Proverbs 28
1 The wicked people run away when no one chases them, but righteous people are as bold as a young lion.
Munthu woyipa amathawa ngakhale palibe wina womuthamangitsa, koma wolungama ndi wolimba mtima ngati mkango.
2 Because of the transgression of a land, it has many rulers, but with a man of understanding and knowledge, it will last a long time.
Pamene mʼdziko muli kuwukirana, dzikolo limakhala ndi olamulira ambiri, koma anthu omvetsa ndi odziwa zinthu bwino ndiwo angakhazikitse bata mʼdzikolo nthawi yayitali.
3 A poor person who oppresses other poor people is like a beating rain that leaves no food.
Munthu wosauka amene amapondereza osauka anzake ali ngati mvula yamkuntho imene imawononga mbewu mʼmunda.
4 Those who forsake the law praise wicked people, but those who keep the law fight against them.
Amene amakana malamulo amatamanda anthu oyipa, koma amene amasunga malamulo amatsutsana nawo.
5 Evil men do not understand justice, but those who seek Yahweh understand everything.
Anthu oyipa samvetsa za chiweruzo cholungama, koma amene amafuna kuchita zimene Yehova afuna amachimvetsetsa bwino.
6 It is better for a poor person who walks in his integrity, than for a rich person who is crooked in his ways.
Munthu wosauka wa makhalidwe abwino aposa munthu wolemera wa makhalidwe okhotakhota.
7 He who keeps the law is a son who has understanding, but one who is a companion of gluttons shames his father.
Amene amasunga malamulo ndi mwana wozindikira zinthu, koma amene amayenda ndi anthu adyera amachititsa manyazi abambo ake.
8 The one who makes his fortune by charging too much interest gathers his wealth for another who will have pity on poor people.
Amene amachulukitsa chuma chake polandira chiwongoladzanja chochuluka amakundikira chumacho anthu ena, amene adzachitira chifundo anthu osauka.
9 If one turns away his ear from hearing the law, even his prayer is detestable.
Wokana kumvera malamulo ngakhale pemphero lake lomwe limamunyansa Yehova.
10 Whoever misleads the upright into an evil way will fall into his own pit, but the blameless will have a good inheritance.
Amene amatsogolera anthu olungama kuti ayende mʼnjira yoyipa adzagwera mu msampha wake womwe, koma anthu opanda cholakwa adzalandira cholowa chabwino.
11 The rich person may be wise in his own eyes, but a poor person who has understanding will find him out.
Munthu wolemera amadziyesa kuti ndi wanzeru, koma munthu wosauka amene ali ndi nzeru zodziwa zinthu amamutulukira.
12 When the righteous triumph, there is great glory; but when the wicked arise, people are sought out.
Pamene olungama apambana pamakhala chikondwerero chachikulu; koma pamene anthu oyipa apatsidwa ulamuliro, anthu amabisala.
13 The one who hides his sins will not prosper, but the one who confesses them and forsakes them will be shown mercy.
Wobisa machimo ake sadzaona mwayi, koma aliyense amene awulula ndi kuleka machimowo, adzalandira chifundo.
14 The one who always lives with reverence is blessed, but whoever hardens his heart will fall into trouble.
Ndi wodala munthu amene amaopa Yehova nthawi zonse, koma amene aumitsa mtima wake adzagwa mʼmavuto.
15 Like a roaring lion or a charging bear is a wicked ruler over poor people.
Ngati mkango wobuma kapena chimbalangondo cholusa ndi mmenenso amakhalira munthu woyipa akamalamulira anthu osauka.
16 The ruler who lacks understanding is a cruel oppressor, but the one who hates dishonesty will prolong his days.
Wolamulira amene samvetsa zinthu ndiye amakhala wankhanza koma amene amadana ndi phindu lopeza mwachinyengo adzakhala ndi moyo wautali.
17 If a man is guilty because he has shed someone's blood, he will be a fugitive until death and no one will help him.
Munthu amene wapalamula mlandu wopha munthu adzakhala wothawathawa mpaka imfa yake; wina aliyense asamuthandize.
18 Whoever walks with integrity will be kept safe, but the one whose way is crooked will suddenly fall.
Amene amayenda mokhulupirika adzapulumutsidwa koma amene njira zake ndi zokhotakhota adzagwa mʼdzenje.
19 The one who works his land will have plenty of food, but whoever follows worthless pursuits will have plenty of poverty.
Amene amalima mʼmunda mwake adzakhala ndi chakudya chochuluka, koma amene amangosewera adzakhala mʼmphawi.
20 A faithful man will have great blessings, but the one who gets rich quickly will not go unpunished.
Munthu wokhulupirika adzadalitsika kwambiri, koma wofuna kulemera mofulumira adzalangidwa.
21 It is not good to show partiality, but for a piece of bread a man will do wrong.
Kukondera si kwabwino, ena amachita zolakwazo chifukwa cha kachidutswa ka buledi.
22 A stingy man hurries after riches, but he does not know that poverty will come upon him.
Munthu wowumira amafunitsitsa kulemera koma sazindikira kuti umphawi udzamugwera.
23 Whoever disciplines someone, afterward will find more favor from him than from the one who flatters him with his tongue.
Amene amadzudzula mnzake potsiriza pake mnzakeyo adzamukonda kwambiri, kupambana amene amanena mawu oshashalika.
24 Whoever robs his father and his mother and says, “That is no sin,” he is the companion of the one who destroys.
Amene amabera abambo ake kapena amayi ake namanena kuti “kumeneko sikulakwa,” ndi mnzake wa munthu amene amasakaza.
25 A greedy man stirs up conflict, but the one who trusts in Yahweh will prosper.
Munthu wadyera amayambitsa mikangano, koma amene amadalira Yehova adzalemera.
26 One who trusts in his own heart is a fool, but whoever walks in wisdom will keep away from danger.
Amene amadzidalira yekha ndi chitsiru, koma amene amatsata nzeru za ena adzapulumuka.
27 The one who gives to the poor will lack nothing, but whoever closes his eyes to them will receive many curses.
Amene amapereka kwa osauka sadzasowa kanthu, koma amene amatsinzina maso ake adzatembereredwa kwambiri.
28 When the wicked arise, people hide themselves; but when they perish, the righteous increase.
Pamene anthu oyipa apatsidwa ulamuliro anthu amabisala, koma anthu oyipa akawonongeka olungama amapeza bwino.
