Lamentations 3
1 I am the man that has seen affliction by the rod of his wrath.
Abụ m onye hụrụla ahụhụ site na mkpara igwe nke nrubiga oke nke iwe Onyenwe anyị.
2 He has led me and caused me to walk in darkness, and not in light.
O sitela nʼihu ya chụpụ m, mee ka m jegharịa nʼọchịchịrị kama nʼìhè.
3 Surely against me he turns his hand again and again all the day.
Nʼezie, ọ tụgharịala aka ya megide m, mgbe mgbe, ogologo ụbọchị niile.
4 My flesh and my skin he has made old; he has broken my bones.
O meela ka akpụkpọ ahụ na anụ ahụ m fịkpọọ, ọ nyajisiela ọkpụkpụ di m nʼahụ.
5 He has built against me, and surrounded me with bitterness and hardship.
O busola m agha, jiri ihe ilu na oke mkpagbu gbaa m gburugburu.
6 He has made me to dwell in dark places, like those that have been long dead.
O meela ka m biri nʼọchịchịrị dịka ndị nwụrụ anwụ kemgbe oge gara aga.
7 He has walled me in, so I can't escape; he has made my chains heavy.
Ọ gbachibidola m ogige, ime ka m ghara ịgbapụ; o jirila ụdọ igwe dị arọ mee ka m ghara ijegharị.
8 Yes, when I cry, and call for help, he shuts out my prayer.
Ọ na-eme ka ekpere m hapụ irute ya, ọ bụladị mgbe m kpọkuru ya ka o nyere m aka.
9 He has walled up my ways with cut stone; he has made my paths crooked.
O jirila nkume a wara awa gbachie ụzọ m niile, o meela ka okporoụzọ m gbagọọ agbagọ.
10 He is to me as a bear lying in wait, as a lion in hiding.
Dịka anụ ọhịa bịa nke makpu na-eche nche, na dịka ọdụm nke na-ezo onwe ya,
11 He has obstructed my path, and torn me in pieces; he has made me desolate.
o sitela nʼokporoụzọ dọkpụrụ m dọbisie m ahụ, hapụ m na-enweghị onye inyeaka.
12 He has bent his bow, and set me as a mark for the arrow.
Ọ dọọla ụta ya mee m ka m bụrụ onye àkụ ya ga-agbata.
13 He has caused the arrows of his quiver to pierce my inward parts.
O ji àkụ nke si nʼakpa àkụ ya gbapuo m obi.
14 I have become a laughingstock to all peoples, and their song all the day.
Aghọrọ m ihe ọchị nye ndị m niile; ha ji abụ na-akwa m emo ogologo ụbọchị niile.
15 He has filled me with bitterness, he has given me in full measure wormwood.
O meela ka ihe niile na-elu ilu ju m afọ, meekwa ka m ṅụjuo oluilu afọ.
16 He has also broken my teeth with gravel; he has pressed me down in the dust.
O meela ka m jiri okwute tajisie eze m, o kponyekwala m ntụ nʼọnụ m.
17 You have removed my soul far away from peace; I have forgotten what prosperity is.
Enweghị m udo, echezọkwaala m ihe ọganihu bụ.
18 And I said, "My strength and my hope has perished from YHWH."
Nʼihi ya, ana m ekwu, “Ịma mma m ọbụla adịghịkwa. Agaghị m enwetakwa ihe ndị ahụ m lere anya na m ga-esi nʼaka Onyenwe anyị nweta.”
19 Remember my affliction and my misery, the wormwood and the gall.
Ana m echeta ahụhụ m, na mwagharị m, ya na ihe ilu na oluilu.
20 My soul considers them, and is depressed.
Mgbe m na-echeta ya, obi m na-ada mba nʼime m.
21 But this I call to my mind; therefore I have hope:
Ma ọ dị ihe m na-echeta nʼobi m nke na-eme ka m nwee olileanya.
22 YHWH's faithful love does not cease; his compassion does not fail.
Ọ bụ nʼihi ịhụnanya dị ukwuu nke Onyenwe anyị na-emeghị ka anyị gwụsịa, nʼihi na obi ebere ya adịghị agwụ agwụ.
23 They are new every morning; great is your faithfulness.
Ha na-adị ọhụrụ ụtụtụ niile; ikwesi ntụkwasị obi gị bụ ihe kwudosiri ike.
