipayong ngabil dayegon ko ikaw sa akong baba,

6 when I think about you on my bed and meditate on you in the night hours.

sa dihang maghunahuna ako kanimo sa akong higdaanan ug mamalandong ako kanimo sa takna sa kagabhion.

7 For you have been my help, and in the shadow of your wings I rejoice.

Kay ikaw nagatabang kanako ug nagmaya ako sa landong sa imong mga pako.

8 I cling to you; your right hand supports me.

Migunit ako kanimo; ang imong tuong kamot nag-agak kanako.

9 But those who seek to destroy my life will go down into the lowest parts of the earth;

Apan kadtong naninguha sa paglaglag sa akong kinabuhi mahiadto sa kinahiladmang bahin sa yuta;

10 they will be given over to those whose hands use the sword, and they will become food for the jackals.

itugyan (sila) ngadto sa mga kamot nga migamit ug espada, ug mahimo silang pagkaon sa mga lobo.

11 But the king will rejoice in God; everyone who swears by him will be proud of him, but the mouth of those who speak lies will be stopped up.

Apan magmaya ang hari diha sa Dios; tanan nga nanumpa kaniya mapasigarbohon kaniya, apan ang baba niadtong nagapamakak pahilumon.