Job 34

1 Moreover Elihu answered,

Hagi Elihu'a mago'ene amanage hu'ne,

2 "Hear my words, you sages. Give ear to me, you who have knowledge.

Knare antahi'zama eri'nana ne'moka nagrama hanua nanekere kagesa antenka nentahinka, ama' antahi'zama eri'nana ne'moka nagrama hanua nanekea akohenka mani'nenka antahio.

3 For the ear tries words, as the palate tastes food.

Hagi ne'zama tagite erinteta haga'ama neta konaza huno, maka nanekema tagesamo'ma antahia nanekea, tagesamo'a rezagane so'e huno nentahie.

4 Let us choose for us that which is right. Let us know among ourselves what is good.

E'ina hu'negu inagemo fatgo huno knare hu'nefi tagra'a rezaganeta negeta, rempi huta antahisune.

5 For Job has said, 'I am righteous, God has taken away my right:

Hagi Jopu'ma kema hifina anage hu'ne, nagrira ke'ni'a omane'neanagi, Anumzamo'a kema hu kankamuni'a eri atrege'na mago zana osu'noe huno hu'ne.

6 Notwithstanding my right I am considered a liar. My wound is incurable, though I am without disobedience.'

Nagrira mago hazenke'ni'a omanegeno keni'a omane'ne. Hianagi vahe'mo'za nagrikura havige ne' mani'ne hu'za nehaze. Nagrira kumini'a omane'neanagi natama namino nevia natazamo'a vagaoresnia avamente nevie.

7 What man is like Job, who drinks scorn like water,

Hagi magora Jopukna nera iza mani'ne. Agra kizazokago ke huno vahe'ma zamaveri hu kege nehia ne' mani'ne.

8 Who goes in company with evildoers, and walks with wicked men?

Ana nehuno Jopu'a kumi'ma nehaza vahe'ene eri mago huno nemanino, kefo avu'ava'ma nehaza vahe'ene kna ahefrino nemanie.

9 For he has said, 'It profits a man nothing that he should delight himself with God.'

Na'ankure Jopu'a huno, Anumzamofoma musema huntesnampintira mago zana e'origahane huno hu'ne.

10 "Therefore listen to me, you men of understanding: far be it from God, that he should do wickedness, from Shaddai, that he should commit iniquity.

E'ina hu'negu ama' antahi'zama eri'naza vahe'mota nagri naneke antahiho. Maka vahe'mo'zama antahi'nazana Anumzamo'a havi avu'avara nosia ne' mani'ne hu'za antahi'naze. Ana hu'neankino Hankavenentake Anumzamo'a mago hazenkea osugahie.

11 For the work of a man he will render to him, and cause every man to find according to his ways.

Vahe'mo'zama hu'naza avu'avate anteno rezaganeno negeno, mizana zamitere nehia Anumza mani'ne.

12 Yes surely, God will not do wickedly, neither will Shaddai pervert justice.

Tamagerfa huno Hankavenentake Anumzamo'a mago hazenke zana osugahie. Ana hu'neankino Hanavenentake Anumzamo'a fatgo huno refkoa hugahie.

13 Who put him in charge of the earth? or who has appointed him over the whole world?

Iza ama mopa tro huteno, kegava huo huno Anumzamofonkura hunte'ne?

14 If he set his heart on himself, If he gathered to himself his spirit and his breath,

Hagi Anumzamo'ma Agra'a avamu'ene, asimu'anema ete eriresina,

15 all flesh would perish together, and man would turn again to dust.

maka asimu'ma enerino kasefa'ma huno nemania zagamo'a fri vaganeregeno, maka vahe'mo'za fri'za ete mopasazaresine.

16 "If now you have understanding, hear this. Listen to the voice of my words.

E'ina hu'negu Jopuga ama' antahi'zane vahe mani'noema hunka hanunka, nagrama nehua nanekere kagesa ante'nenka antahio.

17 Shall even one who hates justice govern? Will you condemn him who is righteous and mighty?—

Kagrama antahinana fatgo avu'ava zanku'ma avesrama hiresina, Anumzamo'a ama mopa kegava hunora viresimpi? E'ina hu'negu Hankave nentake huno fatgoma hu'nea Anumzamo'ma refko'ma hania zantera, mago hazenke hu'ne hunka huamara huntegahampi?

18 Who says to a king, 'Vile.' or to nobles, 'Wicked.'?

Anumzamo'a kini vahekura huno, mago zana huga vahera omani'naze nehuno, zamagima me'nea vahekura huno havi avu'avaza nehaza vahe mani'naze huno nehie.

19 Who doesn't respect the persons of princes, nor regards the rich more than the poor; for they all are the work of his hands.

Anumzamo maka vahera Agra'a tro huzmante'neankino, agi me'nea vahe'ene zago vahekukera nehuno, zamagi omne vahe'ene zamunte omne vahera zamage amne zanknara nosianki, Agri avurera mago avamenteke mani'naze.