24 "YHWH is my portion," says my soul, "therefore I will hope in him."
Mkpụrụobi m na-ekwu, “Onyenwe anyị bụ oke m, nʼihi ya, aga m enwe nchekwube na ya.”
25 YHWH is good to those who wait for him, to the soul that seeks him.
Onyenwe anyị dị mma nʼebe ndị olileanya ha dị nʼime ya, e, nʼebe obi ahụ dị, nke na-achọsi ya ike.
26 It is good that a man should hope and quietly wait for the salvation of YHWH.
Ọ bụ ihe dị mma iji nwayọọ chere nzọpụta nke Onyenwe anyị.
27 It is good for a man that he bear the yoke while he is young.
Ọ bụ ihe dị mma ka mmadụ buru ibu arọ dịrị ya mgbe ọ bụ okorobịa.
28 Let him sit alone and keep silence when he is disciplining him.
Ya nọrọkwa duu naanị ya, nʼihi na ọ bụ Onyenwe anyị bokwasịrị ya ibu ahụ.
29 Let him put his mouth to the dust, there may yet be hope.
Ya tinye ihu ya nʼaja, nʼihi na olileanya nwere ike dịrị.
30 Let him give his cheek to him who strikes him; let him be filled with insults.
Ya cheziere onye ahụ chọrọ iti ya ihe ntị ya, ya kwerekwa ka ihe ihere ju ya afọ.
31 For YHWH will not reject forever.
Nʼihi na Onyenwe anyị adịghị ajụ onye ọbụla ruo mgbe ebighị ebi.
32 For though he may cause grief, yet he will have compassion according to the abundance of his loving kindness.
Ọ bụ ezie na ọ na-eme ka mmekpa ahụ bịa, ma ọ na-emesịakwa gosi obi ebere ya, nʼihi na ịhụnanya ya, nke na-adịghị agwụ agwụ, dị ukwuu.
33 For he is not predisposed to bring affliction or suffering to human beings.
Nʼihi na ọ naghị elezi anya eweta ahụhụ, maọbụ mee ka ụmụ mmadụ nọọ na mmekpa ahụ.
34 To crush under foot all the prisoners of the earth;
Iji ụkwụ zọgbuo ndị mkpọrọ nọ nʼala ahụ
35 to deprive a man of justice before the face of the Most High,
ime ka ihe ruru mmadụ hapụ iru ya aka nʼihu Onye kachasị ihe niile elu,
36 to subvert a man in his cause, YHWH does not approve.
ime ka ikpe ziri ezi ghara irute mmadụ. Ọ bụ na Onyenwe anyị agaghị ahụ ihe ndị a?
37 Who can speak a thing and have it come to pass, unless YHWH has commanded it?
Onye pụrụ ikwu okwu mekwa ka ọ dị ire ma ọ bụrụ na Onyenwe anyị enyeghị iwu ka ọ dị otu ahụ?
38 Doesn't both calamity and good come out of the mouth of the Most High?
Ọ bụghị site nʼọnụ Onye kachasị ihe niile elu ka ihe ọma na ihe ọjọọ si abịa?
39 Why does a living man complain, a man for the punishment of his sins?
Gịnị mere mmadụ dị ndụ ga-eji tamuo ntamu mgbe ọ na-ahụ ahụhụ nʼihi mmehie ya?
40 Let us examine and search our ways, and return to YHWH.
Ka anyị nyochaanụ ụzọ anyị nwapụta ya. Ka anyị lọghachikwutenụ Onyenwe anyị.
41 Let us lift up our heart with our hands to God in the heavens.
Ka anyị welie aka anyị abụọ na obi anyị elu nye Chineke nọ nʼeluigwe, sị:
42 We have transgressed and have rebelled, and you have not forgiven.
“Anyị emehiela, nupu isi, ma ị gbagharabeghị.
43 You have covered yourself with anger and pursued us; you killed without sparing.
“I jirila iwe kpuchie onwe gị, si otu a chụọ anyị ọsọ. I gbuola anyị, jụ imere anyị ebere.
44 You have covered yourself with a cloud, so that no prayer can pass through.
I jiri igwe ojii kpuchie onwe gị ka ekpere anyị ghara irute gị.
