James 1
1 James, a servant of God and of the Lord Jesus Christ, to the twelve tribes which are in the Diaspora: Greetings.
୧ଆଇଙ୍ଗ୍ ଯାକୁବ୍ ପାର୍ମେଶ୍ୱାର୍ଆଃ ଆଡଃ ପ୍ରାଭୁ ୟୀଶୁ ଖ୍ରୀଷ୍ଟ୍ଆଃ ଦାସି ତାନିଙ୍ଗ୍, ଗଟା ଅତେଦିଶୁମ୍ରେ ଛିତିବିତିକାନ୍ ପାର୍ମେଶ୍ୱାର୍ଆଃ ହଡ଼କକେ ଜହାର୍ କାଜିତାନ୍ଲଃ ନେ ଚିଟାଉ ଅଲେତାନାଇଙ୍ଗ୍ ।
2 Count it all joy, my brothers, when you encounter various trials,
୨ହେ ଆଇଁୟାଃ ହାଗା ମିଶିକ, ଜୀଦାନ୍ରେୟାଃ ସେସେନ୍ ହରାରେ ଚିମିନ୍ ରାକାମ୍ରେୟାଃ ବିନିଡ଼ାଅ ହିଜୁଃରେଦ, ଏନାକେ ରାସ୍କାରେୟାଃ ବିଷାଏ ତାନାଃ ମେନ୍ତେ ଆଟ୍କାରେପେ ।
3 knowing that the testing of your faith produces endurance.
୩ଚିୟାଃଚି ଆପେ ସାରିତାନାପେ, ନେ'ଲେକାନ୍ ବିନିଡ଼ାଅ ହିଜୁଃତାନ୍ ଇମ୍ତା ବିଶ୍ୱାସ୍ରେ କେଟେଦ୍ ତାଇନଃରେ, ଆପେୟାଃ ସାହାତିଙ୍ଗ୍ରେୟାଃ ପେଡ଼େଃ ହାରାଇଦିୟଃଆ ।
4 Let endurance have its perfect work, that you may be perfect and complete, lacking in nothing.
୪ଆପେ ଟୁଣ୍ଡୁ ଜାକେଦ୍ ସାହାତିଙ୍ଗ୍କେଦ୍ତେପେ ତାଇନଃରେଦ, ଜେତାନ୍ ବିଷାଏରେ କା ଜାଞ୍ଜିକେଦ୍ତେ ପକ୍ତା ଆଡଃ ପୁରାକେଦ୍ତେପେ ତାଇନାଃ ।
5 But if any of you lacks wisdom, let him ask of God, who gives to all generously and without finding fault; and it will be given to him.
୫ମେନ୍ଦ ଆପେକଏତେ ଜେତାଏ ସେଣାଁଁରେ ଜାଞ୍ଜିକାନ୍ରେଦ, ଇନିଃ ପାର୍ମେଶ୍ୱାର୍ତାଃରେ ବିନ୍ତିକା, ଏନାରେ ପାର୍ମେଶ୍ୱାର୍ ଇନିଃକେ ସେଣାଁଏ ଏମାଇୟା, ଚିୟାଃଚି ପାର୍ମେଶ୍ୱାର୍ଦ ବେଗାର୍ ହିଚ୍କିଚାଅକେଦ୍ତେ ଆଡଃ ଲେବେଃ ମନ୍ତେ ସବେନ୍କକେ ଏମାଃଏ ।
6 But let him ask in faith, without any doubting, for the one who doubts is like a wave of the sea, driven and tossed by the wind.
୬ମେନ୍ଦ ଆପେ ବିନ୍ତି ଇମ୍ତା, ବେଗାର୍ ଆଡ଼ାଃଉଡ଼ୁଃକେଦ୍ତେ ବିଶ୍ୱାସ୍ତାନ୍ଲଃ ବିନ୍ତିପେ । ଆଡ଼ାଃଉଡ଼ୁଃତେ ବିନ୍ତିତାନ୍ନିଃ, ହୟତେ କା ଥାବର୍ଅଃ ଦରେୟାରେୟାଃ ଆଲ୍ପୁଙ୍ଗ୍ ଲେକାଃଏ ।