20 In a moment they die, even at midnight. The people are shaken and pass away. The mighty are taken away without a hand.

Vahe'mo'za osi'a knafi ame hu'za nefrize. Kenage amu'nompi friza nevazageno, hankave vahera Anumzamo'a zamahe nefrie.

21 "For his eyes are on the ways of a man. He sees all his goings.

Na'ankure maka vahe'mo'zama haza zana Anumzamo'a negeno, maka avu'ava zama hazana nege.

22 There is no darkness, nor thick gloom, where evildoers may hide themselves.

Hanima nehia zamo'a Anumzamofo avua resoa osanigeno, maka kumira amate kegahie.

23 For he doesn't need to consider a man further, that he should go before God in judgment.

E'ina hu'negu tagra kna huhampri'neta ana knarera esanunkeno, Anumzamo'a refkoa huorantegahie.

24 He breaks in pieces mighty men in ways past finding out, and sets others in their place.

Anumzamo'a mago hankave vahe'ma azeri havizama hunakura, vahera antahigeteno anara nosie. Ana'ma nehuno'a ana vahe nontera ruvahe azeri o'netie.

25 Therefore he takes knowledge of their works. He overturns them in the night, so that they are destroyed.

Ana vahe'mo'za nehaza zamavu zmavara keno antahino hu'ne. Ana hu'neankino kenageke'za ana vahera zamahe fanane nehie.

26 He strikes them as wicked men in the open sight of others;

Hagi havi vahe'mo'zama zamavu'zmava zama hu'naza zamofo nona'a, amate zamazeri haviza nehige'za vahe'mo'za nezamagaze.

27 because they turned aside from following him, and wouldn't pay attention to any of his ways,

Anama nehiana na'ankure Anumzamo'ma hihoma huno hiazana nosu'za, Agri kasegema amage'ma nontaza zanku anara nehie.

28 so that they caused the cry of the poor to come to him. He heard the cry of the afflicted.

Ana zamunte omne vahera zamazeri havizama hazage'zama Anumzamofontega zavi'ma nete'zama, zavi krafama nehazageno'a Anumzamo'a antahi'ne.

29 When he gives quietness, who then can condemn? When he hides his face, who then can see him? Alike whether to a nation, or to a man,

Hianagi ana zante'ma Anumzamo'ma nona huno havi avu'ava'ma nehaza vahe'ma zamazeri havizama nosanigeno'a, iza huno Anumzamo'a havi avu'ava nehie? hunora hugahie. Hagi avugosama eri fra'ma nekisanigeno'a, mago vahe'mo'a keno eri forera osugahie. Hianagi Agrake mago'mago vahete'ene ama mopafima me'nea kumatamina kegava hu'ne.

30 that the godless man may not reign, that there be no one to ensnare the people.

Hagi Anumzamoke kefo avu'ava'ma nehaza vahe'mo'zama kva vahe'ma mani'ne'za vahe'ma zamavare'za havi kampima atresnage'za, kumi'ma hu'zanku huno anara nehie.

31 "For has any said to God, 'I am guilty, but I will not offend any more.

Hagi izaga antahi'nankeno Jopu'a Anumzamofonkura huno, nagrama hu'noa kumi'mofo nona hunka nazeri haviza nehananki, mago'enena kumira osugahue hunora hu'ne?

32 Teach me that which I do not see. If I have done iniquity, I will do it no more'?

Nagrama hu'nesnua kumira eri ama hunka nasamio. Hagi nagrama havi navu'navama hu'nesnuana henka'anena anazana osugahue.

33 Shall his recompense be as you desire, that you refuse it? For you must choose, and not I. Therefore speak what you know.

Anumzamo'ma Jopugama hugantea zankura kave'nosie. Ana hu'negu kagri'ma kave'nesiaza Anumzamo'a hunantesie hunka kagesa ontahio. Hianagi nagri zana omane'neanki, kagripi antahintahia me'ne. Ana hu'negu menina knare antahi'zanka'a huama hugeta antahi'maneno.

34 Men of understanding will tell me, yes, every wise man who hears me:

Hagi ama' antahi'zama eri'naza vahe'mo'zane, knare antahi'zama eri'naza vahe'mo'zama nagrama hua nanekema nentahi'za amanage hu'za nagrikura hazaresine.

35 'Job speaks without knowledge. His words are without wisdom.'

Jopu'a agafa'a omane'nea naneke nehantageno, antahintahia osu neginagi naneke nehie hu'za hazaresine.

36 I wish that Job were tried to the end, because of his answering like wicked men.

Jopugama kefo nanekema hu'nana zantera, Anumzamo'a tusi'a knaza kamigahie.

37 For he adds rebellion to his sin. He claps his hands among us, and multiplies his words against God."

Jopu'a kumi'ma hu'nea agofetu'ma, mago'ene kumi'ma hu'neana, azante rupro huno Anumzamofona kiza zokago ke hunenteno, tagri'enena keha'nereno, Anumzamofonkura huno fatgo hunora refkoa hunonante huno keharente'ne.