Psalms 114

1 When Israel left Egypt, the house of Jacob from a people who spoke a foreign language,

Idi pimmanaw ti Israel idiay Egipto, ti sangkabalayan ni Jacob manipud kadagita a gangannaet a tattao,

2 Judah became his holy place, Israel his kingdom.

nagbalin ti Juda a nasantoan a lugarna, ti Israel a pagarianna.

3 The sea looked and fled; the Jordan turned back.

Kimmita ti baybay ket nagtaray; nagsubli ti Jordan.

4 The mountains skipped like rams, the hills skipped like lambs.

Limmagto a kasla kalakian a kalding dagiti bantay, limmagto a kasla karnero dagiti turturod.

5 Why did you flee, sea? Jordan, why did you turn back?

Baybay, apay a timmarayka? Jordan, apay a nagsublika?

6 Mountains, why did you skip like rams? You little hills, why did you skip like lambs?

Dakayo a banbantay, apay a limmagtokayo a kasla kadagiti kalakian a kalding? Dakayo a babassit a turturod, apay a limmagtokayo a kasla kadagiti karnero?

7 Tremble, earth, before the Lord, at the presence of the God of Jacob.

Agpigergerka lubong, iti sangaonan ti Apo, iti imatang ti Dios ni Jacob.

8 He turned the rock into a pool of water, the hard rock into a spring of water.

Pinagbalinna ti bato a dan-aw ti danum ken ti natangken a bato nga ubbog ti danum.