7 For let that person not think that he will receive anything from the Lord.
୭ଏନ୍ଲେକାନ୍ ହଡ଼ଦ, ପ୍ରାଭୁତାଃଏତେ ଜେତ୍ନାଃ ନାମେୟାଃଏ ମେନ୍ତେ ଆଲକାଏ ଉଡ଼ୁଗେକା,
8 He is a double-minded person, unstable in all his ways.
୮ଚିୟାଃଚି ଇନିଃଦ ବାରିଆ ମନ୍ରେନ୍ ହଡ଼ତାନିଃ, ଏନାତେ ଇନିଃ ଆୟାଃ ଉହାଟ୍କାଦ୍ତେୟାଃ କାଏ ରିକା ଦାଡ଼ିୟା ।
9 But let the brother in humble circumstances glory in his high position;
୯ଗାରିବ୍ ଖ୍ରୀଷ୍ଟ୍ ବିଶ୍ୱାସୀ ହାଗାକକେ ପାର୍ମେଶ୍ୱାର୍ ଇନ୍କୁଆଃ ଜୀଦାନ୍ରେ ହାରାଇଦିକ ଇମ୍ତା ଇନ୍କୁ ରାସ୍କାଅଃକାକ,
10 and the rich, in that he is made humble, because like the flower in the grass, he will pass away.
୧୦ଆଡଃ କିସାଁଣ୍ ଖ୍ରୀଷ୍ଟ୍ ବିଶ୍ୱାସୀକକେ ପାର୍ମେଶ୍ୱାର୍ ଲାତାର୍ରେ ଉୟୁଃକ ଇମ୍ତା ଇନ୍କୁ ରାସ୍କାଅଃକାକ । ଚିଆଃଚି ଇନ୍କୁଆଃ କିସାଁଣଃତେୟାଃ ତାସାଦ୍ ବାହା ଲେକା ନୁର୍କେନଃଆ ।
11 For the sun arises with the scorching wind, and withers the grass, and the flower in it falls, and the beauty of its appearance perishes. So also will the rich person fade away in his pursuits.
୧୧ସିଙ୍ଗି ରାଁପ୍ରେୟାଃ ଲଲ ହୟତେ ତାସାଦ୍ ରହଡ଼୍କଆଃ, ଆଡଃ ଏନାରେୟାଃ ବାହା ନୁର୍କଆଃ ଏନ୍ତେ ଏନାରେୟାଃ ସୁଗାଡ଼ାନ୍ତେୟାଃ ଜିୟନ୍କଆଃ । ଏନ୍ଲେକାଗି, କିସାଁଣ୍ ହଡ଼ହଁ ଆୟାଃ ସବେନ୍ କାଜିକାମିରେୟାଃ ଭିଡ଼୍ରେ ମୁସିଙ୍ଗ୍ ହୁଲାଙ୍ଗ୍ ଜିୟନଃଆଏ ।
12 Blessed is the one who perseveres under trial, for when he has been approved, he will receive the crown of life, which he promised to those who love him.
୧୨ବିନିଡ଼ାଅରେ ସାହାତିଙ୍ଗ୍ତାନ୍ ହଡ଼କ ସୁକୁତାନ୍ଗିୟାକ, ଚିୟାଃଚି ନେ ଲେକାନ୍ ବିନିଡ଼ାଅରେ ଜିତାଅଃରେଦ, ପାର୍ମେଶ୍ୱାର୍ ଅକ ଜୀଦାନ୍ ଏମ୍ ନାଗେନ୍ତେ ଆଇଃକ୍କେ ଦୁଲାଡ଼ିତାନ୍ ହଡ଼କକେ ବାନାର୍ସା ଏମାକାଦ୍କଆଏ, ଇନ୍କୁ ଏନାକେ ମୁକୁଟ୍ ଲେକାକ ନାମେୟାଃ ।
13 Let no one say when he is tempted, "I am tempted by God," for God cannot be tempted by evil, and he himself tempts no one.
୧୩ଜେତା ହଡ଼ ବିଡ଼ାଅରେ ଉୟୁଗଃରେ, “ଆଇଁୟାଃ ନେ ବିଡ଼ାଅ ପାର୍ମେଶ୍ୱାର୍ ସାଃଏତେ ହିଜୁଆକାନା” ମେନ୍ତେ ଆଲକାଏ କାଜିକା, ଚିୟାଃଚି ପାର୍ମେଶ୍ୱାର୍ ଏତ୍କାନାଃତେ କାଏ ବିଡ଼ାଅ ଦାଡ଼ିୟଃଆଃ, ଆଡଃ ଇନିଃ ଜେତାଏକେ କାଏ ବିଡ଼ାଅକଆ ।
