Psalms 24

1 A psalm of David. The earth is Yahweh's, and its fullness, the world, and all who live in it.

Ang salmo ni David. Ang kalibotan iya ni Yahweh, ug ang tanan niini, ang kalibotan, ug ang tanang nagpuyo niini.

2 For he has founded it upon the seas and established it on the rivers.

Kay gitukod niya kini ibabaw sa kadagatan ug gipalig-on kini ibabaw sa kasapaan.

3 Who will ascend the mountain of Yahweh? Who will stand in his holy place?

Kinsa ba ang motungas sa bukid ni Yahweh? Kinsa ba ang mobarog sa iyang balaang dapit?

4 He who has clean hands and a pure heart; who has not lifted up a falsehood, and has not sworn an oath in order to deceive.

Siya nga adunay hinlo nga mga kamot ug putli nga kasingkasing; nga wala nagpasaka ug kabakakan, ug wala manumpa aron sa pagpanlimbong.

5 He will receive a blessing from Yahweh and righteousness from the God of his salvation.

Makadawat siya sa panalangin nga gikan kang Yahweh ug ang pagkamatarong gikan sa Dios sa iyang kaluwasan.

6 Such is the generation of those who seek him, those who seek the face of the God of Jacob. (Selah)

Ingon niini ang kaliwatan niadtong nangita kaniya, kadtong nagapangita sa panagway sa Dios ni Jacob. (Sela)

7 Lift up your heads, you gates; be lifted up, everlasting doors, so that the King of glory may come in!

Ablihi ang mga ganghaan; ablihi ang walay kataposang mga pultahan, aron ang Hari sa himaya makasulod!

8 Who is this King of glory? Yahweh, strong and mighty; Yahweh, mighty in battle.

Kinsa ba kining Hari sa himaya? Si Yahweh ang kusgan ug makagagahom; si Yahweh ang makagagahom sa panggubatan.

9 Lift up your heads, you gates; be lifted up, everlasting doors, so that the King of glory may come in!

Ablihi ang mga ganghaan; ablihi ang walay kataposang mga pultahan, aron makasulod ang Hari sa himaya!

10 Who is this King of glory? Yahweh of hosts, he is the King of glory. (Selah)

Kinsa ba kining Hari sa himaya? Si Yahweh sa panon, siya ang Hari sa himaya. (Sela)