Psalms 111

1 Praise the LORD. I will give thanks to the LORD with my whole heart, in the council of the upright, and in the congregation.

Goocai Jehova. Nĩngũkumia Jehova na ngoro yakwa yothe ndĩ thiritũ-inĩ ya arĩa arũngĩrĩru, o na kĩũngano-inĩ.

2 The LORD's works are great, pondered by all those who delight in them.

Ciĩko cia Jehova nĩ cia magegania; nĩicũũranagio nĩ arĩa othe makenagio nĩcio.

3 His work is honor and majesty. His righteousness endures forever.

Ciĩko ciake ciyũrĩte riiri na ũkaru, naguo ũthingu wake ũtũũraga nginya tene.

4 He has caused his wonderful works to be remembered. The LORD is gracious and merciful.

Nĩatũmĩte magegania make maririkanwo; Jehova nĩ mũtugi na nĩ mũigua tha.

5 He has given food to those who fear him. He always remembers his covenant.

Arĩa mamwĩtigagĩra nĩamaheaga irio; egũtũũra aririkanaga kĩrĩkanĩro gĩake nginya tene.

6 He has shown his people the power of his works, in giving them the heritage of the nations.

Nĩonetie andũ ake mawĩra make ma hinya, nĩ ũndũ wa kũmahe mabũrũri ma ndũrĩrĩ iria ingĩ.

7 The works of his hands are truth and justice. All his precepts are sure.

Mawĩra ma moko make nĩ ma kwĩhokeka, na nĩ ma kĩhooto; mataaro make mothe nĩ ma kwĩhokwo.

8 They are established forever and ever. They are done in truth and uprightness.

Nĩ marũmu nginya tene na tene, maheanĩtwo na wĩhokeku na ũrũngĩrĩru.

9 He has sent redemption to his people. He has ordained his covenant forever. His name is holy and awesome.

Nĩakinyĩirie andũ ake ũkũũri; aamũrire kĩrĩkanĩro gĩake kĩrĩ gĩa gũtũũra nginya tene: rĩĩtwa rĩake nĩ itheru na nĩ rĩa gwĩtigĩrwo.

10 The fear of the LORD is the beginning of wisdom. All those who do his work have a good understanding. His praise endures forever.

Kĩambĩrĩria kĩa ũũgĩ nĩ gwĩtigĩra Jehova; arĩa othe marũmagĩrĩra mataaro make nĩmagĩĩaga na ũmenyo mwega. Kũgoocwo nĩ gwake tene na tene.