2 Corinthians 13
1 This is the third time I am coming to you. "At the mouth of two or three witnesses shall every word be established."
କେନ୍ଆତେ ମାୟ୍ଲେ ଞେନ୍ ୟାଗି ତର ଅମଙ୍ବେନ୍ ଇୟ୍ତାୟ୍; “ବାଗୁ ଇଜ୍ଜାନ୍ଡେନ୍ ୟାଗି ସାକିମରଞ୍ଜି ଆତେମଡ୍ଲୋଙ୍ ଅଡ଼୍କୋନ୍ ଆ ବର୍ନେଜି ଗନବ୍ରିନ୍ ଡେତେ ।”
2 I have said beforehand, and I do say beforehand, as when I was present the second time, so now, being absent, to those who have sinned before now, and to all the rest, that, if I come again, I will not spare;
ଆନାଜି ଆମ୍ମୁଙ୍ ଇର୍ସେନ୍ ଲୁମେଞ୍ଜି, ଆନିଞ୍ଜି ଡ ଅଡ଼୍କୋ ମନ୍ରାଞ୍ଜିଆଡଙ୍ ଆମ୍ମୁଙ୍ ବାଗୁ ତର ଇଙନ୍ ଞେନ୍ ଅମଙ୍ବେନ୍ ଅରିୟ୍ଲାଞନ୍ ଆଡିଡ୍ ଇୟ୍ଲାୟ୍ ବର୍ନେନ୍, ଆରି ଞେନ୍ ନମି ସଙାୟ୍ ଡକୋଡାଲନ୍ ବର୍ତନାୟ୍, ଞେନ୍ ଆରି ବତର ଇୟ୍ଲାୟ୍ ଡେନ୍, ଆନିଞ୍ଜି ପନବ୍ରଡନ୍ ସିଲଡ୍ ଆନ୍ନିଙ୍ ଅଃନ୍ନଡ଼ୁରେଜି ।
3 seeing that you seek a proof of Meshikha who speaks in me; who toward you is not weak, but is powerful in you.
କ୍ରିସ୍ଟନ୍ ତଅଡ୍ଗଡ୍ଞେନ୍ ସିଲଡ୍ ବର୍ନେନ୍ ବର୍ତନେ ଅଡ଼େ ଇଜ୍ଜା ଗାମ୍ଲେ ଆନାଜି ସାକିନ୍ ଏସାୟ୍ତେ, ତିଆତେ ଆମ୍ୱେଞ୍ଜି ଏଞାଙ୍ତେ; ଗନିୟ୍ଗିୟ୍ଲୋଙ୍ବେନ୍ ଆନିନ୍ ଏର୍ବପ୍ପୁ ତଡ୍, ଆର୍ପାୟ୍ ଅମଙ୍ବେନ୍ ଆନିନ୍ ଆ ବୋର୍ସାନ୍ ଅବ୍ତୁୟ୍ଲବେନ୍ ।
4 For indeed he was crucified through weakness, yet he lives through the power of God. For we also are weak in him, but we will live with him through the power of God toward you.
ଇନିଆସନ୍ଗାମେଣ୍ଡେନ୍ ଆନିନ୍ ଏର୍ବପ୍ପୁ ଆଡ୍ରେଏନ୍ ଆସନ୍ ଆନିନ୍ ଆଅକ୍କାଡଙ୍ଲୋଙନ୍ ରବୁଏନ୍, ବନ୍ଡ ଇସ୍ୱରନ୍ ଆ ବୋର୍ସା ବାତ୍ତେ ଆନିନ୍ ଆମେଙ୍ ଡକୋ; ଇନ୍ଲେଞ୍ଜି ନିୟ୍ ଆନିନ୍ ବୟନ୍ ମାୟ୍ଲନ୍ ଏର୍ବପ୍ପୁ ଡେଡେଲଙ୍ଲନ୍, ବନ୍ଡ ଇସ୍ୱରନ୍ ଆ ବୋର୍ସାଲୋଙ୍ ମାୟ୍ଲନ୍ କ୍ରିସ୍ଟନ୍ ସରିନ୍ ଇନ୍ଲେନ୍ ଅମେଙ୍ଲଙ୍ତନ୍ ।
5 Test your own selves, whether you are in the faith. Test your own selves. Or do you not know as to your own selves, that Yeshua Meshikha is in you?—unless indeed you are disqualified.
