Psalms 2
1 Why do the nations rage, and the peoples plot in vain?
Kungani izizwe zixokozela, labantu besakha amacebo ngeze?
2 The kings of the earth take a stand, and the rulers take counsel together, against Jehovah, and against his Anointed:
Amakhosi omhlaba ayahloma ajame lababusi bahlangana ndawonye bemelana loThixo njalo lalowo ogcotshiweyo wakhe besithi;
3 "Let's tear off their shackles, and throw off their ropes from us."
“Kasiwaqamuleni amaketane abo, silahle izibopho zabo.”
4 The one who sits in the heavens laughs. Jehovah scoffs at them.
Yena osesihlalweni ezulwini uyahleka; uThixo uyabahleka.
5 Then he will speak to them in his anger, and terrify them in his wrath:
Abesebakhalimela ngolaka, abathuthumelise ngentukuthelo yakhe, esithi,
6 "But I myself have installed my king on Zion, my holy mountain."
“Sengiyibekile eyami inkosi phezu kweZiyoni, intaba yami engcwele.”
7 I will tell of the decree. Jehovah said to me, "You are my son. Today I have become your father.
Ngizasimemezela isimiso sikaThixo: Wathi kimi, “UyiNdodana yami; lamhla sengibe nguyihlo.
8 Ask of me, and I will give the nations as your inheritance, and the farthest parts of the earth for your possession.
Cela kimi, ngizakwenza izizwe zibe yilifa lakho, imikhawulo yomhlaba kube yinotho yakho.
9 You shall rule them with an iron scepter. You shall dash them in pieces like a potter's vessel."
Uzazibusa ngentonga yobukhosi eyensimbi, uzazibhidliza zicubuzeke njengebumba.”
10 Now therefore, you kings, be wise; receive correction, you judges of the earth.
Ngakho-ke lina makhosi, limukani, liyaxwayiswa lina babusi bomhlaba.
11 Serve Jehovah with fear, and rejoice with trembling.
Mkhonzeni uThixo ngokumesaba, lithokozele umbuso wakhe ngokuthuthumela.
12 Do homage in purity, lest he be angry, and you perish in the way, when his anger is suddenly kindled. Blessed are all those who take refuge in him.
Ikhothameleni iNdodana, funa ithukuthele beselibhujiswa endleleni yenu, ngoba intukuthelo yakhe ingavutha ngesikhatshana. Babusisiwe bonke abaphephela kuye.
