Psalms 111

1 Praise ye the LORD. I will give thanks unto the LORD with my whole heart, in the council of the upright, and in the congregation.

FANMANALABA jamyo as Jeova. Guajo junae si Jeova grasias contodo y corasonjo, gui jalom y pinagat manunas, yan y jalom y inetnon taotao.

2 The works of the LORD are great, sought out of all them that have pleasure therein.

Y checho Jeova mansendangculo, ya maaliligao ni ayo sija todo y ninafanmamagof nu estesija.

3 His work is honour and majesty: and his righteousness endureth for ever.

Y chechoña y onra yan minagas: yan y tininasña gagaegue para taejinecog.

4 He hath made his wonderful works to be remembered: the LORD is gracious and full of compassion.

Jafatinas y mannamanman na chechoña para umajajaso: si Jeova cariñoso yan bula ni y minaase.

5 He hath given meat unto them that fear him: he will ever be mindful of his covenant.

Güiya guinin munae nengcano ayo sija y manmaañao nu güiya: ya güiya siempre jajasoja tratuña.

6 He hath shewed his people the power of his works, in giving them the heritage of the nations.

Jagasja jafanue y taotaoña ni y ninasiñan y chechoña, anae janae sija ni y erensian y nasion sija.

7 The works of his hands are truth and judgment; all his precepts are sure.

Y checho sija y canaeña y minagajet yan juisio; ya todo y sinanganña sija manseguro.

8 They are established for ever and ever, they are done in truth and uprightness.

Manfitme sija para taejinecog yan taejinecog, yan mamafatinas gui minagajet yan y tininas.

9 He hath sent redemption unto his people; he hath commanded his covenant for ever: holy and reverend is his name.

Janamannae y linibre para y taotaoña; ya jatago y tratuña para taejinecog: sinantos yan inenra y naanña.

10 The fear of the LORD is the beginning of wisdom; a good understanding have all they that do thereafter: his praise endureth for ever.

Y minaañao as Jeova y tutujon y minalate y mauleg na tiningo mangaegue güije todo gui fumatitinas y tinagoña: y alabansaña gagaegue para taejinecog.