ଆମ୍ୱେଞ୍ଜି ଡର୍ନେଲୋଙନ୍ ଡକୋ ଅଡ଼େ ଇଜ୍ଜା, ରମ୍ମଙ୍ ରମ୍ମଙ୍ ଅଲ୍ଡମ୍ନାବା, ରମ୍ମଙ୍ ଗିୟ୍ଡମ୍ନାବା, ଆରି ଜିସୁ କ୍ରିସ୍ଟନ୍ ଉଗର୍ଲୋଙ୍ବେନ୍ ଡକୋ, କେନ୍ଆତେ ଆମ୍ୱେନ୍ ଜନାଲେ ଏଃର୍ରପ୍ତିଏ ପଙ୍? ଆରି ଜିସୁନ୍ ଉଗର୍ଲୋଙ୍ବେନ୍ ଅଃଡ୍ଡକୋଲନ୍ ଡେନ୍, ଆମ୍ୱେଞ୍ଜି ମନାଲ୍ମାଲନ୍ ସିଲଡ୍ ଅସେଡ୍ଲବେନ୍ ।
6 But I hope that you will know that we are not disqualified.
ବନ୍ଡ ଇନ୍ଲେନ୍ ମନାଲ୍ମାଲନ୍ ସିଲଡ୍ ଜିନୟ୍ଲଲେନ୍ କେନ୍ଆତେ ଆମ୍ୱେଞ୍ଜି ଜନାତବେନ୍ ଗାମ୍ଲେ ଞେନ୍ ଆସାତନାୟ୍ ।
7 Now we pray to God that you do no evil; not that we may appear approved, but that you may do that which is honorable, though we are as reprobate.
ଆରି, ଆମ୍ୱେଞ୍ଜି ଇନ୍ନିଙ୍ ଆ ଇର୍ସେ ଏଲୁମ୍ଡଙ୍, ତିଆସନ୍ ଇନ୍ଲେନ୍ ଇସ୍ୱରନ୍ ଆମଙ୍ ଏପାର୍ତନାତନାୟ୍; ଇନ୍ଲେନ୍ ମନାଲ୍ମାଲନ୍ ସିଲଡ୍ ଜିନୟ୍ଲଲେନ୍ ଗାମ୍ଲେ ଅବ୍ତୁୟ୍ଡମ୍ନେନ୍ ଆସନ୍ ଏଃପ୍ପାର୍ତନାନାୟ୍, ବନ୍ଡ ମନାଲ୍ମାଲନ୍ ସିଲଡ୍ ଆଜ୍ରିନୟ୍ତେଞ୍ଜି ଆ ମନ୍ରାଜି ଅନ୍ତମ୍ ଅଃଗିୟ୍ତାଲଲେନ୍ ଜନଙ୍ଡେନ୍, ଆମ୍ୱେଞ୍ଜି ମନଙ୍ କାବ୍ବାଡ଼ାନ୍ ଲୁମ୍ବା, ତିଆସନ୍ ଇନ୍ଲେନ୍ ଏପାର୍ତନାତନାୟ୍ ।
8 For we can do nothing against the truth, but for the truth.
ଇନିଆସନ୍ଗାମେଣ୍ଡେନ୍ ଆଜାଡ଼ିନ୍ ଆ ବିରୁଦଲୋଙ୍ ଇନ୍ନିଙ୍ ଲୁମ୍ଲେ ଅଃର୍ରପ୍ତିଆୟ୍, ବନ୍ଡ ଆଜାଡ଼ିନ୍ ଆ ଡନେଗଡ୍ ଲୁମ୍ଲେ ଏରପ୍ତିତାୟ୍ ।
