Psalms 24

1 [A Psalm by David.] The earth is the LORD's, and its fullness; the world, and those who dwell in it.

He himene na Rawiri. No Ihowa te whenua, me ona tini mea, te ao, me nga tangata e noho ana i runga.

2 For he has founded it on the seas, and established it on the floods.

He mea whakatu hoki nana ki runga ki nga moana, he mea whakau ki runga ki nga roma.

3 Who may ascend to the LORD's hill? Who may stand in his holy place?

Ko wai e eke ki te maunga o Ihowa? Ko wai e tu ki tona wahi tapu?

4 He who has clean hands and a pure heart; who has not lifted up his soul to falsehood, and has not sworn deceitfully.

Ko te tangata he ma nei nga ringa, he harakore tona ngakau, kahore nei i ara tona wairua ki te horihori, a kahore i oati teka.

5 He shall receive a blessing from the LORD, righteousness from the God of his salvation.

Ka riro i a ia te manaaki a Ihowa, me te tika a te Atua o tona whakaoranga.

6 This is the generation of those who seek Him, who seek the face of the God of Jacob. (Selah)

Ko te whakatupuranga tenei o te hunga e rapu ana ki a ia, e rapu nei i tou mate, e Hakopa. (Hera)

7 Lift up your heads, you gates. Be lifted up, you everlasting doors, and the King of glory will come in.

Kia ara o koutou matenga, e nga tatau, ara ake, e nga tatau onamata; a ka tomo te Kingi o te kororia.

8 Who is the King of glory? The LORD strong and mighty, The LORD mighty in battle.

Ko wai tenei Kingi kororia? Ko Ihowa, ko te kaha, ko te marohirohi, ko Ihowa, ko te marohirohi ki te whawhai.

9 Lift up your heads, you gates; lift them up, you everlasting doors, and the King of glory will come in.

Kia ara o koutou matenga, e nga tatau, kia ara ake, e nga tatau onamata, a ka tomo te Kingi o te kororia.

10 Who is this King of glory? The LORD of hosts is the King of glory. (Selah)

Ko wai tenei Kingi kororia? Ko Ihowa o nga mano, ko ia te Kingi kororia. (Hera)