Psalms 147
1 Praise Yahweh, for it is good to sing praises to our God, it is pleasant, and praise is suitable.
Bokumisa Yawe! Tala ndenge ezali malamu kosanzola Nzambe na biso, mpe ndenge ezali kitoko kokumisa Ye!
2 Yahweh rebuilds Jerusalem, he gathers together the scattered people of Israel.
Yawe azali kotonga lisusu Yelusalemi epai wapi akosangisa bato ya Isalaele oyo bakenda na bowumbu.
3 He heals the brokenhearted and binds up their wounds.
Abikisaka bato oyo batutami na mitema mpe akawusaka bapota na bango.
4 He counts the stars, he gives names to all of them.
Ayebi motango ya minzoto mpe abengaka moko na moko na kombo na yango.
5 Great is our Lord and awesome in power, his understanding cannot be measured.
Nkolo na biso azali monene mpe atonda na nguya; mayele na Ye ezali na mondelo te.
6 Yahweh lifts up the oppressed, he brings the wicked down to the ground.
Yawe asungaka babola, kasi akitisaka bato mabe kino na mabele.
7 Sing to Yahweh with thanksgiving, sing praises to our God with a harp.
Boyembela Yawe nzembo ya matondi! Bobetela Nzambe na biso lindanda mpo na kosanzola Ye!
8 He covers the heavens with clouds and prepares rain for the earth, making the grass to grow on the mountains.
Azipaka likolo na mapata, abongisaka mvula mpo na mokili mpe abotisaka matiti na bangomba.
9 He gives food to the animals and to the young ravens when they cry.
Apesaka bilei epai ya bibwele mpe epai ya bana ya yanganga oyo ezali koganga mpo na nzala.
10 He finds no delight in the strength of a horse, he takes no pleasure in the strong legs of a man.
Asepelaka na makasi ya mpunda te mpe alingaka te nguya ya moto;
11 Yahweh takes pleasure in those who honor him, who hope in his covenant faithfulness.
kasi Yawe asepelaka na bato oyo batosaka Ye, ba-oyo batielaka bolingo na Ye motema.
12 Praise Yahweh, Jerusalem, praise your God, Zion.
Yelusalemi, pesa nkembo na Yawe! Siona, kumisa Nzambe na yo!
13 For he strengthens the bars of your gates, he blesses your children among you.
Alendisaka bikangelo ya bikuke na yo mpe apambolaka bana na yo epai na yo.
14 He brings prosperity inside your borders, he satisfies you with the finest of wheat.
Atiaka kimia na etuka na yo mpe atondisaka yo na farine.
15 He sends out his commandment to earth, his command runs very swiftly.
Atindaka mitindo na Ye na mokili, mpe maloba na Ye epanzanaka mbala moko!
16 He makes the snow like wool, he scatters the frost like ashes.
Anokisaka mvula ya pembe lokola bapwale ya meme mpe apanzaka mvula ya mabanga lokola putulu;
17 He dispenses the hail like crumbs, who can withstand the cold he sends?
akweyisaka mabanga ya mvula yango lokola mabanga ya mike-mike; nani akoki kotelema na malili na yango?
18 He sends out his command and melts them, he makes the wind to blow and the water to flow.
Soki kaka atindi liloba, malili ekomaka kosila moke-moke; mpe soki atindi mopepe, mayi ekomaka kotiola.
19 He proclaimed his word to Jacob, his statutes and his righteous decrees to Israel.
Asakolaki liloba na Ye epai ya Jakobi, mibeko mpe malako na Ye epai ya Isalaele.
20 He has not done so with any other nation, and as for his decrees, they do not know them. Praise Yahweh.
Asalaki bongo na ekolo ata moko te; boye eyebaka mpe mibeko na Ye te. Bokumisa Yawe!