9 For we rejoice when we are weak and you are strong. And this we also pray for, even your perfecting.
ଇନ୍ଲେଞ୍ଜି ଆଙ୍ଗା ଆଡିଡ୍ ଏର୍ବପ୍ପୁ, ତିଆଡିଡ୍ ଆମ୍ୱେଞ୍ଜି ବୋର୍ସାଡମ୍, ତିଆସନ୍ ଇନ୍ଲେନ୍ ଏସର୍ଡାତନାୟ୍; ଆମ୍ୱେଞ୍ଜି ଏଙ୍ଗାଲ୍ଡେନ୍ ମରଙ୍ତବେନ୍ ତିଆସନ୍ ଇନ୍ଲେନ୍ ଏପାର୍ତନାତନାୟ୍ ।
10 For this cause I write these things while absent, that I may not deal sharply when present, according to the authority which the Lord gave me for building up, and not for tearing down.
ତିଆସନ୍ ଞେନ୍ ସଙାୟ୍ ଡକୋଡାଲନ୍ କେନ୍ ଅଡ଼୍କୋନ୍ ଇଡ୍ଲେ ଆପ୍ପାୟ୍ତାୟ୍, ଏତ୍ତେଲ୍ଡେନ୍ ଞେନ୍ ଆଙ୍ଗା ଇୟ୍ତାୟ୍ ପ୍ରବୁନ୍ ଞେନ୍ଆଡଙ୍ ଅଙ୍ଗା ଅଦିକାର ତିୟ୍ଲିଁୟ୍, ତିଅନ୍ତମ୍ ଞେନ୍ ଅଃଲ୍ଲୁମାୟ୍; ଇନିଆସନ୍ଗାମେଣ୍ଡେନ୍ ଆମ୍ବେଞ୍ଜିଆଡଙ୍ ଅନବ୍ସେଡନ୍ ଆସନ୍ ତଡ୍, ଆର୍ପାୟ୍ ମନବ୍ରଙନ୍ ଆସନ୍ ପ୍ରବୁନ୍ ଞେନ୍ଆଡଙ୍ ଅଦିକାରନ୍ ତିୟ୍ଲିଁୟ୍ ।
11 Finally, brothers, rejoice. Be perfected, be comforted, be of the same mind, live in peace, and the God of love and peace will be with you.
ଆତନିକ୍କି, ଏ ବୋଞାଙ୍ଜି, ତନାନ୍ଜି, ସର୍ଡାନାବା, ସବ୍ତଙ୍ନାବା; ଅଲ୍ଞଙ୍ଞଙ୍ବା, ଆବମନ୍ନନ୍ ଅମ୍ମେନାବା, ସନୟୁନ୍ ବାତ୍ତେ ଡକୋନାବା; ଆରି ଡନୁଙ୍ୟମନ୍ ଡ ସନୟୁ ଇସ୍ୱରନ୍ ଆମ୍ୱେଞ୍ଜି ସରିନ୍ ଡକୋତନେ ।
12 Greet one another with a holy kiss.
ମଡ଼ିର୍ ଜନୋର୍ଜୋରନ୍ ବାତ୍ତେ ତର୍ଡମ୍ ଅଲ୍ନମସ୍କାରବା ।
13 All the saints greet you.
ଅଡ଼୍କୋ ବୟ୍ଲେମରଞ୍ଜି ଆମ୍ୱେଞ୍ଜିଆଡଙ୍ ଲୋମ୍ତବେଞ୍ଜି ।
14 The grace of the Lord Yeshua Meshikha, the love of God, and the fellowship of the Rukha d'Qudsha, be with you all.
ପ୍ରବୁ ଜିସୁନ୍ ଆ ସନାୟୁମ୍, ଇସ୍ୱରନ୍ ଆ ଡନୁଙ୍ୟମ୍ ଡ ମଡ଼ିର୍ ପୁରାଡ଼ାନ୍ ଆ ମରାୟ୍ନେ ଆମ୍ୱେଞ୍ଜି ସରିନ୍ ଡକୋନେତୋ ।
