Lamentations 3
1 I am the man that has seen affliction by the rod of his wrath.
Kai teh nama e lungkhueknae dawk reithai rucatnae ka kâhmo e tami lah ka o.
2 He has led me and caused me to walk in darkness, and not in light.
Kai hah na pâlei teh angnae dawk laipalah hmonae dawk na cei sak.
3 Surely against me he turns his hand again and again all the day.
Atangcalah, kai hah hnin touh thung a kut hoiyah na pakhuppathan.
4 My flesh and my skin he has made old; he has broken my bones.
Ka tak hoi ka vuennaw a hmawn sak teh, ka hrunaw hah a khoe.
5 He has built against me, and surrounded me with bitterness and hardship.
Kai koe lah na rakhan teh reithai rucatnae hoi na kalup.
6 He has made me to dwell in dark places, like those that have been long dead.
Ka dout tangcoungnaw patetlah a hmonae thung na o sak.
7 He has walled me in, so I can't escape; he has made my chains heavy.
Na paung teh karipoung e rui hoi kahlout thai hoeh nahanlah na katek.
8 Yes, when I cry, and call for help, he shuts out my prayer.
Hramki hoi ka ka teh, pahrennae ka kâhei nakunghai, ka ratoumnae hah na coe pouh hoeh.
9 He has walled up my ways with cut stone; he has made my paths crooked.
Ka lamthung hai talung a e hoi na khan pouh. Ka lamthung a longkawi sak.
10 He is to me as a bear lying in wait, as a lion in hiding.
Kai na ka pawm e tavom patetlah kâhronae dawk kaawm e sendek patetlah na o sak.
11 He has obstructed my path, and torn me in pieces; he has made me desolate.
Ka lamthung na phen sak teh, kai hah thawkthawk na raboung. Kângue han awm laipalah na o sak.
12 He has bent his bow, and set me as a mark for the arrow.
Ahnie licung a sawn teh, pala hoi ka hanelah a nue e patetlah na ta.
13 He has caused the arrows of his quiver to pierce my inward parts.
Ahnie palacung teh ka kuen thung a kâen sak.
14 I have become a laughingstock to all peoples, and their song all the day.
Kai teh ka taminaw e hmalah hnin touh thung dudamnae hoi la lah na sak awh hanelah ka o toe.
15 He has filled me with bitterness, he has given me in full measure wormwood.
Na min ni kakhat e kung hoi na kawi sak teh, lungkhueknae hoi na phum.
16 He has also broken my teeth with gravel; he has pressed me down in the dust.
Ka hâ teh talung kate e hoi a khoe. Hraba hoi muen a ramuk.
17 You have removed my soul far away from peace; I have forgotten what prosperity is.
Ka lungthin muitha teh roumnae thung hoi na takhoe toung dawkvah, bawinae tie teh ka pahnim toe.
18 And I said, "My strength and my hope has perished from Jehovah."
Ka ngaihawinae hoi ka lentoenae teh, BAWIPA ama koehoi a kahma toe telah ka ti.
19 Remember my affliction and my misery, the wormwood and the gall.
Kaie reithai rucat ka khangnae, lungkhueknae hoi kakhat e naw na pahnim pouh hanh.
20 My soul considers them, and is depressed.
Ka hringnae ni hote hnonaw hah pahnim hoeh niteh, ka thungvah pou ao. Kaie lungthin muitha hah tha ayoun sak.
21 But this I call to my mind; therefore I have hope:
Hettelah ka lungthin bout na pouk sak nah ka ngaihawinae bout ka tawn.
22 Jehovah's faithful love does not cease; his compassion does not fail.
Bangkongtetpawiteh, BAWIPA mae pahren lungmanae hoi ngaithoumnae teh nâtuek hai a poutnae ao hoeh dawkvah, maimouh teh rawk laipalah o awh.
23 They are new every morning; great is your faithfulness.
Amom tangkuem a tha lah pahren lungmanae na pang sak. Nama e yuemkamcunae teh a lenpoung.
24 "Jehovah is my portion," says my soul, "therefore I will hope in him."
BAWIPA teh kai hanelah doeh ao. Hatdawkvah, ka lungthin muitha ni ama teh a ngaihawi.
25 Jehovah is good to those who wait for him, to the soul that seeks him.
BAWIPA teh ama ka tawng e hoi ama kâuepnaw hanelah, ahawinae a sak pouh.
26 It is good that a man should hope and quietly wait for the salvation of Jehovah.
BAWIPA e rungngangnae duem ka ring e teh, kahawi e hno doeh.
27 It is good for a man that he bear the yoke while he is young.
Nawsai nah kahnam phu hanelah ao.
28 Let him sit alone and keep silence when he is disciplining him.
Cathut ni a van kahnam a toung dawkvah, amadueng a tahung vaiteh, duem awm naseh.
29 Let him put his mouth to the dust, there may yet be hope.
Hote hmuen koe ngaihawinae ao thai dawkvah, amae a pahni teh vaiphu dawk hrueng naseh.
30 Let him give his cheek to him who strikes him; let him be filled with insults.
Ka tambei e tami hah hmaibei vang rek patueng pouh, a minhmai mathout naseh.
31 For Jehovah will not reject forever.
Bangkongtetpawiteh, Bawipa ni a yungyoe na pahnawt mahoeh.
32 For though he may cause grief, yet he will have compassion according to the abundance of his loving kindness.
Ama ni lung na mathoe sak nakunghai, a lentoe lungmanae hoi bout na pahren han doeh.
33 For he is not predisposed to bring affliction or suffering to human beings.
Bangkongtetpawiteh, taminaw lungmathoe sak e hoi rucatnae pha sak hanelah ngai hoeh.