45 You have made us rubbish and refuse in the midst of the peoples.
I meela ka anyị ghọọ unyi na ihe a zachapụrụ azachapụ nʼetiti mba niile.
46 All our enemies have opened their mouth wide against us.
“Ndị iro anyị niile asaghepụla ọnụ ha megide anyị.
47 Fear and the pit have come on us, devastation and destruction.
Anyị ahụọla ahụhụ site nʼoke ihe egwu na ihe ndaba dị iche iche, na mbibi na ịla nʼiyi.”
48 Streams of tears run down from my eyes because of the destruction of the daughter of my people.
Anya mmiri nke dịka iyi na-asọ asọ si nʼanya m na-asọpụta nʼihi ndị m a lara nʼiyi.
49 My tears flow and do not cease, without respite,
Anya mmiri si m nʼanya ga-anọgide na-asọpụta na-akwụsịghị akwụsị,
50 until YHWH looks down and sees from heaven.
tutu ruo mgbe Onyenwe anyị ga-esite nʼeluigwe ledata anya ma hụ.
51 My eyes bring my soul grief, because of all the daughters of my city.
Ihe anya m na-ahụ na-ewetara mkpụrụobi m ihe mgbu, nʼihi ọnọdụ nke ndị inyom niile nọ nʼime obodo m.
52 They have chased me relentlessly like a bird, those who are my enemies without cause.
Ndị ahụ mere onwe ha ndị iro m, ndị m na-emeghị ihe ọjọọ ọbụla, na-achụ m ọsọ dịka m bụ nnụnụ.
53 They have cut off my life in a pit, and have cast a stone on me.
Ha gbalịrị ime ka m nwụọ nʼime olulu site nʼịtụ m nkume.
54 Waters flowed over my head; I said, 'I am finished.'
Mmiri kpuchiri m isi, echere m na-efuola m.
55 I called on your name, YHWH, out of the depths of the pit.
Esitere m na nsọtụ olulu ahụ kpọkuo aha gị, gị Onyenwe anyị.
56 You heard my voice; do not hide your ear at my sighs, to my cry.
Ị nụrụ arịrịọ m rịọrọ gị, “Biko, emechila ntị gị. Nụrụ arịrịọ inyeaka nke m na-arịọ gị.”
57 You drew near in the day that I called on you; you said, "Do not be afraid."
Ị bịara nso mgbe m kpọkuru gị. Ị sịrị, “Atụla egwu.”
58 YHWH, you have taken up the case for my soul; you have redeemed my life.
Gị onwe gị, Onyenwe anyị, kpechitere ọnụ m, gị gbapụtara ndụ m.
59 You have seen, YHWH, the wrong done to me; judge my case.
Onyenwe anyị, ị hụla ihe ọjọọ ha mere m. Kpechitere m ọnụ m.
60 You have seen all their vengeance and all their plots against me.
Ị hụla ịbọ ọbọ ha niile na nzube niile ha na-ezube megide m.
61 You have heard their insults, YHWH, and all their plots against me.
Onyenwe anyị, ị nụla nkọcha niile ha na-akọcha m na nzube niile ha na-ezube megide m.
62 The lips of those that rose up against me, and their plots against me all day long.
Ị na-anụ izu na ntamu nke ndị iro m megide m ogologo ụbọchị niile.
63 Look their sitting down, and their rising up; I am their mocking song.
Lee ha! Ha na-akọcha m mgbe ha guzoro ọtọ, na-akọcha m mgbe ha nọdụrụ ala. Ha ji abụ na-akọcha m.
64 You will render to them what they deserve, YHWH, according to the work of their hands.
Onyenwe anyị, biko, kwụghachi ha ihe ruuru ha, nʼihi ihe niile aka ha rụpụtara.
65 You will give them hardness of heart as your curse to them.
Jiri ihe mkpudo kpuchie obi ha. Meekwa ka ịbụ ọnụ gị dịkwasị ha.
66 You will pursue them in anger, and destroy them from under the heavens of YHWH.
Site nʼiwe gị chụọ ha ọsọ. Laakwa ha nʼiyi nʼiwe gị, ka ha ghara ịdịkwa nʼokpuru eluigwe nke Onyenwe anyị ọzọ.
