Psalms 1

1 O the blessedness of that one, Who has not walked in the counsel of the wicked, And has not stood in the way of sinners, And has not sat in the seat of scorners;

Nagasat ti tao a saan a magna iti pammagbaga dagiti nadangkes, wenno agtakder iti dalan dagiti managbasol, wenno agtugaw iti taripnong dagiti manglalais.

2 But his delight [is] in the Law of YHWH, And in His law he meditates by day and by night:

Ngem ti ragsakna ket adda iti linteg ni Yahweh, ken ut-utobenna ti linteg ni Yahweh iti aldaw ken rabii.

3 And he has been as a tree, Planted by streams of water, That gives its fruit in its season, And its leaf does not wither, And all that he does he causes to prosper.

Maiyarig isuna iti maysa a kayo a naimula iti igid dagiti waig nga agbunga iti tiempona, a saan a malaylay dagiti bulongna; agballigi ti aniaman nga aramidenna.

4 Not so the wicked: But [they are] as chaff that wind drives away!

Saan a kasta dagiti nadangkes, ngem kasla ketdi iti taep nga itayab ti angin.

5 Therefore the wicked do not rise in judgment, Nor sinners in the congregation of the righteous,

Isu a saanto a makatakder dagiti nadangkes iti panangukom, wenno dagiti managbasol iti taripnong dagiti nalinteg.

6 For YHWH is knowing the way of the righteous, And the way of the wicked is lost!

Ta anamungan ni Yahweh ti dalan dagiti nalinteg, ngem mapukawto ti dalan dagiti nadangkes.