14 But each one is tempted, when he is drawn away by his own lust, and enticed.
୧୪ମେନ୍ଦ ଜେତା ହଡ଼ ଆୟାଃ ଏତ୍କାନ୍ ସାନାଙ୍ଗ୍ରେ ତାଇନ୍କେଦ୍ତେ ବିଡ଼ାଅରେ ଉୟୁଗଃଆ ।
15 Then the lust, when it has conceived, bears sin; and the sin, when it is full grown, brings forth death.
୧୫ଏତ୍କାନ୍ ସାନାଙ୍ଗ୍ରେୟାଃ ହାମ୍ବାଲ୍ରୋୱାଏତେ ପାପ୍ ସିର୍ଜାଅଃଆ ଆଡଃ ଏନ୍ ପାପ୍ ପୁରା ହାରାଇଦିକେନଃରେ ଗନଏଃ ହବାଅଃଆ ।
16 Do not be deceived, my beloved brothers.
୧୬ହେ ଦୁଲାଡ଼୍ ହାଗା ମିଶିକ, ଆଲପେ ବେଦାଅଃଆ ।
17 All generous giving and every perfect gift is from above, coming down from the Father of lights, with whom can be no variation, nor turning shadow.
୧୭ସବେନ୍ ବୁଗିନ୍ ବାର୍ଦାନ୍ ଆଡଃ ସବେନାଃଏତେ ପୁରାଃ ବୁଗିନ୍ ଦାନ୍ ସିର୍ମାରେନ୍ ଆପୁ ପାର୍ମେଶ୍ୱାର୍ତାଃଏତେଗି ହିଜୁଃଆ । ଇନିଃ ସିର୍ମାରେ ମାର୍ସାଲେତାନ୍ ସିଙ୍ଗି, ଚାଣ୍ଡୁଃ, ଇପିଲ୍କକେ ବାବାଇନିଃ ତାନିଃ । ଇନିଃ ଉମ୍ବୁଲ୍ ଲେକା ବାଦ୍ଲାଅଃନିଃ ନାହାଁଲିଃ ।
18 Of his own will he brought us forth by the word of truth, that we should be a kind of first fruits of his creatures.
୧୮ଗଟା ଅତେଦିଶୁମ୍ରେ ଆଇଃକ୍ ବାଇୟାକାଦ୍ ଜାଁତୁକଆଃ ଥାଲାରେ ଆବୁ ଜେ'ଲେକା ପାହିଲା ଠାୟାଦ୍ରେବୁ ତାଇନା, ଏନାମେନ୍ତେ ଇନିଃ ଆୟାଃ ଇଛାସାନାଙ୍ଗ୍ରେ ସାର୍ତି କାଜିତେ ଆବୁକେ ବାଇୟାକାଦ୍ବୁଆ ।
19 This you know, my beloved brothers. But let every person be swift to hear, slow to speak, and slow to anger;
୧୯ଆଇଁୟାଃ ଦୁଲାଡ଼୍ ହାଗା ମିଶିକ, ନେଆଁ ପାହାମେପେ, ଆପେ ସବେନ୍କ ଆୟୁମ୍ ନାଗେନ୍ତେ ଏୟନାକାନ୍ପେ, ମେନ୍ଦ ସୁଆଏତେ ଜାଗାର୍ ନାଙ୍ଗ୍ ଆଡଃ ସୁଆଏତେ ଖିସ୍ଅଃ ନାଗେନ୍ତେ ହବାଅଃପେ ।
20 for human anger does not produce the righteousness of God.
୨୦ଚିୟାଃଚି ହଡ଼ଆଃ ଖିସ୍ ହରାତେ ପାର୍ମେଶ୍ୱାର୍ଆଃ ଇଛା ଧାର୍ମାନ୍ କାଏ ରିକାଦାଡ଼ିୟା ।
21 Therefore, putting away all filthiness and overflowing of wickedness, receive with humility the implanted word, which is able to save your souls.
୨୧ଏନାମେନ୍ତେ ସବେନ୍ ଲେକାନ୍ ଏତ୍କାନ୍ ଗିନିକାନ୍ତେୟାଃକ ଆଡଃ ଏତ୍କାନ୍ ଚାଇଲ୍ ଚାଲାନ୍ କାମିକ ବାଗିପେ । ଆପାନ୍କେ ପାର୍ମେଶ୍ୱାର୍ତାଃରେ ଜିମାକେଦ୍ତେ, ଆପେୟାଃ ମନ୍ସୁରୁଦ୍ରେ ଇନିଃ ଅକ ବାଚାନ୍ ହେରାକାଦାଏ, ଏନାକେ ତେଲାଏପେ । ଏନା ଆପେକେ ବାଞ୍ଚାଅ ଦାଡ଼ିୟାପେୟା ।
