Psalms 99

1 YHWH has reigned, peoples tremble, The Inhabitant of the cherubim, the earth shakes.

Agar-ari ni Yahweh, agpigerger koma dagiti nasion. Agtugtugaw isuna iti tronona iti ngatoen ti kerubim; ken agginggined ti daga.

2 YHWH [is] great in Zion, And He [is] high over all the peoples.

Naindaklan ni Yahweh idiay Sion; maitagtag-ay isuna kadagiti amin a nasion.

3 They praise Your Name, “Great, and fearful, [it] is holy!”

Idaydayawda koma ti naindaklan ken natan-ok a nagganmo; nasantoan isuna.

4 And the strength of the king Has loved judgment, You have established uprightness; Judgment and righteousness in Jacob, You have done.

Nabileg ti ari, ken ay-ayatena ti hustisia. Inrugim ti awan panangidumduma; nangaramidka iti nalinteg a paglintegan kenni Jacob.

5 Exalt our God YHWH, And bow yourselves at His footstool, He [is] holy.

Idaydayawyo ni Yahweh a Diostayo ken agrukbabkayo iti sakaananna. Nasantoan isuna.

6 Moses and Aaron among His priests, And Samuel among those proclaiming His Name. They are calling to YHWH, And He answers them.

Da Moises ken Aaron ket maysada kadagiti papadina, ken ni Samuel ket maysa kadagiti nagkararag kenkuana. Nagkararagda kenni Yahweh ket sinungbatanna ida.

7 He speaks to them in a pillar of cloud, They have kept His testimonies, And He has given the statute to them.

Kinasaritana ida manipud iti adigi ti ulep. Sinalimetmetanda dagiti pammaneknekna ken alagaden nga intedna kadakuada.

8 O YHWH, our God, You have afflicted them, You have been a forgiving God to them, And taking vengeance on their actions.

Sinungbatam ida, O Yahweh a Diosmi. Sika ti Dios a nangpakawan kadakuada, uray no dinusam dagiti basbasolda.

9 Exalt our God YHWH, And bow yourselves at His holy hill, For our God YHWH [is] holy!

Idaydayawyo ni Yahweh a Diostayo, ken agrukbabkayo idiay nasantoan a turodna, ta nasantoan ni Yahweh a Diostayo.