34 To crush under foot all the prisoners of the earth;
Talai dawkvah, thongkabawtnaw khok rahim coungroe e hai thoseh,
35 to deprive a man of justice before the face of the Most High,
A lathueng Poung Cathut hmalah tami e lannae pahnawtnae hai thoseh,
36 to subvert a man in his cause, Jehovah does not approve.
Kayanae lahoi ayâ sungsaknae hai thoseh, Bawipa ni a ngai e nahoeh.
37 Who can speak a thing and have it come to pass, unless Jehovah has commanded it?
Bawipa ni kâpoenae awm laipalah, tami ni dei e hah coung thai han namaw.
38 Doesn't both calamity and good come out of the mouth of the Most High?
A lathueng Poung e Cathut e pahni dawk hoi yawhawinae yawthoenae teh ka tho e doeh.
39 Why does a living man complain, a man for the punishment of his sins?
Ama e yon dawk reknae a khang e hah tami ni bangkongmaw a phuenang awh vaw.
40 Let us examine and search our ways, and return to Jehovah.
Maimae lamthungnaw hah maimouh ni tanouknae hoi tawng awh sei. BAWIPA koe lah bout kamlang awh sei.
41 Let us lift up our heart with our hands to God in the heavens.
Kalvan kaawm e Cathut koe maimae lungthin hoi kutnaw dâw awh sei.
42 We have transgressed and have rebelled, and you have not forgiven.
Kaimanaw ni ka payon teh na taran awh toe. Nama ni kayonnae na ngaithoum hoeh.
43 You have covered yourself with anger and pursued us; you killed without sparing.
Nama e lungkhueknae dawk minhmai na kamlang takhai teh, kaimouh koe lungmanae awm laipalah na thei toe.
44 You have covered yourself with a cloud, so that no prayer can pass through.
Kaimae ratoumnae teh nama koe a cei thai hoeh nahanelah, tâmai hoi na ramuk pouh toe.
45 You have made us rubbish and refuse in the midst of the peoples.
Nama ni kaimanaw teh miphunnaw e rahak vah, kakhin e hoi panuettho e eitaboung lah na o sak.
46 All our enemies have opened their mouth wide against us.
Tarannaw ni kaimouh koe lah a pahni a ang awh.
47 Fear and the pit have come on us, devastation and destruction.
Kaimouh koe takinae hoi karap teh a pha toe.
48 Streams of tears run down from my eyes because of the destruction of the daughter of my people.
Kaie tami tanglanaw a rawk dawkvah, ka mit teh palang tui patetlah a lawng.
49 My tears flow and do not cease, without respite,
Ka mitphi teh palang tui ka lawng e patetlah poutnae awm laipalah a lawng.
50 until Jehovah looks down and sees from heaven.
BAWIPA ni kalvan hoi a khetcathuk teh a hmu.
51 My eyes bring my soul grief, because of all the daughters of my city.
Ka khopui thung e canu tanglanaw abuemlae kecu dawk, ka mit ni ka lungthin dawk a pataw sak.
52 They have chased me relentlessly like a bird, those who are my enemies without cause.
Bang hoeh e dawk ka tarannaw ni, tava patetlah na pâyuep awh.
53 They have cut off my life in a pit, and have cast a stone on me.
Ahnimouh ni ka hringo tangkom dawk na pabo teh, talungnaw hoi na ratet sin awh.
54 Waters flowed over my head; I said, 'I am finished.'
Ka lû dawk hoi tui ni muen na licung teh, ka due han toe telah ka pouk.
55 I called on your name, Jehovah, out of the depths of the pit.
Oe BAWIPA, kai ni tangkom thung hoi nama e na min teh ka kaw.
56 You heard my voice; do not hide your ear at my sighs, to my cry.
Kaie ka kâheinae lawk na thai teh ka ka navah, na hnâpakeng laipalah awm hanh.
57 You drew near in the day that I called on you; you said, "Do not be afraid."
Kai ni nama na kawnae hnin nah ka teng na tho teh, taket hanh na ti pouh.
58 Jehovah, you have taken up the case for my soul; you have redeemed my life.
Oe BAWIPA nama ni ka lungthin na rungngang pouh teh, ka hringnae na ratang.
59 You have seen, Jehovah, the wrong done to me; judge my case.
Oe BAWIPA nama ni kapayonnaw na hmu toe. Kai hanlah lawk na ceng pouh haw.
60 You have seen all their vengeance and all their plots against me.
Nama ni kai ka tak dawk thoe ka sak e taminaw e kahawihoehe pouknae hah na hmu pouh.
61 You have heard their insults, Jehovah, and all their plots against me.
Oe BAWIPA kai ka tak dawk thoe ka sak e pathoenae hoi khokhannae pueng teh, nama ni na thai.
62 The lips of those that rose up against me, and their plots against me all day long.
Ka tarannaw ni a dei e hoi a pouk e naw pueng teh, hnin touh thung a sak awh.
63 Look their sitting down, and their rising up; I am their mocking song.
Ahnimae tahungnae kangduenae hah khenhaw! Kai teh ahnimouh e pathoe hanelah ka o.
64 You will render to them what they deserve, Jehovah, according to the work of their hands.
Oe BAWIPA amamae kut hoi a sak e pueng dawk aphu teh bout poe haw.
65 You will give them hardness of heart as your curse to them.
Ahnimae lungthin patak sak nateh, nama e thoebonae ahnimae lathueng phat naseh.
66 You will pursue them in anger, and destroy them from under the heavens of Jehovah.
BAWIPA e kalvan rahim hoi na lungkhueknae hoi ahnimanaw teh be raphoe haw.
