Psalms 87

1 [A Psalm by the sons of Korah; a Song.] His foundation is in the holy mountains.

He himene, he waiata ma nga tama a Koraha. Kei nga maunga tapu tona turanga:

2 YHWH loves the gates of Zion more than all the dwellings of Jacob.

E arohaina rawatia ana e Ihowa nga kuwaha o Hiona i nga nohoanga katoa o Hakopa.

3 Glorious things are spoken about you, city of God. (Selah)

He mea kororia nga mea e korerotia ana mou, e te pa o te Atua. (Hera)

4 I will record Rahab and Babylon among those who acknowledge me. Look, Philistia, Tyre, and also Ethiopia: "This one was born there."

Ka korerotia e ahau a Rahapa raua ko Papurona ki roto i te hunga e matau ana ki ahau: tirohia atu a Pirihitia, a Taira, a Etiopia; i whanau tenei ki reira.

5 Yes, of Zion it will be said, "This one and that one was born in her;" the Most High himself will establish her.

Ae ra ko te kupu tenei mo Hiona, I whanau tenei me tera ki reira: ma te Runga Rawa pu ano ia e whakapumau.

6 YHWH will count, when he writes up the peoples, "This one was born there." (Selah)

Ka korerotia e Ihowa, ina tuhituhia nga iwi, I whanau tenei ki reira. (Hera)

7 And those who sing as well as the pipers: "My whole source of joy is in you."

Na ka mea te hunga waiata, me te hunga kanikani, Kei a koe oku puna katoa.