22 But be doers of the word, and not only hearers, deluding your own selves.
୨୨ଆପେ ଆପାନ୍କେ ଆଲପେ ବେଦାନାଃ । ଇନିୟାଃ ବାଚାନ୍ ଏସ୍କାର୍ ଆୟୁମ୍ଲେରେ କା ହବାଅଃଆ ମେନ୍ଦ ଏନ୍ ବାଚାନ୍ ଲେକାତେ କାମି ରିକା ଲାଗାତିଙ୍ଗ୍ୟାଁଃ ।
23 For if anyone is a hearer of the word and not a doer, he is like someone looking at his natural face in a mirror;
୨୩ଅକ ହଡ଼ ପାର୍ମେଶ୍ୱାର୍ଆଃ କାଜି ଏସ୍କାର୍ ଆୟୁମାଃଏ, ଚାଏ ଆୟୁମ୍କେଦ୍ତେ କାଏ କାମିୟାଃ, ଇନିଃ ଆଏନାରେ ଆୟାଃ ମେଦ୍ମୁହାଁଡ଼୍ ନେଲେତାନ୍ ହଡ଼ ଲେକାଃଏ ।
24 for he sees himself, and goes away, and immediately forgets what kind of person he was.
୨୪ଇନିଃଦ ବୁଗିଲେକା ଆୟାଃ ମେଦ୍ମୁହାଁଡ଼୍କେ ଆଏନାରେ ନେଲେନା, ମେନ୍ଦ ଇନିଃ ଏନ୍ତାଃଏତେ ଅଡଙ୍ଗ୍ୟାନ୍ତେ ଆୟାଃ ଆପ୍ନାଃ ମେଦ୍ମୁହାଁଡ଼୍କେ ଇମ୍ତାଗି ରିଡ଼ିଙ୍ଗ୍ତାଃ ।
25 But he who looks into the perfect Law of freedom, and continues, not being a hearer who forgets, but a doer of the work, this person will be blessed in what he does.
୨୫ମେନ୍ଦ ହଡ଼ରାଃ ଜୀଉବାଞ୍ଚାଅ ନାଗେନ୍ତେ ମିଆଁଦ୍ ପୁରା ପକ୍ତାକାନ୍ ଆନ୍ଚୁ ମେନାଃ । ଜେତାଏ ଏନା ଆୟୁମ୍କେଦ୍ତେ କାଏ ରିଡ଼ିଙ୍ଗ୍ୟେଁଆ ଆଡଃ ଆୟାଃ ନାଗେନ୍ତେ ପୁରା ମନ୍ସୁରୁଦ୍ରେ ମିଦ୍ମନ୍ତେ ଏନାକେ ମାନାତିୟେଁରେଦ, ପାର୍ମେଶ୍ୱାର୍ ଇନିୟାଃ ସବେନ୍ କାମିରେ ଆଶିଷ୍ ଏମାଇୟାଃ ।
26 If anyone thinks himself to be religious while he does not control his tongue, but deceives his heart, this one's religion is worthless.
୨୬ଜେତାଏ ଚିନାଃ ଆପାନ୍କେ ଧାର୍ମାନ୍ ମେନ୍ତେ ଆଟ୍କାରେନ୍ ତାନା? ଇନିଃ ଆୟାଃ ଆଲାଙ୍ଗ୍କେ ଥାବର୍ରେ କାଏ ଦହ ଦାଡ଼ିତାନ୍ରେଦ, ଇନିୟାଃ ଧାରାମ୍ କାମିକ ସବେନାଃ ସାମାତାନାଃ ଆଡଃ ଇନିଃ ଆପ୍ନାଃ ମନ୍କେ ବେଦାତାନା ।
27 Pure religion and undefiled before our God and Father is this: to visit the fatherless and widows in their affliction, and to keep oneself unstained by the world.
୨୭ଟୁଆର୍ ହନ୍କଆଃ ଆଡଃ ରାଣ୍ଡିକଆଃ ନାରାଦୁରା ଇମ୍ତାଙ୍ଗ୍ ଯାତ୍ନାଅ ଇଦିକେଦ୍ତେ, ଅତେଦିଶୁମ୍ରେୟାଃ ଏତ୍କାନାଃଏତେ ଆପାନ୍କେ ବେଗାର୍ ଦାଗିକେଦ୍ତେ ଦହତେୟାଃଗି, ଆବୁଆଃ ଆପୁ ପାର୍ମେଶ୍ୱାର୍ଆଃ ଆୟାର୍ରେ ପୁରାଃ ଫାର୍ଚିୟାନ୍ ଆଡଃ ସୁଗାଡ଼ାନ୍ ଧାର୍ମାନ୍ କାମି ତାନାଃ ।
